အိုလံပစ်ပြိုင်ပွဲဝင် ဆီးရီးယားဒုက္ခသည် သူရဲကောင်းမလေး သို့မဟုတ် ယူဆရာ မာဒီနီ

သြဂုတ် ၆၊ ၂၀၁၆
M-Media

– လက်ရှိ ဘရာဇီးလ်နိုင်ငံ ရီယိုဒီဂျနေရိုးမြို့မှာ ကျင်းပနေတဲ့ ၂၀၁၆ အိုလံပစ်ပြိုင်ပွဲမှာ ပါဝင်ယှဉ်ပြိုင်ကစားနေကြတဲ့ အားကစားသမားတွေမှာ စိတ်ဝင်စားဖွယ် နောက်ခံအကြောင်းအရင်းတွေ ရှိကြပါတယ်။

အဲဒီအထဲမှာမှ အသက် ၁၈နှစ်အရွယ် ဆီးရီးယားဒုက္ခသည် အမျိုးသမီးငယ်လေး ယူဆရာ မာဒီနီရဲ့ အဖြစ်အပျက်ကတော့ တစ်မူထူးခြားပါတယ်။

ဂျာမနီနိုင်ငံကို ကိုယ်စားပြုပြီး ၀င်ရောက်ယှဉ်ပြိုင်မယ့် ရေးကူးမယ် မာဒီနဟာ အိုလံပစ်ပြိုင်ပွဲဝင် ဒုက္ခသည် ၁၀ ဦးပါဝင်တဲ့ ဒုက္ခသည်အသင်းရဲ့ အဖွဲ့ဝင်တစ်ဦးလည်း ဖြစ်ပါတယ်။

အခြားသော အသက် ၁၈ နှစ်အရွယ် လူငယ်တစ်ဦးရဲ့ ကြီးမားဆုံးအောင်မြင်မှုဟာ အထက်တန်းကျောင်းကို A အဆင့်နဲ့ ပြီးမြောက်အောင်မြင်တာမျိုး ဖြစ်ပေမယ့် မာဒီနီရဲ့ အောင်မြင်မှုကတော့ ဒီ့ထက်ကို ပိုပါတယ်။

ဒါကတော့ တစ်ခြားမဟုတ်ပါဘူး။ သူနဲ့ သူ့ရဲ့အမဟာ ဆီးရီးယားနိုင်ငံကနေ ထွက်ပြေးလာတဲ့အချိန် အေဂျီယန်ပင်လယ်အတွင်း သူတို့ရဲ့ ရေစိမ့်နေတဲ့ လှေငယ်လေးကို ကမ်းရောက်အောင် ရေကူးပြီးဆွဲပေးခဲ့တာဖြစ်ပါတယ်။ သူတို့ ညီအစ်မနှစ်ဦးရဲ့ သူမတူတဲ့ စွမ်းဆောင်မှုကြောင့် သူတို့ရဲ့ အသက်တွေအပါအ၀င် စုစုပေါင်း လူ ၂၀ လောက်ရဲ့ အသက်ကို ကယ်တင်နိုင်ခဲ့ပါတယ်။

လက်ရှိ ဘာလင်မှာ နေထိုင်နေတဲ့ မာဒီနီဟာ စနေနေ့နဲ့ ဗုဒ္ဓဟူးနေ့တွေမှာ အမျိုးသမီး မီတာ ၁၀၀ လိပ်ပြာကူးနဲ့ အလွတ်ကူး ပြိုင်ပွဲတွေမှာ ၀င်ရောက်ယှဉ်ပြိုင်မှာဖြစ်ပြီး ပြိုင်ပွဲမှာ မျှော်လင့်ချက်အရှိဆုံး စောင့်ကြည့်ရမယ့်သူတွေထဲက တစ်ယောက်အဖြစ် မှတ်ယူခံထားရပါတယ်။

ဆီးရီးယားမှ ဘ၀

မာဒီနီဟာ စစ်ပွဲဒဏ်ကို အလူးအလဲခံစားနေရတဲ့ ဒမတ်စကတ်မြို့က ပါရမီရှိ ရေကူးမယ်တစ်ဦး ဖြစ်ပြီး ဆီးရီးယား အိုလံပစ်ကော်မတီရဲ့ ထောက်ခံချက်ရရှိထားသူပါ။ နိုင်ငံအတွင်းမှာ မတည်ငြိမ်မှုတွေ မြင့်တက်လာချိန်မှာ မာဒီနီတစ်ယောက် ဗုံးဒဏ်ကြောင့် အမိုးမရှိတော့တဲ့ ရေကူးကန်တွေထဲမှာ လေ့ကျင့်ခဲ့ရပါတယ်။

