3 days ago
Police INTERPOL ရှေ့မှောက်က ၀ရမ်းပြေးအောင်ဝင်းခိုင် လွတ်မြောက်နေဦးမည်လော?
2 weeks ago
အဌမတန်း အောင်မြင်သူများ အာဆီယံ ပညာသင်ဆု လျောက်ထားနိုင်
2 weeks ago
ရခိုင်စစ်ဆင်ရေးများ အတွင်း ဖမ်းဆီးခံထားရသည့် ကလေးများကို လွှတ်ပေးရန် ယူနီဆက်တောင်းဆို
2 weeks ago
ဦးကိုနီအမှုက တရားခံပြေးကို အင်တာပိုက အနီရောင်သတိပေးချက်ထုတ်
2 weeks ago
မွတ်စ်လင်ကုသိုလ်ဖြစ်ဆေးရုံ
3 weeks ago
ရန်ကုန်တက္ကသိုလ် ပါမောက္ခချုပ် ဦးကာ (ဝန်ကြီးဟောင်း)
3 weeks ago
၂၁ ရာစု ပင်လုံ ညီလာခံ အောင်မြင်ရေး ဘာသာပေါင်းစုံ ဆုတောင်းပွဲနှင့် ငြိမ်းချမ်းရေး အခမ်းအနား
3 weeks ago
ရခိုင်က ဒုက္ခသည် စခန်း ၃ ခု ရက်ပိုင်း အတွင်း ပိတ်မယ်
4 weeks ago
ဘာအတွက် သွေးလှူကြတာလဲ (ရုပ်သံ)
4 weeks ago
တိုင်းပြည်အား အကျိုးပြုစေနိုင်ရန် ရည်ရွယ်ချက်ဖြင့် နိုင်ငံ့သားကောင်း မွတ်စလင်များအား ဂုဏ်ပြုပွဲပြုလုပ်မည်။

ဖေဖော်ဝါရီ ၁၇၊ ၂၀၁၇
M-Media

– မြန်မာနိုင်ငံမြောက်ပိုင်း ကချင်ပြည်နယ်တွင် ဒီဇင်ဘာလမှစ၍ လက်နက်ကိုက် ပဋိပက္ခများ အရှိန်မြင့်လာကတည်းက လေကြောင်းတိုက်ခိုက်မှု၊ လက်နက်ကြီးများဖြင့် ပစ်ခတ်မှုတို့ကြောင့် လူပေါင်း ၇၀၀၀ နီးပါးမှာ အိုးအိမ်စွန့်ခွာ ထွက်ပြေးခဲ့ရသည်။

ထိုကဲ့သို့ ထွက်ပြေးရသူများတွင် ကိုယ်ဝန်ဆောင်ထားသူ အမျိုးသမီးက ၂၆၀ ဦး ပါဝင်သည်။ ထွက်ပြေးသူ အများစုမှာ လမ်းဘေးများတွင် အိပ်စက်ကြရပြီး နားခိုစရာနေရာ ရှာမတွေ့ကြ။ လိုအပ်ချက်ကလည်း များပြားလေသည်။

ဒေသက စစ်မက်ဇုန်ဖြစ်နေပြီး၊ တိုက်ပွဲများ ဆက်လက်ဖြစ်ပွားနေခြင်း၊ လမ်းကြောင်းများ ဘေးကင်းမှုမရှိခြင်းတို့က လိုအပ်နေသူများထံ အကူအညီများရောက်ရှိရန် အဟန့်အတား ဖြစ်နေသည်။

ဒေသတွင်း လူသားချင်းစာနာထောကထားမှုဆိုင်ရာ မိတ်ဖက်အဖွဲ့ဖြစ်သော Health Poverty Action မှတစ်ဆင့် UNFPA မှာ မျိုးဆက်ပွား ကျန်းမာရေးစောင့်ရှောက်မှု၊ တစ်ကိုယ်ရည်သန့်ရှင်းရေးပစ္စည်းများကို ကိုယ်ဝန်ဆောင်များ၊ နိုက်တိုက်မိခင်များနှင့် ကျန်းမာရေးချို့တဲ့သည့် အမျိုးသမီးများထံသို့ တိုက်ခိုက်မှုများကို မမှုဘဲ ပေးပို့ခဲ့သည်။

