1 week ago
ASEAN ထိပ်သီးများ ရိုဟင်ဂျာအရေး ဆွေးနွေး
3 weeks ago
Drone မှုနဲ့ဖမ်းခံရသူ သတင်းထောက်တွေ မိသားစုနဲ့တွေ့ခွင့်မရသေး
4 weeks ago
မြန်မာ-ဘင်္ဂလားဒေ့ရှ် သဘောတူညီချက် (၁၀)ချက် လက်မှတ်ရေးထိုး
4 weeks ago
AA ဒုဗိုလ်မှူးကြီး အပါအ၀င် ၉ ဦးကို ငွေကြေးခ၀ါချမှုနဲ့ အမှုဖွင့်စစ်ဆေး
1 month ago
ဘာသာပေါင်းစုံ ဆုတောင်းပွဲ (ရုပ်သံ)
1 month ago
ရိုးရာ လက်ဝှေ့ အဖွဲ့ချူပ် ပြက္ခဒိန်တွင် ထွန်းထွန်းမင်း ဓါတ်ပုံ ချန်ထားခံရ
1 month ago
ဘာသာပေါင်းစုံ ဆုတောင်းပွဲ ဖိတ်ကြားလွှာ (ရန်ကုန်)
1 month ago
ရွှေတိဂုံစေတီ ဝတ္တကမြေအတွင်း ဘာသာခြားများကို ဈေးရောင်းခွင့် ကန့်သတ်ထားခြင်း မရှိဟုဆို
2 months ago
ပြည်မြို့ ဆေးရုံကြီးအတွက် သိန်း(၁၂၀၀) တန်ဖိုးရှိ ကျောက်ကပ်ဆေးစက် (၅) လုံး လှူဒါန်း
2 months ago
ဘာသာခြားများကိုသတ်ရန် ခြိမ်းခြောက်လှုံ.ဆော်သူကို ထောင် ၈ ရက်ပြစ်ဒဏ်ချ

အောက်တိုဘာ ၃ ၊ ၂၀၁၆
M-Media
သီဟ

pyidaungsu-muslims
စာဖတ်သူတွေကို ယခင်လက ထွက်ရှိခဲ့သော စာရေးဆရာ ဒေါက်တာမြင့်သိန်း (ငြိမ်းချမ်းလုလင်) ရေးသားပြုစုသည့် ” ပြည်ထောင်စုသား မွတ်စလင်မ်များ ” စာအုပ်နဲ့ မိတ်ဆက်ပေးပါရစေ။

စာအုပ်မှာ စာမျက်နာ ၃၀၀ ကျော်ပါရှိပြီး ပုဂံခေတ် လူအဖွဲ့အစည်းမှ စတင်ပြီး ၂၀၁၀ နောက်ပိုင်းခေတ် အထိ မြန်မာနိုင်ငံ၏ သမိုင်းတလျောက် မွတ်စလင်မ် လူအဖွဲ့အစည်း ရဲ့ သမိုင်းကြောင်း ဆိုင်ရာများကို သမိုင်းအထောက်အထား ခိုင်ခိုင်လုံလုံနဲ့ ရေးသားထားတာကို တွေ့ရှိရပါတယ်။ စာအုပ်တွင် အခန်း ၈ ခန်း ပါရှိပြီး အကြောင်းအရာတိုင်းကို သမိုင်းအထောက်အထား အညွှန်းများ၊ အောက်ခြေမှတ်စုများ၊ အကိုးအကား စုံလင်စွာနဲ့ ရေးသား ထားတာကိုတွေ့ရှိရပါတယ်။

ဒါအပြင် ယခုစာအုပ်ကို အမှာစာရေးပေးသူများတွင် မြန်မာနိုင်ငံ သမိုင်းကော်မရှင်ဥက္ကဌဟောင်း၊ ပါမောက္ခဒေါက်တာ ခင်မောင်ညွှန့် အပါအဝင် နယ်ပယ်အစုံမှ ထင်ရှားတဲ့ ခေါင်းဆောင်များမှ အမှာစာများ ရေးပေးထားတာကို လည်းတွေ့ရှိရပါတယ်။

