1 week ago
ဘာသာပေါင်းစုံ ဆုတောင်းပွဲ (ရုပ်သံ)
1 week ago
ရိုးရာ လက်ဝှေ့ အဖွဲ့ချူပ် ပြက္ခဒိန်တွင် ထွန်းထွန်းမင်း ဓါတ်ပုံ ချန်ထားခံရ
2 weeks ago
ဘာသာပေါင်းစုံ ဆုတောင်းပွဲ ဖိတ်ကြားလွှာ (ရန်ကုန်)
2 weeks ago
ရွှေတိဂုံစေတီ ဝတ္တကမြေအတွင်း ဘာသာခြားများကို ဈေးရောင်းခွင့် ကန့်သတ်ထားခြင်း မရှိဟုဆို
3 weeks ago
ပြည်မြို့ ဆေးရုံကြီးအတွက် သိန်း(၁၂၀၀) တန်ဖိုးရှိ ကျောက်ကပ်ဆေးစက် (၅) လုံး လှူဒါန်း
1 month ago
ဘာသာခြားများကိုသတ်ရန် ခြိမ်းခြောက်လှုံ.ဆော်သူကို ထောင် ၈ ရက်ပြစ်ဒဏ်ချ
1 month ago
လူသတ်ရန် လမ်းပေါ်ထွက် အော်ဟစ်ခြိမ်းခြောက်သူကို ရန်ကုန်ရဲပြန်လွှတ်
1 month ago
လတ်တလော အခြေအနေတွေအပေါ် မြန်မာမွတ်စလင်မ် လူ့အဖွဲ့အစည်းက ဘာပြောကြသလဲ
1 month ago
တောင်​တွင်းကြီးမြို့ ဖျက်ဆီးလုယက်မှု ဖြစ်စဉ်အကြောင်း ဒေသခံတွေ ပြောပြချက်
1 month ago
တောင်တွင်းကြီးမှ ရမ်းကားသူတွေ လမ်းပေါ်တွင်ရှိနေသေး၊ အုန်း​တော်​၂ လမ်း ရှိအိမ်တအိမ်ထဲသို့ လူအုပ်စုဖြင့် ဝင်ရောက်ဖျက်ဆီးရန် လုပ်ဆောင်နေ

စက်တင်ဘာ ၁၀ ရက်နေ့ည တောင်တွင်းကြီးမှ လုယက်ရမ်းကားမှုဖြစ်စဉ်မှ လူစုလူဝေးများ

အားလုံးထင်တဲ့ အတိုင်းပါပဲ၊ “လံကြုပ်၊လုပ်ကြံဇာတ်လမ်းများ” ဖန်တီးပြီး ပွဲဆူအောင် လုပ်နေကြပါသည်။ စက်တင်ဘာလ ၁၁ရက်နေ့တွင် ဘာဖြစ်မည်။ညာဖြစ်မည်။ စသည်ဖြင့် သွေးထိုးလှုံ့ဆော်ကာ လူမှုရေးကွန်ရက် Facebook နှင့် Messenger များပေါ်တွင် အစ္စလာမ် ဘာသာဝင်တို့၏ အာရပ်နာမည်အမျိုးမျိုးပေးပြီး ပရိုဖိုင်းဓာတ်ပုံနေရာတွင် အချို့အစ္စလာမ်တို့၏ နိုင်ငံခြားယဉ်ကျေးမှု့၊ ဝတ်စားဆင်ယင်မှုပုံစံများဖြင့် အကောင့်တု အကောင့်လိမ် (Fake Account) များဖြင့်  ဗုဒ္ဓဘာသာဝင်များကို ဆဲလိုက်၊ဘာသာတရားကို စော်ကားလိုက်၊ ပြုနေသော Facebook Account များကို လေ့လာကြည့်ရာတွင် နှစ်ဘက်လူ့အဖွဲ့အစည်းများ၊ သွေးကွဲစေမည့် ဒေါသမီး ဟုန်းဟုန်းတောက်စေမည့် အကြောင်းအရာများကို post တင်လိုက်။ comment ကော်မန့်များတွင် ဝင်ရေးလိုက်၊ လုပ်ကာ ဘာသာရေး၊လူမျိုးရေး အဓိကရုဏ်းများ၊ မဖြစ်ဖြစ်အောင် သွေးထိုးလှုံ့ဆော် နေသော အင်အားစုတစ်ခု ယခုအချိန်တွင် ပြန်လည်ခေါင်းထောင်လာနေသည်ကို သတိထားမိပါ သည်။

