လေယာဉ်အမှတ် ၆၅၅ (သို့) အရှေ့အလယ်ပိုင်းမှ အမေရိကန်၏ ရာဇ၀တ်မှုတစ်ခု

ဇူလိုင် ၄၊ ၂၀၁၇
M-Media

ဖြစ်ရပ်ဆိုးအတွက် ကြေကွဲဝမ်းနည်းစွာ ငိုကြွေးနေသည့် မိသားစုဝင်တစ်ဦး

– မနေ့က ဇူလိုင်လ ၃ ရက်နေ့မှာ အီရန်ပြည်သူတွေဟာ နှစ်ပေါင်း ၃၀ နီးပါး ကြာမြင်ခဲ့ပြီဖြစ်တဲ့ ဖြစ်ရပ်ဆိုးတစ်ခုအတွက် အောက်မေ့ဖွယ်အခမ်းအနားကို ကျင်းပပြုလုပ်ခဲ့ကြပါတယ်။

ဒါကတော့ အီရန်လေကြောင်းလိုင်းက Airbus A300B2 လေယာဉ်အမျိုးအစား လေယာဉ်အမှတ် ၆၅၅ နဲ့အတူ ခရီးသည် ၂၇၄ ဦး၊ လေယာဉ်အမှူးထမ်း ၁၆ ဦးတို့ အသက်ဆုံးရှုံးခဲ့ရတဲ့ အဖြစ်အပျက်ပါပဲ။

၁၉၈၈ ခုနှစ် ဇူလိုင်လ ၃ ရက်နေ့မှာ အီရန်နိုင်ငံ ဘန်ဒါအဘတ်စ်မြို့ကနေ ဒူဘိုင်းကို ပျံသန်းလာတဲ့ လေယာဉ်အမှတ် ၆၅၅ ဟာ ဟော်မုဇ်ရေလက်ကြားက အီရန်လေပိုင်နက်မှာ ဖြတ်ပျံနေရင်း အမေရိကန်ရေတပ်က ပဲ့ထိန်းဒုံးကျည်တပ် စစ်သင်္ဘော USS Vincennes ရဲ့ ပစ်ချခြင်းကို ခံလိုက်ရပါတယ်။

မြေပြင်ကဝေဟစ်ပစ် SM-2MR ဒုံးကျည် ၂ လုံးနဲ့ ပစ်ချမှုမှာ ဒုံးကျည်တစ်လုံးက လေယာဉ်ကို ထိမှန်ခဲ့တာဖြစ်ပြီး ပါရှန်ပင်လယ်ကွေ့မှာ အဆိုးဝါးဆုံး လေကြောင်းဖြစ်ရပ်ဆိုး၊ ကမ္ဘာ့ ၁၀ ခုမြောက် အဆိုးဝါးဆုံး လေကြောင်းဖြစ်ရပ်ဆိုးအဖြစ် မှတ်တမ်းဝင်ခဲ့ပါတယ်။

USS Vincennes သင်္ဘောဟာ အီရန်ရေပိုင်နက်ထဲအထိ ၀င်ရောက်ကာ ပစ်ခတ်ခဲ့တာဖြစ်ပြီး အမေရိကန်က ဒီခရီးသည်တင်လေယာဉ်ကို အီရန်လေတပ်က တိုက်လေယာဉ်နဲ့ မှားခဲ့တာဖြစ်ကြောင်း၊ သင်္ဘောတာဝန်ရှိသူတွေက ဆက်သွယ်ဖို့ ၁၀ ကြိမ်တိုင်တိုင် ကြိုးစားခဲ့ပေမယ့် ပြန်လည်တုန့်ပြန်မှု မရှိခဲ့ကြောင်း အကြောင်းပြခဲ့ပါတယ်။

အီရန်ဘက်ကတော့ ဒီလေယာဉ်ဟာ ရေဒါကို တုန့်ပြန်အချက်ပြတဲ့ IFF squawks စနစ်မှာ အရပ်ဖက်သုံး လေယာဉ်ဖြစ်တယ်ဆိုတာ သိရှိနိုင်အောင် Mode III ကို ထားခဲ့ကြောင်း၊ ရေဒါစနစ်အပါအ၀င် ခေတ်မီကိရိယာတွေ တပ်ဆင်ထားတဲ့ USS Vincennes သင်္ဘောအနေနဲ့ လေယာဉ်အမှတ် ၆၅၅ ဟာ ခရီးသည်တင် လေ
ယာဉ်ဆိုတာ အလွယ်တကူသိနိုင်ပေမယ့် တမင်သတ်သတ်ပစ်ချခဲ့တာသာဖြစ်ကြောင်း ပြောကြားခဲ့ပါတယ်။

