ရိုဟင်ဂျာဒုက္ခသည်များကို ပြန်ခေါ်ရန် ဘင်္ဂလားဒေ့ရ်ှက မြန်မာကို တောင်းဆို

ဇန်န၀ါရီ ၁၂၊ ၂၀၁၇
M-Media

ဘင်္ဂလားဒေ့ရ်ှဝန်ကြီးချုပ် ရှိခ် ဟာဆီနာ

– ညှင်းပမ်းနှိပ်စက်မှုများကြောင့် ဘင်္ဂလားဒေ့ရ်ှသို့ ထွက်ပြေးလာရသည့် ရိုဟင်ဂျာများကို ပြန်လည်ခေါ်ယူရန်အတွက် ဘင်္ဂလားဒေ့ရ်ှဝန်ကြီးချုပ် ရှိခ်ဟာဆီနာက တောင်းဆိုလိုက်သည်ဟု သိရသည်။

ဒါကာသို့ ရောက်ရှိနေသည့် မြန်မာအထူးကိုယ်စားလှယ်အဖွဲ့နှင့် ယမန်နေ့ညနေပိုင်းက တွေ့ဆုံစဉ် ၀န်ကြီးချုပ်က ယခုကဲ့သို့ ပြောကြားလိုက်ခြင်းဖြစ်ပြီး မိမိတို့နှစ်နိုင်ငံအနေဖြင့် အဆိုပါဒုက္ခသည်ပြဿနာကို ဆွေးနွေးမှုများမှတစ်ဆင့် အမြဲတမ်းအတွက် ဖြေရှင်းရမည်ဟုလည်း ဆိုသည်။

တွေ့ဆုံစဉ်အတွင်း မြန်မာကိုယ်စားလှယ်အဖွဲ့ခေါင်းဆောင် ဦးကျော်တင်က နိုင်ငံတော်၏ အကြံပေးပုဂ္ဂိုလ် ဒေါ်အောင်ဆန်းစုကြည်မှ ပေးအပ်လိုက်သည့်စာကို ဘင်္ဂလားဒေ့ရ်ှဝန်ကြီးချုပ် ရှိခ်ဟာဆီနာသို့ ပေးခဲ့သည်။

ဝန်ကြီးချုပ်၏ ပြန်ကြားရေးတာဝန်ရှိသူ အဟ်ဆာနူလ် ကရင်မ်က ဘင်္ဂလားဒေ့ရ်ှမှာ အကြမ်းဖက်ဝါဒအပေါ် လုံးဝသည်းမခံသည့်ပေါ်လစီကို ကျင့်သုံးကြောင်း ၀န်ကြီးချုပ်က ထပ်လောင်းပြောကြားခဲ့သည်ဟု တွေ့ဆုံမှုအပြီး သတင်းစာရှင်းလင်းပွဲတွင် ပြောကြားခဲ့သည်။

“အိမ်နီးချင်းနိုင်ငံတွေက ဘယ်လိုလက်နက်ကိုင် သူပုန်အဖွဲ့ကိုမှ ဘင်္ဂလားဒေ့ရ်ှက ပိုင်နက်အသုံးပြုခွင့် မပေးပါဘူး” ဟု ၀န်ကြီးချုပ်က ပြောကြားခဲ့ကြောင်း ကရင်မ်က ဆိုသည်။

မြန်မာနိုင်ငံနှင့် လက်ရှိဆက်ဆံရေးကို ကျေနပ်ပြီး အိမ်နီးချင်းများနှင့် ဆက်ဆံရေးကို ဘင်္ဂလားဒေ့ရ်ှက တန်ဖိုထားကြောင်း၊ မြန်မာနိုင်ငံ၏ လူမှုစီးပွား တိုးတက်ရေးတွင် ဘင်္ဂလားဒေ့ရှ်၏ အတွေ့အကြုံများကို အသုံးပြုနိုင်ကြောင်း၊ ဒေါ်အောင်ဆန်းစုကြည်ကိုလည်း ဘင်္ဂလားဒေ့ရ်ှသို့ လာရောက်ရန် ဖိတ်ခေါ်ကြောင်း ဟာဆီနာက ထည့်သွင်းပြောကြားခဲ့သည်။

“မြန်မာနိုင်ငံနဲ့ ဆက်ဆံရေးခိုင်မာဖို့ ကျွန်မ ဘာမဆို ပြုလုပ်သွားမှာပါ”

နိုင်ငံခြားရေး တာဝန်ရှိသူများနှင့် တွေ့ဆုံ

မြန်မာကိုယ်စားလှယ်အဖွဲ့မှာ ယမန်နေ့နေ့လည်ပိုင်းက နိုင်ငံခြားရေးဝန်ကြီး မိုဟာမက် ရှာဟီဒွလ် ဟက် အပါအ၀င် ဘင်္ဂလားဒေ့ရှ် နိုင်ငံခြားရေးဝန်ကြီးဌာနမှ တာဝန်ရှိသူများနှင့် တွေ့ဆုံခဲ့သည်။

