မူဆိုးလ်ရှိ လက်ကျန် IS များကို ၀ိုင်းထားနိုင်ပြီဟု အီရတ်ပြော

ဇူလိုင် ၂၊ ၂၀၁၇
M-Media

– မူဆိုးလ်မြို့တွင် ကျန်ရှိနေသည့် IS အကြမ်းဖက်သမားများကို မိမိတို့က ၀ိုင်းရံထားလိုက်ပြီး မြို့ပြန်သိမ်းနိုင်ရေး ထိုးစစ်၏ နောက်ဆုံးအဆင့်ကို ဆက်လက်ဆောင်ရွက်နေသည်ဟု အီရတ်စစ်တပ်က ယနေ့တွင် ပြောကြားလိုက်သည်။

ပြည်ထောင်စုရဲတပ်ဖွဲ့မှာ တီဂရစ်မြစ်ပေါ်ရှိ နောက်ဆုံး တံတားကို ပြန်လည်သိမ်းပိုက်နိုင်ခဲ့ပြီး IS တို့၏ တစ်ခုတည်းကျန်ရှိနေသော ထွက်ပြေးရာလမ်းကြောင်းကို ထိထိရောက်ရောက် ဖြတ်တောက်ထားလိုက်နိုင်ခြင်ညလ်းဖြစ်သည်။

ထို့ပြင် အမေရိကန်ဦးဆောင်သည့် အီရတ်စစ်တပ်ကလည်း မြို့ဟောင်းရှိ ရပ်ကွက်အများအပြားကို ပြန်လည်သိမ်းပိုက်ခဲ့သည်။

“IS ဟာ လက်ရှိအချိန်မှာ လူနေဒေသ နည်းနည်းလေးကိုပဲ ထိန်းချုပ်ထားနိုင်ပါတော့တယ်။ အီရတ်တပ်ဖွဲ့တွေဟာ မြို့ဟောင်းကို ၀င်နေပါတယ်” ဟု အီရတ်ကြည်းရေလေ တပ်ပေါင်းစုမှ ပြောရေးဆိုခွင့်ရှိသူ ယာဟီယာ ရဆူလ်က ပြောကြားခဲ့သည်။

ထို့ပြင် မြို့ အနောက်ပိုင်းကို သိမ်းပိုက်နိုင်ကြောင်း မကြာခင် ကြေငြာနိုင်တော့မည်ဟုလည်း ၎င်းက ဆိုသည်။

မူဆိုးလ်းမြို့ ပြန်လည်သိမ်းပိုက်ရေး ထိုးစစ်မှာ ၈ လတာ ကြာမြင့်ခဲ့ပြီဖြစ်ပြီး အလ်-နူရီ ဗလီကို သိမ်းပိုင်နိုင်ခဲ့ပြီးနောက် IS အကြမ်းဖက်အဖွဲ့ ကျရှုံးသွားပြီဟု ပြီးခဲ့သည့် ၂ ရက်တွင် အီရတ်ဝန်ကြီးချုပ် ဟိုင်ဒါ အလ်-အာဘာဒီက ကြေငြာခဲ့သည်။

Ref : Aljazeera