နိုင်ငံတကာလေ့လာစောင့်ကြည့်သူတွေက USS Vincennes ရေယာဉ်မှူးရဲ့ ပေါ့ဆမှု၊ အတင့်ရဲမှုတွေကို အပြစ်တင်ခဲ့ပါတယ်။

ဒီလိုပစ်ချခံရမှုမှာ သေဆုံးသွားသူတွေရဲ့ ကျန်ရစ်သူမိသားစုတွေအတွက် နစ်နာကြေး ကန်ဒေါ်လာ ၆၁ သန်းပေးအပ်ဖို့ အမေရိကန်က ၁၉၉၆ ခုနှစ်မှာ အီရန်နဲ့ သဘောတူညီချက်တစ်ခု ရခဲ့ပြီး ဒီဖြစ်ရပ်ဟာ ဆိုးရွားတဲ့ အဖြစ်အပျက်တစ်ခုဖြစ်ကြောင်း၊ အသက်တွေဆုံးရှုံးရတဲ့အတွက် ကြေကွဲဝမ်းနည်းရပါကြောင်း အမေရိကန်က ပြောကြားခဲ့ပေမယ့် ဥပဒေကြောင်းအရ သူတို့မှာတာဝန်ရှိတယ်လို့ မပြောခဲ့သလို တောင်းပန်တာမျိုးလည်း မလုပ်ခဲ့ပါဘူး။

လေယာဉ်အမှတ် ၆၅၅ ပစ်ချခံရမှုကို သရုပ်ဖော်ထားသည့် ကားချပ်

အီရန်က ဒါဟာ အမေရိကန်ရဲ့ ရာဇ၀တ်မှုတစ်ခုဖြစ်တယ်လို့ သတ်မှတ်ခဲ့ပြီး နှစ်စဉ်နှစ်တိုင်း ဇူလိုင် ၃ ရက်နေ့ရောက်တိုင်း ဒီအဖြစ်အပျက်မှာ သေဆုံးသွားသူတွေအတွက် အောက်မေ့ဖွယ်အခမ်းအနားကို ကျင်းပခဲ့ကြပါတယ်။

မနေ့က ၂၉ နှစ်မြောက် နှစ်ပတ်လည်နေ့မှာ အီရန်နိုင်ငံခြားရေးဝန်ကြီးဌာနက ကြေငြာချက်တစ်စောင် ထုတ်ပြန်ခဲ့ပြီး ဒါဟာ အမေရိကန်ရဲ့ ရာဇ၀တ်မှုဆိုတာ သေချာကြောင်း၊ အမေရိကန်ဟာ ကမ္ဘာတစ်ဝှမ်းမှာ အပြစ်မဲ့သူတွေကို သတ်ဖြတ်နေတဲ့ လူမဆန်တဲ့လုပ်ရပ်တွေထဲက တစ်ခုဖြစ်ကြောင်း၊ အမေရိကန်သမ္မတအဆက်ဆက်ဟာ သူတို့ရဲ့ ရည်ရွယ်ချက်အတွက် ဘာကိုမှ ဂရုမစိုက်ဘူးဆိုတာကို ဒီလုပ်ရပ်က ပြသနေကြောင်း ဖော်ပြခဲ့ပါတယ်။

နိုင်ငံခြားရေးဝန်ကြီး မိုဟာမက် ဂျာဗဒ်ဇာရစ်က ဒီအဖြစ်အပျက်ဖြစ်ပွားပြီး ၁ နှစ်အကြာမှာ USS Vincennes ရဲ့ ရေယာဉ်မှူး ၀ီလီယံ စီ ရော်ဂျာ သူရဲကောင်းတံဆိပ်ရခဲ့တာကို ထောက်ပြပြီး ဒါဟာ အပြစ်မဲ့သူတွေကို သတ်ဖြတ်မှုအတွက် ရခဲ့တာကြောင်း မိမိတို့အနေနဲ့ ဒါကို ဘယ်တော့မှ မေ့မှာမဟုတ်ကြောင်း Twitter စာမျက်နှာမှာ ရေးသားခဲ့ပါတယ်။

အီရန်ပြည်သူတွေဟာ လေယာဉ်အမှတ် ၆၅၅ ပျက်ကျခဲ့တဲ့ ပယ်လယ်ပြင်မှာ နှစ်စဉ်နှစ်တိုင်း ပန်းခြင်းတွေ၊ ဆီမီးတွေကို မျှောပြီး ကွယ်လွန်သူတွေအတွက် ဆုတောင်းပေးကြပါတယ်။

Press TV, Wiki