ထိုသို့တွေ့စုံစဉ်အတွင်း မြန်မာနိုင်ငံမှ ရိုဟင်ဂျာမွတ်စလင်များ အစုလိုက်အပြုံလိုက် ဆက်လက်ဝင်ရောက်နေမှုအတွက် မိမိတို့က အလွန်အမင်း စိုးရိမ်ပါကြောင်း၊ ထိုကဲ့သို့ ထွက်ပြေးမှု ရပ်တန့်ရန်နှင့် နှစ်အနည်းငယ်အတွင်း ဘင်္ဂလားဒေ့ရ်ှရှိ မြန်မာနိုင်ငံသားအားလုံးကို ပြန်လည်ခေါ်ယူရန်အတွက် ဆောင်ရွက်ရန် တောင်းဆိုပါကြောင်း ဘင်္ဂလားဒေ့ရ်ှတာဝန်ရှိသူများက ပြောကြားခဲ့သည်။

ထို့ပြင် မိမိတို့အနေဖြင့် ရခိုင်ပြည်နယ်ရှိ မွတ်စလင်များ ရင်ဆိုင်နေရသော ပြဿနာများအတွက် ရေရှည်အကျိုးရှိမည့် အဖြေရရေး နေရပ်ပြန်ပို့ခြင်း လုပ်ငန်းစဉ်နှင့် လုပ်ထုံးလုပ်နည်းများကို ဆွေးနွေးရန် အသင့်ရှိသည်ဟုလည်း ဘင်္ဂလာဒေ့ရ်ှက ပြောကြားခဲ့သည်။

မြန်မာနိုင်ငံမှ အထူးကိုယ်စားလှယ်အဖွဲ့ကမူ မိမိတို့နိုင်ငံသား ၂၄၁၅ ဦးကို ဘင်္ဂလားဒေ့ရ်ှမှ ပြန်လည်ခေါ်ယူမည်ဟု ပြောကြားခဲ့သော်လည်း ဘင်္ဂလားဒေ့ရ်ှတွင် နှစ်ပေါင်းများစွာ နေထိုင်ခဲ့ပြီး စာရင်းသွင်းခြင်း မခံရသည့် ရိုဟင်ဂျာများနှင့် ပတ်သက်၍ မည်သည့်ဆုံးဖြတ်ချက်မှ မချခဲ့ဟု ဆွေးနွေးပွဲ သတင်းရင်မြစ်က ဆိုသည်။ ဘင်္ဂလားဒေ့ရ်ှတွင် ခိုလှုံနေရသည့် မြန်မာဒုက္ခသည်အရေအတွက်မှာ ၃ သိန်းခန့် ရှိနေသည်။

အောက်တိုဘာ ၉ ရက်နေ့နောက်ပိုင်း ဘင်္ဂလားဒေ့ရ်ှသို့ ၀င်ရောက်လာသည့် မြန်မာနိုင်ငံသားများမှာ အနည်းဆုံး ၆၅၀၀၀ ရှိနေပြီး၊ ရခိုင်ပြည်နယ်မှ မွတ်စလင်များ နယ်စပ်ဖြတ်ကျော် ထွက်ပြေးရသည့်ဘ၀ မရောက်အောင် ရခိုင်ပြည်နယ်ပြဿနာ၏ အရင်းအမြစ်ကို အလျင်အမြင် ဖြေရှင်းရန်လည်း ဘင်္ဂလားဒေ့ရ်ှက တိုက်တွန်းခဲ့သည်။

ရိုဟင်ဂျာပြဿနာကို ဖြေရှင်းရန်မှာ မြန်မာနိုင်ငံတစ်နိုင်ငံတည်း၏ တာဝန်သာဖြစ်ကြောင်း ဘင်္ဂလားဒေ့ရ်ှက ပြတ်ပြတ်သားသား ပြောကြားခဲ့ပြီး ရေရှည်အဖြေတစ်ခု ရရှိရန်အတွက် မြန်မာနိုင်ငံနှင့် ပူးပေါင်းဆောင်ရွက်သွားမည်ဟုလည်း ဘင်္ဂလားဒေ့ရ်ှက ထပ်မံပြောကြားခဲ့သည်ဟု သိရသည်။

အဆိုပါဆွေးနွေးပွဲတွင် ရခိုင်ပြည်နယ်ရှိ ဖိနှိပ်ချုပ်ချယ်မှုများ၊ လူမျိုးစုလိုက် သုတ်သင်ရှင်းလင်းမှုများကို မြန်မာနိုင်ငံက ချက်ခြင်းရပ်တန့်ရမည်ဖြစ်ပြီး သို့မှသာ ရိုဟင်ဂျာများ နယ်စပ်ဖြတ်ကျော်ထွက်ပြေးမှု ရပ်တန့်ကာ အိမ်ပြန်နိုင်ရေးအတွက် ယုံကြည်ချက်ရှိလာမည်ဟု ဘင်္ဂလားဒေ့ရ်ှတာဝန်ရှိသူများက မြန်မာကိုယ်စားလှယ်များအား ပြောကြားခဲ့သည်ဟု သတင်းရင်းမြစ်များက ဆိုသည်။

Ref: The Daily Star