ပြည်သူလူထု၏ ရွေးကောက်တင်မြှောက်ခံအရပ်သားအစိုးရသည် ရခိုင်ပြည်နယ်ဖြစ်စဉ်များ နှင့် ပတ်သက်၍ ခေါင်းကိုက်နေစဉ်တွင် ဆေးမတိုက်ဘဲ ခေါင်းကိုရိုက်ခွဲမည့် အလဲထိုးသတ်မည့် အဖျက်အင်အားစုများ နယ်ပယ်စုံမှ အလျှိုလျှိုထွက်လာနေသည်ကို ပြည်သူလူထုကြီးသတိပြုမိ တော့သည်။ ထိုအင်အားစုကြီးကို သမ္မတဟောင်းဦးသိန်းစိန်ကိုယ်တိုင် “နောက်ကွယ်က လက်မဲကြီးအုပ်စု” ဟူ၍ ခေါ်ဝေါ်သုံးစွဲခဲ့ပါသည်။ ထိုလက်မဲကြီးအုပ်စုသည် နိုင်ငံရေးအာဏာအ တွက် ဘာသာရေး၊ လူမျိုးရေးပြဿနာများကို အခြေခံကာ ဖန်တီးလေ့ရှိကြောင်း အတိတ်သမိုင်း ဒိုင်ယာယီများက သက်သေထူနေပေသည်။

သာဓကတစ်ရပ်ကိုတင်ပြရလျှင် ၂၀၁၂ ရခိုင်ပြည်နယ်တွင် လူမျိုးရေး၊ ဘာသာရေး ပဋိပက္ခကို သွေးထိုးလှုံ့ဆော် အကွက်ကျကျ ဖန်တီးခဲ့ပြီး ရခိုင်ဗမာ အမျိူးသားရေး ဝါဒများကို အာရုံ လွှဲပြောင်းစေကာ “ကျောက်ဖြူမှ ကူမင်းတရုတ် သဘာဝဓာတ်ငွေ့ပိုက်လိုင်းကြီး စီမံကိန်း”ကို ပြီးစီးအောင် ကြံစည်နိုင်ခဲ့ခြင်းသည် ထင်ရှားသော သက်သေတစ်ခုဖြစ်ခဲ့ပါသည်။

စက်တင်ဘာလ ၁၀ရက် နေ့လည် ၂နာရီ ဧရာဝတီတိုင်းဒေသကြီး၊ ပုသိမ်မြို့နယ်တွင် ဘင်္ဂလီဆန့်ကျင်ရေး စစ်အုပ်ချုပ်ရေး အမြန်ဆုံးပေးရေးနှင့် ကမ္ဘာ့ကုလသမဂ္ဂအထွေထွေ အတွင်းရေးမှူးချုပ်ဟောင်း ကိုဖီအာနန်၏ ကော်မရှင် အစီရင်ခံစာကို ဆန့်ကျင်ရေး စသည်တို့ကို တောင်းဆို ဆန္ဒပြကြောင်း စာရေးသူ သတိပြုမိပါသည်။

ဆန္ဒပြနေသူများကို စာရေးသူ စကားမစပ် မေးမြန်းလိုသည်မှာ လက်ရှိ အစိုးရထံသို့ “ကိုဖီအာနန်တင်သွင်းခဲ့သော အစီရင်ခံစာကို ဆန္ဒပြမျိုးချစ်ကြီးများ အစ၊ အဆုံး သေသေချာချာ ဖတ်ပြီးပြီလား”ဟု မေးမြန်းလိုပါသည်။