အမျိုးသမီးများက လိင်ပိုင်းဆိုင်ရာ အကြမ်းဖက်မှုအပါအ၀င် အကြမ်းဖက်ခံရမည့် အန္တရာယ်ကို နေ့ရောညပါ ခံစားနေရသည်။ အန္တရာယ်မြင့်မားသည့် အခြေအနေတွင် ခိုးကိုးရာနေရာ၊ လုံခြုံမှု၊ ကာကွယ်စောင့်ရှောက်မှုမရှိဘဲ အညစ်အြေးစွန့်ရခြင်း၊ လစဉ် ဓမ္မတာကာလကို ရင်ဆိုင်ရခြင်းတို့လည်း ပါဝင်သည်။

အန္တရာယ်ရှိနေ

ထွက်ပြေးနေရသူများမှ အချို့မှာ တိုက်ခိုက်မှုများနှင့်ဝေးရာ ဒုက္ခသည်စခန်းများကို ရောက်ရှိကြသည်။ ၎င်းတို့မှာ ဟောခန်းမကြီးထဲတွင် ရောနှော နေထိုင်ရပြီး၊ သံမံသလင်းတွင် အိပ်စက်ကြရသည်။

တိုက်ခိုက်မှုများကြောင့် ထွက်ပြေးလာရသည့် ဒုက္ခသည်စခန်းများတွင် နေထိုင်နေရသည့် ထောင်နှင့်ချီသော ဒုက္ခသည်များမှာ တိုက်ခိုက်မှုက ၎င်းတို့နေထိုင်ရာစခန်းနှင့် နီးလာသည့်အခါတွင် ထပ်မံထွက်ပြေးရသည်။ အလွန်စိုးရိမ်သောကရောက်စရာ ထိုအခြေအနေတွင် တစ်ကိုယ်ရည်လုံခြုံရေး ကင်းမဲ့မှု ပေါင်းစပ်လိုက်သည့်အခါ အမျိုးသမီးများနှင့် မိန်းကလေးငယ်များ အကြမ်းဖက်မှုကို ခံရရန် အလားအလာမှာ ပိုမိုမြင့်တက်လာခဲ့သည်။

“ကိုယ့်ပြဿနာကို ဖြေရှင်းဖို့ တောထိုင်ရတဲ့အခါတိုင်း၊ ပိတ်စရာ တံခါးမရှိဘဲ အိပ်စက်ရတဲ့အခါတိုင်း အမျိုးသမီးတွေနဲ့ မိန်းကလေးငယ်လေးတွေဟာ စော်ကားခံရမှုကို ကြောက်ရွံ့နေကြရပါတယ်” ဟု UNFPA ၏ မြေပြင်တာဝန်ရှိသူ ကျော်ဝေအောင်က ပြောကြားခဲ့သည်။ ၎င်းမှာ ဆာဒွန်မြို့ရှိ အိုးအိမ်စွန့်ခွာ ထွက်ပြေးရသူ အမျိုးသမီးများကို တစ်ကိုယ်ရည် သန့်ရှင်းရေး ပစ္စည်းများကို ဝေငှပေးနေသူဖြစ်သည်။

အမျိုးသမီးများ ညဘက်တွင် ဘေးအန္တရာယ်ကင်းရှင်းမှု တိုးတက်စေရန်အတွက် Kachin Baptist Convention ၏ အကူအညီနှင့်အတူ UNFPA မှာ နေစွမ်းအင်သုံး မီးအိမ်များကိုလည်း ဝေငှပေးခဲ့သည်။ ပဋိပက္ခဇုန်အတွင်း အစိုးရက ထိန်းချုပ်ထားသော ဒေသများ၊ အစိုးရ၏ ထိန်းချုပ်ထားမှုမရှိသော ဒေသများရှိ အိုးအိမ်စွန့်ခွာ ထွက်ပြေးလာရသည့် အမျိုးသမီးများအတွက် စိတ်ပိုင်းဆိုင်ရာ ကူညီမှုကိုတော့ UNFPA က Metta Development Foundation အဖွဲ့နှင့် ပူးပေါင်းဆောင်ရွက်နေသည်။

