အိန္ဒိယ၀န်ကြီးချုပ်၏ တရုတ်နှင့် မြန်မာသို့ ၅ ရက်တာခရီး ယနေ့တွင် စတင်

စက်တင်ဘာ ၃၊ ၂၀၁၇
M-Media

– တရုတ်နှင့် မြန်မာနိုင်ငံတို့ကို သွားရောက်မည့် အိန္ဒိယ၀န်ကြီးချုပ် နရန်ဒရာမိုဒီ၏ ခရီးစဉ်မှာ ယနေ့တွင် စတင်ခဲ့သည်ဟု သိရသည်။

တရုတ်နိုင်ငံ၌ ၃ ရက်တာကြာမြင့်မည့် ခရီးစဉ်တွင် မိုဒီမှာ BRICS Summit အစည်းအဝေးကို တက်ရောက်မည်ဖြစ်ပြီး ခရီးစဉ်၏ ဒုတိယပိုင်းအဖြစ် မြန်မာနိုင်ငံသို့ လာရောက်ကာ နှစ်နိုင်ငံ ပူးပေါင်းဆောင်ရွက်ရေး၊ လုံခြုံရေးနှင့် အကြမ်းဖက်တိုက်ဖျက်ရေး ကိစ္စများကို ဆွေးနွေးမည်ဖြစ်သည်။

ယမန်နေ့က ထုတ်ြပန်သည့် ကြေငြာချက်တွင် မိုဒီက ဘရာဇီးလ်၊ ရုရှား၊ အိန္ဒိယ၊ တရုတ်နှင့် တောင်အာဖရိကနိုင်ငံတို့ ပါဝင်သည့် BRICS Summit တွင် အပြုသဘောဆောင်သည့် ရလဒ်များ ထွကပေါ်ရန် မျှော်လင့်ပြီး၊ ယမန်နှစ်က ဂိုအာတွင် ပြုလုပ်ခဲ့သော ထိပ်သီးအစည်းအဝေးတွင် ၎င်းနှင့် တရုတ်သမ္မတ ရှီကျင့်ဖျင်တို့အကြား ဆွေးနွေးမှုရလဒ်များကို အရှိန်မြှင့်တင်ရေး ဆောင်ရွက်သွားမည်ဟု ဆိုသည်။

တရုတ်နှင့် အိန္ဒိယတို့မှာ တိဘက်ရှိ အငြင်းပွားနယ်စပ်နှင့်ပတ်သက်၍ ၇၃ ရက်ကြာ တင်းမာမှု ဖြစ်ပွားခဲ့ပြီး ပြီးခဲ့သည့်သီတင်းပတ်နှောင်းပိုင်းမှ ပြေလည်သွားခြင်းဖြစ်သည်။

ယခုခရီးစဉ်တွင် တရုတ်သမ္မတ ရှီကျင့်ဖျင်နှင့်လည်း တွေ့ဆုံရန် ရှိနေသည်။

မိုဒီမှာ မြန်မာနိုင်ငံသို့ စက်တင်ဘာ ၅ ရက်နေ့တွင် ရောက်ရှိမည်ဖြစ်ပြီး ၇ ရက်နေ့တွင် ပြန်လည်ထွက်ခွာမည်ဖြစ်သည်။

မိုဒီက မိမိတို့နှင့် မြန်မာနိုင်ငံမှာ လုံခြုံရေး၊ အကြမ်းဖက်တိုက်ဖျက်ရေး၊ ကုန်သွယ်ရေးနှင့် ရင်းနှီးမြှုပ်နှံမှု၊ အခြေခံအဆောက်အဦး၊ စွမ်းအင်နှင့် ယဉ်ကျေးမှုဆိုင်ရာ လက်ရှိ ပူးပေါင်းဆောင်ရွက်မှုများကို တိုးမြှင့်ရန် ရည်ရွယ်သည်ဟု ဆိုသည်။

ထို့ပြင် နှစ်နိုင်ငံအကြား ပိုမိုနီးကပ်သည့် ပူးပေါင်းဆောင်ရွက်ရေးအတွက် လမ်းပြမြေပုံတစ်ခု ဖော်ဆောင်ရေး အကူအညီဖြစ်စေမည်ဟုလည်း မိုဒီက မျှော်လင့်နေသည်။

မြန်မာနိုင်ငံသို့ ရောက်ရှိစဉ် မိုဒီမှာ ပုဂံ ရှေးဟောင်းယဉ်ကျေးမှုနယ်မြေသို့ သွားရောက်ရန် ရှိပြီး သမ္မတဦးထင်ကျော်၊ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်တို့နှင့် တွေ့ဆုံသွားမည်ဖြစ်သည်။

ဒေါ်အောင်ဆန်းစုကြည်မှာ ပြီးခဲ့သည့်နှစ်က အိန္ဒိယသို့ သွားရောက်လည်ပတ်ခဲ့သည်။

Ref: NDTV