အလားတူ ကရင်ပြည်နယ်၊ဘားအံမြို့တွင် ဒေသခံ အစိုးရအာဏာပိုင်များ၏ ခွင့်ပြုချက် မရှိပဲ၊ ကရင်ပြည်နယ် မဘသက ဦးစီးကျင်းပသည့် တောင်ကလေးနှစ်သစ်ကူးကွင်းတွင် စက်တင်ဘာလ ၁၀ရက်နေ့ နေ့လည် ၂ နာရီတွင် အချိန်ကိုက် ကျင်းပခဲ့ပြန်သည်။ ထိုဟောပြောပွဲ တွင် မဘသ အမာခံ ဆရာတော်တစ်ပါးဖြစ်တဲ့ နာမည်ဆိုးဖြင့် ကမ္ဘာကျော်နေသော ဦးဝီရသူက “ရခိုင်ကိစ္စဟာ မြန်မာတွေနှင့် အစ္စလာမ်တွေဖြစ်နေတဲ့ ပြဿနာပုံစံမျိုး စည်းရုံးလှုံဆော်ခဲ့ပါသည်။ မြန်မာပြည်တွင် အစ္စလာမ်ဘာသာဝင်တွေဟာ လူဦးရေနှင့် နယ်ချဲ့ပြီး အကြမ်းဖက်နေတဲ့သူတွေ ဖြစ်ကြောင်း “ကျား” သတ္တဝါကို အစားမကျွေးအပ်သလို “ကုလား”ကိုလည်းနေရာ မပေးအပ်ဖူးလို့ စော်ကား ဟောကြားပြန်တယ်။ လက်ရှိ NLD အရပ်သားအစိုးရကို မိုက်မိုက်ကမ်းကမ်း စော်ကားပြောဆိုပြီး မြန်မာနိုင်ငံဆိုင်ရာ ကုလသမဂ္ဂ လူ့အခွင့်အရေး ကိုယ်စားလှယ် မစ္စ ယန်ဟီးလီ ကိုလည်း နိုင်ငံကို ရောင်းစားမယ့် “ဖာသယ်မ” ဟူ၍ ထပ်မံဆဲဆို စော်ကားခဲ့ပြန်သည်။ အမုန်းစကား ပြော ဆူပူလှုံ့ဆော်ဟောပြောတဲ့ ထိုနေ့ည ၇နာရီ ၄၅ မိနစ် အချိန်တွင် မကွေးတိုင်းဒေသကြီး တောင်တွင်းကြီးမြို့ ရွှေအိုး ၂ ရပ်ကွက်တွင် ပုဆိုးများ ခြုံကာ ရုပ်ဖျက်ထားသော နှာခေါင်းစည်းတတ်ထားသော လူငယ်၊ လူလတ် ၅၀ ဦးခန့်သည် နိုင်ငံတော်သီချင်းများ ဆိုလိုက် ၉၆၉ လှုံ့ဆော်သီချင်းများ ဆိုလိုက်နှင့် အစ္စလာမ်ဘာသာဝင်များ၏ ဆိုင်ခန်းများ၊ နေအိမ်များ၊ဗလီများကို ခဲများဖြင့် ပစ်ပေါက်ရန်စ ပြဿနာဖန်တီးသည့် လှုံ့ဆော်မှုများရှိခဲ့ပါသည်။ ဆူပူမှုများကို နေရာကွက်ကျား လုပ်လိုက် ရဲများရောက်လာလျှင် ကိုယ်ရောင်ဖျောက်နေလိုက် နှင့် နေရာ (၈)နေရာတွင် ၈ကြီမ်နီးပါး ဆူပူအကြမ်းဖက် လှုံ့ဆော်ခဲ့ပါသည်။ အကြမ်းဖက်ဟူသော စကားကိုသုံးရခြင်းမှာ ထိုသူများတွင် တုတ်၊ဓား၊လေးခွ၊ပုဆိန် စသည်တို့ပါရှိကြောင်း မျက်မြင်သက်သေများက ပြောဆိုကြသည်။ အကြမ်းဖက်သူများထဲတွင် ဒေသခံများနှင့် အနီးတစ်ဝိုက်ရွာများမှနေ့စား ၃၀၀၀ကျပ်ပေး၍ လာခဲ့ကြသူများလည်း ရှိကြောင်း ဒေသခံတစ်ဦး က မီဒီယာတစ်ခု အား ပြောကြားခဲ့ပါသည်။

ထိုအကြမ်းဖက်အဖွဲ့သည် “လူမျိုးခြား၊ ဘာသာခြားတွေကို ရိုက်၊သတ်ကြ ဟူ၍လည်း” အော်ဟစ်၊ ဆဲဆိုခဲ့ကြကြောင်းကို အခင်းဖြစ်ပွားသည့်နေရာအနီးရှိ ရပ်ကွက်နေ ပြည်သူတစ်ဦးက ပြောဆိုခဲ့ပါသည်။