သွေးပျက်စရာ

အသက် ၄၄ နှစ်အရွယ် Hpauyam Kaw Mai မှာ မတည်မငြိမ်ဖြစ်နေသည့် မာဂါယန်း ဒုက္ခသည်စခန်းမှ ဖူမလမ်ယန်ုးက္ခသည်စခန်းသို့ ထွက်ပြေးလာခဲ့သည်။ အသက် ၄ နှစ် ၆ နှစ်နှင့် ၇ နှစ်အရွယ် သားသမီး ၃ ဦး၊ မသန်စွမ်းဖြစ်နေသော အမျိုးသားနှင့်အတူ ထွက်ပြေးရန် မလွယ်သောကြောင့် သူမမှာ မာဂါယန်း ဒုက္ခသည်စခန်းမှ နောက်ဆုံး ထွက်သူများတွင် ပါဝင်ခဲ့သည်။

“သေနတ်သံတွေ၊ ကျွန်မတို့ဆီလာနေတဲ့ ကျည်ဆံတွေကြားထဲမှာ ကလေးတွေကို ကျွန်မတို့ သိပ်ရတယ်။ အစားအစာကလည်း မလုံလောက်ဘူး။ စားစရာမရှိတဲ့ရက်တွေ ဘယ်လောက်ကြာခဲ့သလဲဆိုတာတောင် ကျွန်မ မမှတ်မိတော့ပါဘူး။ ကလေးတွေ ဘယ်လိုဖြစ်ခဲ့သလဲဆိုတာလည်း ကျွန်မ မသိပါဘူး။ ကျွန်မတို့ ဘီစက်စနည်းနည်းရတဲ့ အချိန်မှာတောင်မှ သူတို့ မစားကြတော့ပါဘူး” ဟု Hpauyam Kaw Mai က ဖွင့်ဟခဲ့သည်။

မာဂါယန်းဒုက္ခသည်စခန်းတွင် ခိုလှုံနေသူ ၃ ပုံ ၂ ပုံခန့် စခန်းမှ ထွက်သွားကြသည့်အခါ Kaw Mai မှာ အဆင့်သင့်ပြင်ထားရန် အသိပေးခံခဲ့ရသည်။ သူမက အထုတ်အပိုးများ၊ ရွက်ဖျင်များနှင့် ခိုလှုံနေထိုင်ရေး အခြားပစ္စည်းများကို ထုတ်ပိုးခဲ့သည်။ လုံခြုံရာနေရာသို့ မရောက်မီ ၎င်းတို့မှာ အေးခဲလှသော ရာသီဥတုတွင် ၂ ညခန့် ဟင်းလင်းပြင်၌ အိပ်စက်ခဲ့ရသည်။ ဖူမလန်ယန်း ဒုက္ခသည်စခန်းသို့ ရောက်ရှိသည့်အခါတွင် Kaw Mai မှာ နေမကောင်းဖြစ်ခဲ့ရပြီး မိသားစုအား စောင့်ရှောက်ရန် ရုန်းကန်ခဲ့ရသည်။

သူမကမှာ လက်ရှိတွင် UNFPA ၏ ကျောထောက်နောက်ခံပြုထားသည့် စိတ်ပိုင်းဆိုင်ရာ ပြုစုကုသမှုကို ခံယူနေရသည်။

“ကျွန်မ သိပ်အားငယ်ပါတယ်။ ဘယ်သွားရမှန်း၊ ဘာလုပ်ရမှန်းလည်း ကျွန်မ မသိဘူး။ ထင်းကို ဘယ်နေရာကနေ သွားကောက်ရမလဲဆိုတာတောင် ကျွန်မ မသိပါဘူး။ ဒီလို ရုန်းကန်ရမှုကို ကျွန်မ ကြာကြာ တောင့်မခံထားနိုင်တော့ဘူး။ အသက်မဲ့သွားလောက်အောင် မောပမ်းနွမ်းနယ်နေပါပြီ”

Ref: unfpa.org



Comments are closed.