1 year ago
ရိုဟင်ဂျာ ၇ ဦးကို အိန္ဒိယနိုင်ငံက မြန်မာကို ပထမဆုံးအကြိမ် ပြန်ပို့
2 years ago
ဓာတ်ပြားအဆိုတော် တေးသံရှင် ဒေါ်မာမာဝေ အသက်(၉၃) နှစ် ကွယ်လွန်
2 years ago
ဒုက္ခသည်စခန်းမှ လုပ်အားပေးဆရာမတစ်ဦး ရခိုင်မှ ရန်ကုန်သို့လာစဉ် လဝကဥပဒေဖြင့် အဖမ်းခံရပြီး ထောင်တစ်နှစ်ကျ
2 years ago
ဦးဇော်ဌေး (ခ) မှူးဇော်အား ဌာနပြောင်းရွှေ့တာဝန်ပေး
2 years ago
NVC ကဒ် လက်ခံရန် ဖိအားပေးခံရမှုကို ငြင်းဆိုသော ကမန်တိုင်းရင်းသားများ စီးပွားရေးပိတ်ဆို့ခံနေရ
2 years ago
ASEAN ထိပ်သီးများ ရိုဟင်ဂျာအရေး ဆွေးနွေး
2 years ago
Drone မှုနဲ့ဖမ်းခံရသူ သတင်းထောက်တွေ မိသားစုနဲ့တွေ့ခွင့်မရသေး
2 years ago
မြန်မာ-ဘင်္ဂလားဒေ့ရှ် သဘောတူညီချက် (၁၀)ချက် လက်မှတ်ရေးထိုး
2 years ago
AA ဒုဗိုလ်မှူးကြီး အပါအ၀င် ၉ ဦးကို ငွေကြေးခ၀ါချမှုနဲ့ အမှုဖွင့်စစ်ဆေး
2 years ago
ဘာသာပေါင်းစုံ ဆုတောင်းပွဲ (ရုပ်သံ)
547981_406548966031047_1320218506_n

Photo-7DayNews

တစ်ချိန်က
အချုပ်ကျနေချိန်
ဇွန် ၁၉ ဆိုတာ
သားတို့အတွက်
မျက်နှာမွဲတွေအတွက်
မိခင်များနေ့ဆိုတဲ့
နေ့ကြီးရက်ကြီးပေါ့။

ကဗျာရွတ်ပွဲ
ဆုတောင်းပွဲတွေ
ကြက်သီးတွေထ
မျက်ရည်တွေကျ
ကြိမ်းဝါးခဲ့တာ
ငါ့အမေလွတ်လာမှသိမယ်ပေါ့။

အာဂအမေလည်း
သတ္တိခဲပေမို့
အာဏာရှင်ကိုတွန်းလှန်
အဖိနှိပ်ခံတွေဘက်
မားမားရပ်ခဲ့သေးတယ်လေ။

ပြည်သူ့အင်အား
လူထုအားနဲ့
အာဏာရှင်ကို
တွန်းချနိုင်ပြီ
လက်သန်းမှင်တွေ သက်သေပေါ့။

ရင်ကြားစေ့ရေး
အစဉ်တွေးပြီး
အလေးထားပေးတာ
မပြောလိုပါဘူး
ဒါပေမယ့်လေ ဒါပေမယ့်ပေါ့
မင်းသားမျက်နှာဖုံးအောက်က
ဘီလူးအစွယ်ကို
အမေသေချာမြင်ပါစေ။

လူနည်းစု ဘာသာကွဲ
အားလုံးဟာပြည်သူဘဲလေ
ဒီပြည်သူတွေ တစ်ချိန်က
အမေမှအမေ
အမေသာမျှော်လင့်ချက်
အမေသာမိုးသောက်ရောင်ခြည်မို့
အမေ့အတွက် အသက်စွန့်မယ်
တုံးတိုက်တိုက် ကျားကိုက်ကိုက်။

ခုတော့လေ
တိုင်းရင်းသားတွေ
ဖိနှိပ်ခံနေရတုန်း
ဘာသာခြားတွေ
အနိုင်ကျင့်ခံနေရတုန်း
အမုန်းလှိုင်းတွေ
တစ်လုံးပြီးတစ်လုံးနဲ့
မျှော်လင့်ချက်ကမ်းပါးကို
တိုက်စားသွားလေပြီလား။

ဒီမိုကရေစီဆိုတာ
အာဏာရှင်စွန့်ကျဲမှ
သဒ္ဒါသလောက်သာရမယ်ဆိုရင်
အမေအပင်ပန်းမခံနဲ့
သားတို့တတွေ
ပြည်သူတွေစုပြီး
ကိုယ့်အထုပ်ကိုယ်ထမ်း
တော်လှန်ရေးလမ်းကို
အစကပြန်ချီတက်မယ်။

ကာရံမချောတဲ့ကဗျာ
အဆုံးမသတ်နိုင်တဲ့ ကားချပ်
သဲကြိုးပြတ်နေတဲ့ဖိနပ်
သားပျောက်နေတဲ့မိခင်
ကြေကွဲစရာအဖြစ်အပျက်
သန်းကောင်ထက် ညဥ့်မနက်တော့ပါဘူး။

ကျော်စွာ
(၁၉-၆-၂၀၁၆)
မနက် ၄:၁၅

Tags:

Leave a Reply