စက်တင်ဘာ (၁၀)ရက်ည တောင်တွင်းကြီး အကြမ်းဖက်မှု့ကို လေ့လာကြည့်လျှင် အတိတ် က ဖြစ်ခဲ့ဖူးသော လူမျိုးရေး၊ ဘာသာရေး အဓိကရုဏ်းများနှင့် ဆင်တူနေကြောင်း  စာရေးသူ သတိပြုမိသည့် အချက်များရှိနေပါသည်။ ယင်းတို့မှာ

(၁) စနစ်တကျ ကြိုတင်ပြင်ဆင်ထားသော လူ၅၀ခန့်က ဟိုသီချင်း၊ ဒီသီချင်းများဖြင့် ဘေးတီးပေးပြီး ဝိုင်းအုံလာသော လူ ၄၀၀ လောက် ဖြစ်သွားတော့မှ အစ္စလာမ်ဘာသာဝင်တွေရဲ့ အိမ်တွေ၊ ဆိုင်တွေကို ရုတ်တရက် တိုက်ခိုက်ခဲ့တယ်။

(၂) တန်ဘိုးရှိတဲ့ မိုဘိုင်းဖုန်းလို ပစ္စည်းတွေကို ခိုးယူခဲ့တယ်။

(၃) ဒေသခံအစ္စလာမ်ဘာသာဝင်တွေကို ရန်စတဲ့သဘောမျိုးနဲ့ မျက်နှာစိမ်းလူငယ် ၅ဦးက မခံချင်အောင်ဆဲဆိုခဲ့တယ်။ဒေသခံတွေက မကြားချင်ယောင်ဆောင် လိုက်တော့ ကသီလင်တ နိုင်သွားခဲ့တယ်။

(၄) တုတ်၊ဓား၊ ပုဆိန်များကိုင်ဆောင်ထားတဲ့ အကြမ်းဖက်အဖွဲ့ဟာ လူညီတယ်။ စနစ်ကျတယ်။ နောက်ကွယ်ကနေ အကွက်ကျကျ ဟန်ချက်ညီ ညွှန်ကြားနေတဲ့သူတွေရှိမှန်း ပေါ်လွင်နေတယ်။ မိုဘိုင်းဖုန်းတွေနဲ့ပဲ သူတို့အချင်းချင်းဆက်သွယ်ခဲ့တယ်။

(၅) အကြမ်းဖက်အဖွဲ့ရဲ့အထင်နှင့် အမြင်လွဲသွားခြင်းကတော့ တောင်တွင်းကြီး ဒေသခံ ဗမာလူမျိုးတွေက သူတို့နောက်ကို မပါဝင်ခဲ့ခြင်းပါပဲ။

(၆) ည ၁ နာရီကျော်မှာ လုံခြုံရေး ရဲတပ်ဖွဲ့တွေ အင်အားတိုးချဲ့များပြားလာတော့ အခြေအနေမ ကောင်းတော့တာ ကြောင့် အကြမ်းဖက်အဖွဲ့ဟာ နောက်ကွယ်က အမိန့်အတိုင်း လူစုခွဲ သုတ်ခြေတင်ခဲ့တယ်။ ဒါပေမယ့် (၅)ဦးကိုတော့ အာဏာပိုင်တွေက ဖမ်းဆီးနိုင်ခဲ့ပါတယ်။ အထက်ပါ ညအချိန်မတော်ကြီး တမင်ရည်ရွယ်ချက်ရှိရှိ အကြမ်းဖက်လုပ်ရက်ကြောင့် အစ္စလာမ် ဘာသာဝင်တို့၏ သားရေလုပ်ငန်းဆိုင်၊ မိုဘိုင်းဖုန်းဆိုင်၊ သံပစ္စည်းနှင့် ဒန်အိုးဒန်ခွက်ဆိုင်၊ ထမင်းဆိုင်၊ လဘက်ရည်ဆိုင်နှင့် ပေါင်မုန့်ရောင်းဝယ်ရေး ဆိုင်များ ဖျက်ဆီးခံခဲ့ရသည်။ အကယ်၍ မိမိတို့၏ ဥစ္စာပစ္စည်း၊ ထမင်းအိုး ရိုက်ချိုးဖျက်ဆီးခံခဲ့ရသောကြောင့် အကြမ်းဖက်ခံရသူတို့က ဒေါသဖြင့် လက်တုန့်ပြန်ခဲ့ပါက နောက်ကွယ်က မစင်ပေနေသော လက်မဲကြီး၏ကြိုးကွင်းထဲကို စွပ်မိရက်သား ဖြစ်သွားပေလိမ့်မည်။ သွေးထွက်သံယိုတွေဖြစ်။ အရပ်သားတွေ အထိတ်တလန့် ဖြစ်ကာ ဆူပူအကြမ်းဖက်မှုတွေ တိုင်းနှင့်ပြည်နယ်တွေ အထိ ပြန့်နှံ့ခဲ့မည်။ ဒေါသထွက်နေသော လူအုပ်ကြီးတွေက နောက်ကွယ်က လက်မဲကြီး၏ ညွှန်ကြားချက်အတိုင်း နေရာစုံမှ အပြေး အလွှား ထွက်လာကြမည်။ ဝန်ကြီးချုပ်များကို သက်ဆိုင်ရာပြည်နယ်တိုင်းဒေသရှိ လက်မဲကြီး အလိုတော်ရှိ များက  ဖိအားပေး စာထုတ်တောင်းဆို ဆန္ဒပြကြမည်။ ထွေအုပ်များကလည်း ပုဒ်မ ၁၄၄ ညမထွက်ရအမိန့ ထုတ်ဖို့၊ ‘ဟုတ်ကဲ့၊ မှန်ပါ့၊ အဆင်သင့်ပါပဲ’ ပြောဖို့ ကျင့်သားရပြီး ဖြစ်နေတာ တွေ့ရမည်။

