1 week ago
ASEAN ထိပ်သီးများ ရိုဟင်ဂျာအရေး ဆွေးနွေး
3 weeks ago
Drone မှုနဲ့ဖမ်းခံရသူ သတင်းထောက်တွေ မိသားစုနဲ့တွေ့ခွင့်မရသေး
4 weeks ago
မြန်မာ-ဘင်္ဂလားဒေ့ရှ် သဘောတူညီချက် (၁၀)ချက် လက်မှတ်ရေးထိုး
4 weeks ago
AA ဒုဗိုလ်မှူးကြီး အပါအ၀င် ၉ ဦးကို ငွေကြေးခ၀ါချမှုနဲ့ အမှုဖွင့်စစ်ဆေး
1 month ago
ဘာသာပေါင်းစုံ ဆုတောင်းပွဲ (ရုပ်သံ)
1 month ago
ရိုးရာ လက်ဝှေ့ အဖွဲ့ချူပ် ပြက္ခဒိန်တွင် ထွန်းထွန်းမင်း ဓါတ်ပုံ ချန်ထားခံရ
2 months ago
ဘာသာပေါင်းစုံ ဆုတောင်းပွဲ ဖိတ်ကြားလွှာ (ရန်ကုန်)
2 months ago
ရွှေတိဂုံစေတီ ဝတ္တကမြေအတွင်း ဘာသာခြားများကို ဈေးရောင်းခွင့် ကန့်သတ်ထားခြင်း မရှိဟုဆို
2 months ago
ပြည်မြို့ ဆေးရုံကြီးအတွက် သိန်း(၁၂၀၀) တန်ဖိုးရှိ ကျောက်ကပ်ဆေးစက် (၅) လုံး လှူဒါန်း
2 months ago
ဘာသာခြားများကိုသတ်ရန် ခြိမ်းခြောက်လှုံ.ဆော်သူကို ထောင် ၈ ရက်ပြစ်ဒဏ်ချ

အောက်တိုဘာ ၂၈၊ ၂၀၁၇
M-Media

ရာဇာ တင်ဆက်သည်

(အပတ်စဉ် သောကြာနေ့တိုင်း ဖော်ပြသွားပါမည်)

– ၁၃ ရာစုက မွတ်စလင်ကမ္ဘာက စစ်ရေးဆွေးနွေးပွဲတွေဟာ တော်တော်လေးကို ခေတ်မီပြီး လက်ပစ်ဗုံး၊ ဆာလဖာဗုံး၊ အမြှောက်၊ ဒုံးကျည်နဲ့ တော်ပီဒိုတွေလို အဲဒီခေတ်က လက်နက်ဆန်းတွေအကြောင်း ပါဝင်ပါတယ်။ စစ်လက်နက် နည်းပညာမှာ အရေးပါဆုံး စာအုပ်တွေထဲကတစ်ခုဟာ ဆီးရီးယားပညာရှင် ဟာဆန် အလ်-ရမ္မာဟ် (Hasan al-Rammah) က သက္ကရာဇ် ၁၂၇၀ လောက်မှာ ရးသားခဲ့တဲ့ Book of Horsemanship and Ingenious War Devices (မြင်းစီးသူရဲအတတ်နှင့် စစ်လက်နက်ပစ္စည်းဆိုင်ရာကျမ်း) ဆိုတဲ့ စာအုပ်ဖြစ်ပါတယ်။ အဲဒီစာအုပ်ထဲမှာ ဒုံးကျည်အကြောင်း ပထမဆုံး ဖော်ပြထားမှုအပါအ၀င် လက်နက်အသစ်အဆန်း တီထွင်ထုတ်လုပ်မှုကို ပုံတွေနဲ့တကွ ရေးသားထားပါတယ်။ ဟာဆန် အလ်-ရမ္မာဟ်ရဲ့ ဒီစာအုပ်ထဲက ဒုံးကျည်အကြောင်း ရေးသားထားမှုကို အမေရိကန်ပြည်ထောင်စု ၀ါရှင်တန်ဒီစီက အမျိုးသား လေကြောင်းအာကာသဆိုင်ရာပြတိုက်မှာ ပြသထားပါတယ်။

