အီရန်နှင့် ဆက်ဆံရေးပြန်ကောင်းရန် ဆော်ဒီက အီရတ်ကို အကူအညီတောင်း

သြဂုတ် ၁၄၊ ၂၀၁၇
M-Media

အီရတ် ပြည်ထဲရေးဝန်ကြီး ကာစင် အလ်-အေရာဂျီ အီရန်သို့ရောက်ရှိစဉ်က

– အီရန်နှင့် ဆက်ဆံရေး ပြန်လည်ကောင်းမွန်အောင် ဆောင်ရွက်ရန်အတွက် ဆော်ဒီမှာ အီရတ်ဝန်ကြီးချုပ်ကို အကူအညီတောင်းခဲ့သည်ဟု သတင်းများ ထွက်ပေါ်လာခဲ့သည်။

အီရတ် ပြည်ထဲရေးဝန်ကြီး ကာစင် အလ်-အေရာဂျီ၏ ပြောကြားမှုကို ကိုးကား၍ အီရတ် ဂြိုဟ်တုသတင်းဌာန Alghadeer က ယမန်နေ့က ဖော်ပြခဲ့ခြင်းဖြစ်ပြီး ဆော်ဒီအိမ်ရှေ့မင်းသား မိုဟာမက်ဘင် ဆလ်မန်က အီရန်နှင့် ဖြန်ဖြေရေးအဖွဲ့ကို ဦးဆောင်ရန်အတွက် အီရတ်ဝန်ကြီးချုပ် ဟိုက်ဒါ အလ်-အာဘာဒီကို တောင်းဆိုခဲ့သည်ဟု ဆိုသည်။

“ဆော်ဒီအာရေဗျကိုသွားတဲ့ ကျွန်တော်တို့ရဲ့ ခရီးစဉ်မှာ သူတို့က အဲဒီလိုလုပ်ဖို့ ပြောပါတယ်။ ကျွန်တော်တို့က အီရန်ဘက်ကို ပြောလိုက်တယ်။ အီရန်ကလည်း ဒီတောင်းဆိုမှုကို အပြုသဘောဆောင်တယ်လို့ မြင်ပါတယ်။ အီရတ်က အောင်မြင်မှုတွေ ရရှိခဲ့ပြီးနောက်ပိုင်းမှာ ဆော်ဒီကလည်း အီရတ်အပေါ် အမြင်တည့်လာပါတယ်။ အီရန်နဲ့ ဆော်ဒီကြား တည်ငြိမ်မှု၊ ဆက်ဆံရေး ပြန်လည်ရရှိမှုဟာ ဒေသတစ်ခုလုံးအပေါ် အပြုသဘောဆောင်တဲ့ တန်ပြန်သက်ရောက်မှု ရှိမှာဖြစ်ပါတယ်” ဟု Alghadeer သတင်ဌာနက ယမန်နေ့တွင် ဖော်ပြခဲ့သည်။

အေရာဂျီမှာ အီရန်မြို့တော် တီဟီရန်သို့ စနေနေ့တွင် သွားရောက်ခဲ့ပြီး အီရန် ထိပ်တန်းတာဝန်ရှိသူများနှင့် ကိစ္စရပ်အများအပြားကို ဆွေးနွေးခဲ့သည်။ ၎င်းမှာ ဇူလိုင်လကလည်း ဆော်ဒီအာရေဗျနိုင်ငံသို့ သွားရောက်ခဲ့သည်။

အီရန်သတင်းဌာနဖြစ်သော ISNA က ဆော်ဒီအိမ်ရှေ့မင်းသား မိုဟာမက် ဘင် ဆလ်မန်မှာ အီရန်နှင့် တင်းမာမှုများကို လျော့ကျစေချင်နေသည်ဟု ဖော်ပြခဲ့သည်။

သီးခြားအနေဖြင့် အီရတ်နိုင်ငံ၏ ထင်ရှားသော ရှီအာပညာရှင် မွတ်က်တာဒါ အလ်-ဆဒါရ်မှာ ယူအေအီးနိုင်ငံသို့ သွားရောက်လည်ပတ်မည်ဟု စနေနေ့တွင် ကြေငြာခဲ့သည်။ ၎င်းမှာ ဇူလိုင်လကလည်း ဆော်ဒီသို့ မသွားစဖူး သွားရောက်ခဲ့ပြီး အိမ်ရှေ့မင်းသား၊ အခြားတာဝန်ရှိသူများနှင့် တွေ့ဆုံခဲ့သည်။

Ref: Aljazeera