“တစ်ခါတစ်ရံမှာ တိုက်ခိုက်မှုတွေကြောင့် ကျွန်မတို့ မလေ့ကျင့်နိုင်ပါဘူး။ တစ်ခါတစ်ရံမှာ အမိုးပွင့်ထွက်နေတဲ့ ရေကူးကန်တွေမှာ လေ့ကျင့်ရပါတယ်” လို့ မာဒီနီက ပြောကြးခဲ့ပါတယ်။

ဒမတ်စကတ်ရဲ့ မတည်ငြိမ်မှုဟာ တော်တော်လေးဆိုဝါးတာကြောင့် မာဒီနီနဲ့ သူမရဲ့ အစ်မဖြစ်သူ ဆာရာတို့ဟာ နောက်ဆုံးမှာတော့ ဆီးရီးယားကို စွန့်ခွာခဲ့ရပြီး လက်ဘနွန်နဲ့ တူရကီတို့ကိုဖြတ်ကာ ဂရိကို ရောက်ရှိခဲ့ပါတယ်။

အသက်စွန့်ကယ်တင်မှု

တူရကီကနေ သူတို့ဟာ ၆ ယောက်သာ စီးဖို့ လုပ်ထားတဲ့ ရာဘာလှေငယ်လေးနဲ့ အယောက် ၂၀ တင်ပြီး အေဂျီယန်ပင်လယ်ကို ဖြတ်ရတာဖြစ်ပါတယ်။ ထွက်လာပြီး မိနစ် ၃၀ အကြာမှာပဲ လှေပေါ်က အင်ဂျင်ဟာ အလုပ်မလုပ်တော့ပါဘူး။ လှေပေါ်မှာပါလာတဲ့ လူအများစုကလည်း ရေမကူးတတ်ကြဘဲ ရွေးစရာမရှိတာကြောင့် လှေနစ်မှုကနေ ကာကွယ်ဖို့အတွက် မာဒီနီတို့ ညီအမ ၂ ဦးဟာ ပင်လယ်ထဲကိုဆင်းပြီး အကာကွယ်မဲ့တဲ့ရေထဲမှာ ၃ နာရီးကြာ လှေကို ကမ်းရောက်အောင် ဆွဲခဲ့ရပါတယ်။ နောက်ဆုံးမှာတော့ ဂရိပိုင် ကျွန်းတစ်ကျွန်းဖြစ်တဲ့ လက်စ်ဘော့စ်ကို ရောက်ခဲ့ပါတော့တယ်။

“ရေကူးတတ်တဲ့သူက လှေပေါ်မှာ ၄ ဦးပဲ ပါပါတယ်။ လက်တစ်ဖက်က လှေကိုချည်ထားတဲ့ကြိုးကို ကိုင်ထားပြီး ကျန်တဲ့လက်တစ်ဖက်၊ ခြေထောက် နှစ်ဖက်နဲ့ ကူးခတ်ခဲ့ရတာပါ။ အေးနေတဲ့ဒီရေထဲမှာ ကျွန်မတို့ ၃ နာရီခွဲကြာ ကူးခတ်ခဲ့ရတာဖြစ်ပါတယ်။ ခန္ဓာကိုယ်က လုံးဝ မခံနိုင်တော့ပါဘူး။ အဲဒီခံစားမှုကို ကျွန်မ ပြောမပြတတ်ပါဘူး” လို့ မာဒီနီက သူ့ရဲ့ အတွေ့အကြုံကို ဖွင့်ဟခဲ့ပါတယ်။

အခုအချိန်မှာ မာဒီနီတစ်ယောက် ပင်လယ်ပြင်ကို မုန်းနေပေမယ့် ဒီအဖြစ်အပျက်ဟာ သူ့အတွက် အိပ်မက်ဆိုးတော့ မဟုတ်ပါဘူး။

“ဒီအဖြစ်အပျက်ကြောင့် ကျွန်မဟာ ရေမကူးဘဲနဲ့ အသက်ရှင်မှာမဟုတ်ဘူးဆိုတာ စဉ်စားမိခဲ့ပါတယ်။ ဒါဟာ ကျွန်မအတွက်တော့ အပြုသဘောဆောင်တဲ့ အတွေ့အကြုံ ဖြစ်နေမှာပါ”

ဂရိကိုရောက်ပြီးတဲ့နောက်ပိုင်းမှာ မာဒီနီနဲ့ ဆာရာတို့ဟာ မက်ဆီဒိုးနီးယား၊ ဆားဘီးယား၊ ဟန်ဂေရီနဲ့ သြစတြီးယားတို့ကို ဖြတ်ကျော်ခဲ့ရပြီး နောက်ဆုံးမှာ ဂျာမနီကို ရောက်ခဲ့ပါတော့တယ်။