တရုတ်လူမျိုးတွေဟာ ပထမဆုံး ယမ်းမှုန့်ကို တီထွင်ခဲ့တာပါ။ ယမ်းမှုန့်မှာ ပါဝင်ပစ္စည်းဖြစ်တဲ့ ယမ်းစိမ်းကို သူတို့ ထုတ်လုပ်နိုင်ခဲ့ပေမယ့် မီးရှူး၊ မီးပန်းလောက်မှာသာ အသုံးပြုခဲ့ဖွယ်ရှိပါတယ်။ BBC ရဲ့ What the Ancients Did for Us အစီအစဉ်အတွက် စုံစမ်းလေ့လာမှုအရ မွတ်စလင် ဓာတုဗေဒပညာရှင်တွေဟာ စွမ်းအားမြင့် ယမ်းမှုန့်ဖော်မြူလာကို ဖော်ထုတ်ကာ လက်နက်တွေမှာ ပထမဆုံး အသုံးပြုခဲ့တာ ဖြစ်နိုင်တယ်လို့ တွေ့ခဲ့ရပါတယ်။

ယမ်းမှုန့်ကို မှန်ကန်တဲ့ အချိုးအစားရအောင် မဆောင်ရွက်နိုင်တာ၊ ပိုတက်ဆီယံနိုက်ထရိတ်ကို မသန့်စင်နိုင်တာကြောင့် တရုတ်လူမျိုးတွေဟာ အဲဒါကို ဖောက်ခွဲရေးပစ္စည်းတွေမှာ မသုံးခဲ့ကြပါဘူး။ ၁၄၁၂ ခုနှစ်မှာ Huo Lung Ching ရေးသားပြီး ပေါက်ကွဲစေတတ်မှုအတွက် ယမ်းအချိုးအစားတွေကို အသေးစိတ် ဖော်ပြထားတဲ့ စာအုပ်မထွက်ခင်အထိ ဒါမျိုး မလုပ်နိုင်ခဲ့ပါဘူး။ အဲဒီအရင် နှစ် ၁၀၀ လောက်ကတည်းက ထွက်ခဲ့တဲ့ ဟာဆန် အလ်-ရမ္မာဟ်ရဲ့ စာအုပ်မှာ ပိုတက်ဆီယမ်နိုက်ထရိတ် သန့်စင်မှုနည်းလမ်းကို ပထမဆုံး ရှင်းပြနိုင်ခဲ့တာ ဖြစ်ပြီး ပေါက်ကွဲစေတတ်တဲ့ပစ္စည်းတွေ ပြုလုပ်နည်း တော်တော်များများကိုလည်း ဒီစာအုပ်မှာ တွေ့ရပါတယ်။

ဟာဆန် အလ်-ရမ္မာဟ်၏ Book of Horsemanship and Ingenious War Devices ကျမ်းတွင် ဖော်ပြထားသည့် ၁၃ ရာစု စစ်လက်နက်ပစ္စည်းများ

“Baybars တွေဦးဆောင်တဲ့ အစ္စလာမ့်စစ်တပ်ကြီးတွေဟာ ၁၂၄၉ ခုနှစ် ကျူးကျော်သူ ခရူးဆိတ်သာသနာပြုစစ်သည်တွေနဲ့ စစ်ပွဲမှာ ယမ်းကိုအသုံးပြုနိုင်ခြင်းက အဆုံးအဖြတ်ဖြစ်ခဲ့ပါတယ်။ အီဂျစ်က အလ်-မန်ဆူရာဒေသ တိုက်ပွဲမှာ မွတ်စလင်တွေရဲ့ ပေါက်ကွဲစေတတ်တဲ့ ပစ္စည်းတွေက တော်တော်လေးကြောက်စရာကောင်းကာ၊ စွမ်းအားလည်းပြင်းခဲ့တာကြောင့် ပြင်သစ်စစ်တပ်ကြီး တပ်ဆုပ်ကာ ဘုရင် လူးဝစ် ၈ အဖမ်းခံရတဲ့အထိ ဖြစ်ခဲ့ပါတယ်” လို့ BBC ရဲ့ What the Ancients Did For Us အစီအစဉ်ကို တင်ဆက်သူ အမာနီဇာအင်က ပြောကြားခဲ့ပါတယ်။

