ယူနက်စကိုမှ အမေရိကန်နှင့် အစ္စရေးတို့ နှုတ်ထွက်မည်

အောက်တိုဘာ ၁၃၊ ၂၀၁၇
M-Media

– ကုလသမဂ္ဂ၏ ပညာရေး၊ သိပ္ပံနှင့် ယဉ်ကျေးမှုဆိုင်ရာအဖွဲ့ (ယူနက်စကို) မှာ အစ္စရေးဆန့်ကျင်ရေး ဘက်လိုက်သည့်အဖွဲ့ဖြစ်ပြီး ထိုအဖွဲ့မှ ထွက်တော့မည်ဟု အမေရိကန်က ယမန်နေ့တွင် ကြေငြာလိုက်သည်။

အမေရိကန်အစိုးရ ပြောရေးဆိုခွင့်ရှိသူ Heather Nauert က အမေရိကန်အနေဖြင့် ‘စောင့်ကြည့်အဖွဲ့တစ်ခု’ ဖွဲ့စည်းကာ ယူနက်စကို ကိုယ်စားလှယ်အဖွဲ့နေရာတွင် အစားထိုးသွားမည်ဟု ပြောကြားခဲ့သည်။

အစ္စရေးဝန်ကြီးချုပ်ရုံးကလည်း မနေ့က ကြေငြာချက်တစ်ခု ထုတ်ပြန်ခဲ့ကာ ၎င်းတို့အနေဖြင့် ယူနက်စကိုမှ အမေရိကန်နှင့်အတူ ထွက်တော့မည်ဖြစ်ကြောင်း၊ အမေရိကန်၏ ယခုဆုံးဖြတ်ချက်မှာ ‘ရဲရင့်ပြီး သမာသမတ်ကြ’ ကာ ယူနက်စကိုမှာ ‘အသုံးမ၀င်သည့်’ အဖွဲ့ဖြစ်ကြောင်း ဖော်ပြခဲ့သည်။

ယူနက်စကို အကြီးအကဲအဖြစ်မှ မကြာမီ အနားယူတော့မည့် အိုက်ရီနာ ဘိုကိုဗာက အမေရိကန်အနေဖြင့် ယခုကဲ့သို့ ထွက်ခွာမှုမှာ ဗဟုဝါဒကို ဆုံးရှုံးသွားခြင်းဖြစ်ပြီး ‘အမေရိကန်အတွက် ယူနက်စကိုမှာ အရေးမကြီးသကဲ့သို့၊ ယူနက်စကိုအတွက်လည်း အမေရိကန်က အရေးမပါ’ ဟု ပြောကြားခဲ့သည်။

ကမ္ဘာတစ်ဝှမ်းတွင် ပဋိပက္ခများ ဆက်လက်ဖြစ်ပွားနေသည့်အချိန်တွင် ငြိမ်ချမ်းရေး၊ ပညာရေးတို့ကို မြှင့်တင်ပေးနေသော၊ ယဉ်ကျေးမှုများကို ကာကွယ်ပေးနေသော မိမိတို့အဖွဲ့မှ အမေရိကန်ထွက်ခြင်းမှာ လွန်စွာ ၀မ်းနည်းဖွယ်ကောင်းသည်ဟုလည်း သူမက ဆိုသည်။

အစ္စရေး၏ ဆန့်ကျင်မှုများရှိသော်လည်း ၂၀၁၁ ခုနှစ်တွင် ယူနက်စကိုက ပါလက်စတိုင်းဟာ တင်းပြည့်အဖွဲ့ဝင်အဖြစ် သတ်မှတ်ခဲ့မှုကို အမေရိကန်က မကျေနပ်ဘဲ အဖွဲ့ဝင် ၁၉၅ နိုင်ငံ ပါဝင်သည့် အဆိုပါအဖွဲ့အား ရန်ပုံငွေထောက်ပံ့မှုကို ရပ်ဆိုင်းခဲ့သည်။

ကုလလက်အောက်ခံအဖွဲ့အစည်းများက ပါလက်စတိုင်းကို နိုင်ငံတစ်ခုအဖြစ် အသိအမှတ်ပြုမှုကို အမေရိကန်က ဆန့်ကျင်ပြီး အရှေ့အလယ်ပိုင်း ငြိမ်းချမ်းရေးဆွေးနွေးမှုကို စောင့်ဆိုင်းရမည်ဟု ပြောကြားထားသည်။

ယူနက်စကိုမှာ ကမ္ဘာ့အမွေအနှစ်များကို ထိန်းသိမ်းရေးလုပ်ငန်းကြောင့် ထင်ရှားပြီး ဖွံ့ဖြိုးဆဲနိုင်ငံများတွင် ပညာရေး အကူအညီများကို ပေးအပ်နေသည့် အဖွဲ့လည်းဖြစ်သည်။

Ref: Aljazeera