ဘာလင်ဘ၀

ဘာလင်ရောက်လာခဲ့တဲ့ မာဒီနီဟာ Wasserfreunde Spandau 04 ရေကူးအသင်းနဲ့ ဆက်သွယ်ခဲ့ပြီး အဖွဲ့ဝင်အဖြစ် ၀င်ရောက်ခဲ့ပါတယ်။ သူမရဲ့ အလားအလာကို သိရှိခဲ့တဲ့ နည်းပြ ဆဗင် စပန်နက်ကရဘ်စ်က မာဒီနီကို ၂၀၂၀ တိုကျိုအိုလံပစ်မှာ ၀င်ပြိုင်စေဖို့ လျာထားခဲ့ပါတယ်။ ဒါပေမယ့် သူမရဲ့ အိုလံပစ်ခရီးဟာ ဒီထက်ပိုမြန်ဆန်ခဲ့ပြီး ဘရာဇီးလ်အိုလံပစ်မှာ ယှဉ်ပြိုင်ခွင့် ရခဲ့ပါတယ်။

မာဒီနီဟ မနက်ပိုင်းမှာ ၃ နာရီလောက် လေ့ကျင့်ပြီးတဲ့နောက် ကျောင်းတက်ရပြီး ကျောင်းကအပြန် ညနေပိုင်းမှာလည်း ဆက်လက် လေ့ကျင့်ခဲ့ရပါတယ်။

Gurdian သတင်းစာကတော့ ဆီးရီးယားကလည်း သူမရဲ့လေ့ကျင်မှုကို စောင့်ကြည့်နေခဲ့ပြီး သူမနဲ့ပတ်သက်တဲ့ နောက်ဆုံးသတင်းအချက်အလက်တွေကိုလည်း စုဆောင်းခဲ့တယ်လို့ ဖော်ပြခဲ့ပါတယ်။

ဒုက္ခသည်များအား နှိမ့်ချမှုကို တွန်းလှန်ပြီ

“ဒုက္ခသည်တွေဟာ သူတို့ရဲ့ ဇာတိမြေမှာမနေချင်တော့ဘဲ ဒုက္ခသည်ဖြစ်ချင်လွန်းလို့ ဒုက္ခသည်ဖြစ်လာရတာ မဟုတ်ဘူးဆိုတာကို ကျွန်မ လူတိုင်းကို သိစေချင်ပါတယ်။ သူတို့ ဒုက္ခသည်ဖြစ်လာရတာဟာ ဇာတိမြေမှာ ဆက်နေလို့ မရတော့လို့၊ သူတို့ရဲ့ ဘ၀အိပ်မက်တွေကို အကောင်အထည်ဖော်လို့ မရလို့သာ ဖြစ်ပါတယ်”

“သူတို့ လုပ်ဆောင်သမျှအားလုံးဟာ ပိုကောင်းတဲ့ ဘ၀သစ်ကိုရဖို့ ကြိုးစားကြတာပါ။ အားကစားရုံထဲကို ကျွန်မတို့ ၀င်ရောက် ခြင်းဟာ လူတိုင်း သူတို့ရဲ့ အိပ်မက်တွေကို အကောင်အထည်ဖော်နိုင်တယ်ဆိုတဲ့ အသိမျိုး ရှိလာအောင် တွန်းအားပေးဖို့ပါပဲ” လို့ အိုလံပစ်ပြိုင်ပွဲနဲ့ပတ်သက်တဲ့ သတင်းစာရှင်းလင်းပွဲမှာ ပြောကြားခဲ့ပါတယ်။

ဆီးရီးယားမှာ ငြိမ်းချမ်းရေးအသီးအပွင့်တွေ သီးပွင့်တဲ့အချိန်ကျရင် သူမရဲ့ ဒီဇာတ်လမ်းကို ဇာတိမြေကသူတွေ သိအောင် ပြောပြသွားဖို့လည်း မာဒီနီက မျှော်လင့်နေပါတယ်။

“ဂျာမနီမှာ ကျွန်မရဲ့ ဘ၀သစ်ကို တည်ဆောက်ကောင်း တည်ဆောက်နိုင်ပါတယ်။ ကျွန်မ အသက်ကြီးသွားတဲ့အခါမှာတော့ ဆီးရီးယားကိုသွားပြီး ကျွန်မရဲ့ အတွေ့အကြုံတွေကို မျှဝေသွားမှာပါ”

Ref: Independent