၁၅ ရာစုက အော်တိုမန်တွေအသုံးပြုခဲ့တဲ့ အမြှောက်တွေဟာ တော်တော်လေး ကောင်းမွန်ခဲ့ပြီး ၁၈ တန်ရှိတဲ့ အဲဒီ ကြေးအမြောက်ကြီးကို ယူကေက ပို့စ်မောက်မြို့မှာရှိတဲ့ ဖော့တ်နဲလ်ဆင်ပြတိုက်မှာ ပြသထားပါတယ်။ အမြောက်တစ်ခုလုံးရဲ့ အရှည်ဟာ ၁၆ ပေကျော်ရှိပြီး အချင်းက ၂ ပေလောက်ရှိတာကြောင့် သယ်ယူပို့ဆောင်ရာမှာ လွယ်ကူဖို့အတွက် အမြှောက်ကို ၂ ပိုင်းလုပ်ကာ ၀က်အူနဲ့ ဆွဲထားတာ ဖြစ်ပါတယ်။ အမြှောက်ပြောင်းရဲ့ အရှည်က ၁၀ ပေနီးနီးရှိပြီး ယမ်းမှုန့်ထည့်တဲ့အပေါက်က အချင်း ၁ ပေလောက် ရှိပါတယ်။ ဒီအမြှောက်ကြီးမတိုင်မီ ဥရောပမှာ ဖြုတ်လို့၊ တပ်လို့ရတဲ့ အမြှောက်မျိုး ဒီလောက် ကြီးကြီးမားမား မရှိပါဘူး။

ဒီထူးထူးခြားခြား အမြှောက်ကြီးကို  ၁၄၆၄ ခုနှစ်မှာ ဆူလ်တန် မဟ်မဒ် ၂ (Sultan Mehmed II) ရဲ့အမိန့်နဲ့ သွန်းလုပ်ခဲ့တဖြစ်ပါတယ်။ ဆူလ်တန် မဟ်မဒ်ဟာ စစ်လက်နက်ပစ္စည်း၊ အထူးသဖြင့် အမြှောက်တွေကို အလွန်စိတ်ဝင်စားပြီး ကွန်စတီနိုပယ်ကို ၀ိုင်းတဲ့အချိန်မှာ အရင်က မရှိဖူးသေးဘဲ ပစ်လိုက်ရင် အမြှောက်ဆံ တစ်မိုင်လောက်အထိရောက်မယ့် အမြှောက်ကြီးတစ်ခုကို သွန်းလုပ်ဖို့အတွက် သူ့ရဲ့ လက်နက်ခဲယမ်း ပညာရှင်ကို အမိန့်ပေးခဲ့ပါတယ်။

ဟာဆန် အလ်-ရမ္မာဟ် တီထွင်ခဲ့သည့် ပထမဆုံး တော်ပီဒို ကားချပ်

 

အဲဒီအမြှောက်ကြီးကို ရရှိဖို့အတွက် ဗြိတိန်သျှဘုရင်မ ဗစ်တိုးရီးယားဟာ နှစ်ပေါင်း ၆၀ လောက် အော်တိုမန် ပြည့်ရှင်တွေကို စွဲဆောင်ခဲ့ပေမယ့် မအောင်မြင်ခဲ့ပါဘူး။ အော်တိုမန်ပြည့်ရှင်တစ်ဦးဖြစ်တဲ့ ဆူလ်တန် အဘ်ဒူလ် အဇစ် (Sultan Abdul Aziz) ဥရောပကို သွားရောက်လည်ပတ်တဲ့အခါ ဗစ်တိုးရီးယား ဘုရင်မဟာ ဒီအမြှောက်ရရှိဖို့အတွက် အလ်ဒူလ်အဇစ်ကို နှစ်ကိုယ်ကြား မေတ္တာရပ်ခံခဲ့ပြီး တစ်နှစ်ကြာတဲ့အခါ ဆူလ်တန်ဟာ ဒီအမြှောက်ကို လက်ဆောင်အနေနဲ့ ပေးပို့ခဲ့ပါတယ်။ ဒါဒါနီလက်စ်မြို့ (Dardanelles) ကနေ လန်ဒန်ကို ပို့ဆောင်ခဲ့တာဖြစ်ပြီး ၁၈၆၈ ခုနှစ်မှာ ဒီ ဆူလ်တန်မဟ်မဒ်အမြှောက်ကို ပို့စ်မောက်ပြတိုက်မှာ စတင်ပြသခဲ့ပါတယ်။ အဲဒီအမြှောက်ကြီးဟာ ‘ဥရောပသမိုင်းမှာ အရေးပါဆုံး အမြှောက်တစ်လက်’ ဖြစ်တဲ့အတွက် ဗစ်တိုးရီးယား ဘုရင်မက လိုချင်ခဲ့တာဖြစ်ပါတယ်။