စာရေးသူက ယခု စာအုပ် ရေးသား ရခြင်းရဲ့ ရည်ရွယ်ချက်မှာ
-သမိုင်းထိန်ချိန်ခံရမှု ကွက်လပ်များကို အရှိအတိုင်း ဖြည့်ဆည်းရေး၊
– မျိုးဆက်ကွာဟမှုကြောင့် ရှိနေသည့် သံသယနှင့် အထင်အမြင်လွဲမှားများကို ဖယ်ရှားရေ၊
-တိုင်းပြည်ချစ်စိတ်ကို ဗဟိုပြု၍ ဒီမိုကရေစီ၊ ငြိမ်းချမ်းရေးနှင့် နိုင်ငံဖွံ့ဖြိုါ် ရေး လုပ်ငန်းများတွင် လူသား အရင်းအမြစ်များကို စနစ်တကျ အသုံးချနိုင်ရေး၊
– ကိုးကွယ်ရာ ဘာသာကို အကြောင်းပြု၍ နိုင်ငံသားတိုင်း မူလနိုင်ငံသား အခွင့်အရေး မဆုံးရှုံးစေရေး ၊ ခွဲခြားဆက်ဆံမှုများ ပပျောက်ရေး၊
-လူမျိုး ပေါင်းစုံ ၊ ဘာသာပေါင်းစုံ ငြိမ်းချမ်းစွာ အတူယှဉ်တွဲ နေထိုင်ရေး၊
-ဘာသာပေါင်းစုံ ချစ်ကြည်ရေး လုပ်ငန်းများကို အောက်ခြေလူ့အဖွဲ့အစည်းဝင်များတိုင်အောင် ထိရောက်စွာ ဆောင်ရွက်နိုင်ရေးကို ရည်ရွယ်ပြိး ရေးသားခဲ့ကြောင်း ဖော်ပြထားပါတယ်။

စာအုပ် ဝယ်ယူလိုသူတွေအနေနဲ့ ဖုန်းနံပါတ် 095134487 ဆက်သွယ်စုံစမ်းနိုင်ပြီး နှင့် စာပေလောကနှင့် အခြားသော စာအုပ်ဆိုင်များမှာ ဝယ်ယူရရှိနိုင်ကြောင်း သိရှိရပါတယ်။

ယခုစာအုပ်ကို အမှာစာရေးပေးသူ အချို့၏ ရေးသားထားမှုများကို ကောက်နှုတ်၍ ဖော်ပြပေးလိုက်ပါတယ်။

သူရ ဦးတင်ဦး (အမျိုးသား ဒီမိုကရေစီ အဖွဲ့ချူပ် ၊သဘာပတိနှင့် နာယက)
————————————
မြန်မာမွတ်စလင်မ် လူ့ အဖွဲ့အစည်းသည် တိုင်းပြည်အေးချမ်းဖွံ့ဖြိုးရေးအတွက် အရေးပါသော လူသား အရင်းအမြစ်တစ်ရပ်အနေဖြင့် နိုင်ငံသားကောင်းပီသစွာ ဆောင်ရွက်သွားကြမည့် အကြောင်းကို သမိုင်းကြောင်းနှင့် ဥပဒေအရ ပြန်တမ်းဝင် အချက်များနှင့် သက်သေသာဓက အထောက်အထားများ ခိုင်မာစွာဖြင့် သုတေသန ပြုရေးသား တင်ပြထားကြောင်း တွေ့ရပါသည်။

ပါမောက္ခဒေါက်တာ ခင်မောင်ညွှန့် (မြန်မာနိုင်ငံ သမိုင်းကော်မရှင်ဥက္ကဌဟောင်း)
—————————————-
” ပြုစုပုံမှာလည်း ဘွဲ့ယူကျမ်းကဲ့သို့ အကိုးအကားများ၊ အောက်ခြေမှတ်စုများ၊ ဓါတ်ပုံများ၊ စာရင်းဇယားများ ၊ အဆိုအမိန့်များ၊ ကျမ်းကိုးစာရင်းများ ပါဝင်ပါသည်။ .. စာမူသည် အစောအဆုံး သမိုင်းမှ မျက်မှောက် ခေတ်အထိကို ရှာဖွေ စုဆောင်းလေ့လာသုံးသပ်ပြထားသဖြင့် သူ့အား ချီးကျူးပါသည်။ ”

ဒေါက်တာကျော်ဝင်း (သမိုင်း ပါမောက္ခ(ငြိမ်း)
————————————————-
“.ဤစာအုပ်သည် ခိုင်မာသော အထောက်အထား အကိုးအကာများဖြင့် ပြုစုထားသဖြင့် စာဖတ်သူများ လေ့လာ ဖတ်ရှုသင့်သော စာအုပ်ဖြစ်ကြောင်း ထင်မြင်မိပါသည်။ ”