ဆိုးကျိုးရလာဒ်များအနေနဲ့ မြန်မာနိုင်ငံ၏ ပုံရိပ် အဖတ်ဆယ်လို့မရအောင် ကျဆင်းသွားမည်မှာ အသေအချာပင် ဖြစ်သည်။

သို့သော် ဤလောကကြီးသည် ထင်သလို ဖြစ်မလာသော သဘောရှိသည်။ အရပ်သားစစ်စစ် သမ္မတကြီးလက်ထက်တွင် အကြိမ်ကြိမ် အောက်လမ်းနည်းများသုံး၍ လူတစ်စု၊ လူတစ်ဖွဲ့ ကောင်းစားရေး မြန်မာနိုင်ငံကြီး၏ အချုပ်အခြာအာဏာကို မိမိတို့ စစ်ဗိုလ်လူထွက်များသာ ရယူ ပိုင်ဆိုင်၊ ချယ်လှယ်နိုင်ရေးမူကို သံမှိုစွဲသလို၊ တရားသေမူဝါဒကို အသေဆုပ်ကိုင်ပြီး ခေတ်အဆက်ဆက် အာဏာရှိစဉ်က ပြည်သူ့ဘဏ္ဍာငွေများကို အလွဲသုံးစားလုပ်ပြီး ကုဋေကုဋာကြွယ်များ ဖြစ်နေသူများကို ပြည်သူလူထုက နားလည် ခွင့်လွှတ်ပေးပါလိမ့်မယ်။ ယခုအချိန်မှစ၍ မြန်မာပြည်ကြီး ပျက်ဆီးရာ၊ ပျက်ဆီးကြောင်းများကို ထပ်၍ မလုပ်ကြပါနဲ့တော့။ ယခုအခြေအနေတွင် နိုင်ငံနှင့် ပြည်သူလူထုအတွက် နေ့မအား၊ ညမအား မခိုးမ၀ှက်သော အစိုးရတစ်က မြန်မာပြည်ကြီးကို ဦးဆောင်နေစဉ် ‘မကူညီချင်နေပါ၊ မနှောက်ယှက်ပါနှင့်တော့’ သမိုင်းတရားခံများအနေနဲ့ သွတ်သွင်းမခံရလေအောင် နောက်ကွက်က လုပ်ရပ်ဆိုးများကို ရပ်တန်းက ရပ်တံ့ပါတော့ ဟူ၍ အကြံပြု တိုက်တွန်းအပ်ပါသည်။

‘သင်ပြုသောကံ ပဲ့တင်သံ သင့်ထံပြန်လာမည်’ ဟူသော လောကနီတိကို နှလုံးသွင်းဖို့ အချိန်တန်ပြီ ဖြစ်ပါကြောင်း ပြည်သူလူထုကိုယ်စား တင်ပြအပ်ပါသည်။

မြေးသခင်ဒေါင်း (လွတ်လပ်ရေး မော်ကွန်းဝင်)



Tags:

Comments are closed.