မွတ်စလင်တွေဟာ ဒုံးကျည်တွေ၊ ပထမဆုံး တော်ပီဒိုတွေကိုလည်း တီထွင်ထုတ်လုပ်ခဲ့ကြပါတယ်။ အဲဒီဒုံးကျည်ကို ‘အလိုအလျောက်သွားပြီး ပေါက်ကွဲစေတဲ့ ဥကြီး’ လို့ခေါ်တွင်ခဲ့ပါတယ်။ တော်ပီဒိုကတော့ တော်တော်လေး သေသပ်ပြီး ဒုံးကျည်ကိုပဲ ရေပေါ်ရှပ်ပြေးနိုင်အောင် ဖန်တီးထားတာပါ။ ဟာဆန် အလ် ရမ္မာဟ် (Hasan al Rammah) ရဲ့ စာအုပ်ထဲက တော်ပီဒိုလုပ်နည်းမှာ  သံဒယ်အိုးနှစ်ခုကို သက္ကလပ်စနဲ့ တင်းနေအောင်ချည်ကာ အဖျားမှာ လှံပုံသဏ္ဍာန် အချွန်လုပ်ထားပါတယ်။ အထဲမှာ ယမ်းစိမ်းပါဝင်တဲ့ ပေါက်ကွဲစေတဲ့ ဒြပ်ပေါင်းကို ထည့်သွင်းပြီး အနောက်ဖက်မှာ သစ်သားချောင်းနှစ်ခုနဲ့ အမြီးပုံစံလုပ်ကာ ဒုံးကျည်နဲ့ တွန်းအားပေးပြီး ရွေ့လျားစေတာပါ။ တော်ပီဒိုရဲ့ ထိပ်ပိုင်းကအချွန်ဟာ ရန်သူ့သင်္ဘောရဲ့ ကိုယ်ထည်ထဲကို စိုက်ဝင်ပြီး တော်ပီဒိုကို မြဲနေအောင်လုပ်ဖို့ ရည်ရွယ်ပုံရပါတယ်။

ယမ်းမှုန့် လုပ်နည်း

ပို့စ်မောက်ပြတိုက်ရှိ မဟ်မဒ် အမြှောက်

ယမ်းမှုန့်လုပ်တော့မယ်ဆိုရင် သန့်ရှင်းခြောက်သွေ့တဲ့ ယမ်းစိမ်းနဲ့ မြေကရားနှစ်ခု လိုအပ်ပါတယ်။ ယမ်းစိမ်းကို မြေကရားတစ်ခုထဲမှာထည့်ပြီး ယမ်းစိမ်းမြုပ်သွားအောင် ရေထည့်ပါ။ ကရားနွေးအောင် မီးအေးအေးနဲ့ အပူပေးပြီး ရေပ်ါတက်လာတဲ့ အညစ်အကြေးတွေကို ခပ်ထုတ်ပါ။ ဒီအရည် ကြည်တောက်သွားတဲ့အထိ မီးထပ်မြှင့်ပါ။ အဲဒီနောက်မှာ အခြား ကရားတစ်ခုထဲကို အနည်မရှိတော့တဲ့ အဲဒီယမ်းစိမ်းရည်ပြောင်းထည့်ပြီး မီးအေးအေးနဲ့ ခဲသွားတဲ့အထိ အပူပေးပါ။ အဲဒီနောက်မှာတော့ အခဲကို မှုန့်ညက်နေအောင် ထောင်းလိုက်ရင် ယမ်းမှုန့်ရပါပြီ။

(ဟာဆန် အလ်-ရမ္မာဟ်၏ ၁၄ ရာစု လက်နက်ခဲယမ်းစာအုပ်မှ ယမ်းမှုန့်လုပ်နည်း)

 

(ကိုးကား- National Geographic ၏ 1001 Inventions – The Enduring Legacy of Muslim Civilization)

(ကမ္ဘာ့လူ့အဖွဲ့အစည်းတွင် ယနေ့တိုင်ရှင်ကျန်နေသည့် မွတ်စလင်တို့၏ အမွေအနှစ်များ – တင်ဆက်ပြီးသမျှ အပိုင်းအားလုံးကို  ဤနေရာ တွင် ဖတ်ရှုနိုင်ပါသည်



Comments are closed.