ကာဒီနယ် ချားလ်စ်ဘို( ရန်ကုန် ကက်သလစ် ဂိုဏ်းချူပ် သာသနာ)
—————————————-
“..ဤစာတမ်းပါ ဖော်ပြချက်များမှာ မြန်မာနိုင်ငံအတွင်း ခေတ်အဆက်ဆက် နိုင်ငံတော်အစိုးရ လက်အောက်တွင် မှီတင်းနေထိုင်ခဲ့ကြသော အစ္စလာမ်( မူစလင်မ်) ဘာသာဝင်များအနေဖြင့် နိုင်ငံတော်အပေါ်၊ အစိုးရအပေါ် သစ္စာစောင့်သိ နေထိုင်ခဲ့ကြပြီး နိုင်ငံတော်ကာကွယ်ရေး ၊ ဖွံဖြိုးရေး ကဏ္ဍများတွင်လည်း အားကျိုးမာန်တက် ထမ်းရွက်ခဲ့ကြကြောင်း သမိုင်းအထောက်အထား စုံလင်စွာဖြင့် တင်ပြခြင်းဖြစ်ရာ မြန်မာနိုင်ငံသူ/သား အားလုံး လေ့လာသိရှိသင့်သော စာတမ်းတစ်ခု ဟုလည်း သုံးသပ်မိပါသည်။ ”

စိုင်းညွှန့်လွင်( ရှမ်းတိုင်းရင်သား ခေါင်းဆောင်)
———————————————–
“… ကျွန်တော်တို့ နိုင်ငံ၏ ဒီမိုကရေစီ နိုင်ငံတော် တည်ဆောက်နေသော ကာလတွင် အစ္စလာမ်ဘာသာကိုးကွယ်သူများသည် သီးခြားဖြစ်မနေသင့်ဘဲ သမိုင်းအစဉ်အလာ ကြီးမားခဲ့သည့် အတိုင်း ဆက်လက်ပါဝင်နေဖို့ လိုအပ်ပါသည်။ နိုင်ငံကောင်းကျိုးသယ်ပိုးခဲ့သည့် အစဉ်အလာကို ဆက်လက်ထိန်းသိမ်းထားကြဖို့ လိုအပ်ပါသည်။ ”

Sayaci Paul Thang Thai (ချင်းတိုင်းရင်းသား ခေါင်းဆောင်၊ အမျိုးသား လွှတ်တော်ကိုယ်စားလှယ် ၂၀၁၁-၂၀၁၆)
——————————–
” စာရေးသူ အနေဖြင့် မြန်မာသမိုင်း အဆက်ဆက် နိုင်ငံတော်နှင့် နိုင်ငံသား မွတ်စလင်မ်များ အပြန်အလှန် အကျိုးပြု လေးစားမှုရှိခဲ့ကြောင်းကို အချက်အလက် ခိုင်မာစွာဖြင့် ရေးသား ဖော်ပြထားသည်ကို လေ့လာဖတ်ရှုရသည့် အခါ စိတ်မကောင်းဖြစ်မိပါသည်။ ကိုးကွယ်သော ဘာသာကို အကြောင်းပြု၍ မည်သည့် နိုင်ငံသားမျှ နိုင်ငံသား အခွင့်အရေး မဆုံးရှုံးသင့်ပါ။ ”

ဦးအုန်းမောင် (တရားလွှတ်တော် ရှေ့နေနှင့် နိုတြီပတ်ဗလစ်)
———————————–
“.. မြန်မာနိုင်ငံတွင် နေထိုင်ကြသော အစ္စလာမ်ဘာသာဝင်များနှင့် ဗုဒ္ဓ္ဓဘာသာများ အဓွန့်ရှည်စွာ ချစ်ကြည်ရင်းနှီးရေး ကို ဖော်ညွှန်းထားသော စာအုပ်ဖြစ်သောကြောင့် လေ့လာထိန်းသိမ်းထားသင့်သော စာအုပ်ဖြစ်ကြောင်း ယူဆပါသည်။ ”

ကချင်တိုင်းရေးသူ ခေါင်းဆောင် ဆရာမ လဖိုင်ဆိုင်းရော်
(အာရှ၏ ငြိမ်းချမ်းရေးနိုဗယ်ဆုဟု တင်စားခံရသော ရေမွန်မက်ဆေးဆေးဆုရှင်)
———————————————–
“… ပြည်ထောင်စုသား မွတ်စလင်မ်များ ” ကို ဖတ်ရှု၍ မေတ္တာ တရား လွှမ်းခြုံနိုင်ပါစေ..”

Leave a Reply