6 years ago
ရိုဟင်ဂျာ ၇ ဦးကို အိန္ဒိယနိုင်ငံက မြန်မာကို ပထမဆုံးအကြိမ် ပြန်ပို့
6 years ago
ဓာတ်ပြားအဆိုတော် တေးသံရှင် ဒေါ်မာမာဝေ အသက်(၉၃) နှစ် ကွယ်လွန်
6 years ago
ဒုက္ခသည်စခန်းမှ လုပ်အားပေးဆရာမတစ်ဦး ရခိုင်မှ ရန်ကုန်သို့လာစဉ် လဝကဥပဒေဖြင့် အဖမ်းခံရပြီး ထောင်တစ်နှစ်ကျ
6 years ago
ဦးဇော်ဌေး (ခ) မှူးဇော်အား ဌာနပြောင်းရွှေ့တာဝန်ပေး
6 years ago
NVC ကဒ် လက်ခံရန် ဖိအားပေးခံရမှုကို ငြင်းဆိုသော ကမန်တိုင်းရင်းသားများ စီးပွားရေးပိတ်ဆို့ခံနေရ
7 years ago
ASEAN ထိပ်သီးများ ရိုဟင်ဂျာအရေး ဆွေးနွေး
7 years ago
Drone မှုနဲ့ဖမ်းခံရသူ သတင်းထောက်တွေ မိသားစုနဲ့တွေ့ခွင့်မရသေး
7 years ago
မြန်မာ-ဘင်္ဂလားဒေ့ရှ် သဘောတူညီချက် (၁၀)ချက် လက်မှတ်ရေးထိုး
7 years ago
AA ဒုဗိုလ်မှူးကြီး အပါအ၀င် ၉ ဦးကို ငွေကြေးခ၀ါချမှုနဲ့ အမှုဖွင့်စစ်ဆေး
7 years ago
ဘာသာပေါင်းစုံ ဆုတောင်းပွဲ (ရုပ်သံ)

ဇန်ဝါရီ ၂၊ ၂၀၁၈
M-Media

– အမေရိကန်ပြည်ထောင်စု အာရ်ကန်းနက်စ်ပြည်နယ် ဖို့သ်စမစ်မြို့က ဗလီဝတ်ကျောင်းတော်တစ်လုံးကို လာရောက်စော်ကားသူကို ဒေသတွင်း မွတ်စလင်လူ့အဖွဲ့အစည်းက ခွင့်လွှတ်ကျေအေးပေးခဲ့ပြီး သူ့ရဲ့ အကြွေးတွေကိုလည်း ဆပ်ပေးခဲ့ပါတယ်။

“ဒီအရိပ်မည်းကြီးက သူ့ဘ၀တစ်လျှောက်လုံး လိုက်နေတာမျိုး မဖြစ်သင့်ပါဘူး” လို့ တိုက်ခိုက်ခံရတဲ့ ဗလီဝတ်ကျောင်းရဲ့ ဥက္ကဌ အလ် စလာမ် လူအေ နာဆရီက ပြောကြားခဲ့ပါတယ်။

ဖို့သ်စမစ်မြို့က မတ်စ်ဂျစ် အလ် ဆလာမ်ဗလီကို ၂၀၁၆ ခုနှစ် အောက်တိုဘာလမှာ အေဘရာဟမ် ဒေးဗစ်ဆိုသူက ညဘက် လာရောက်ကာ နံရံမှာ နာဇီတံဆိပ်နဲ့ စော်ကားတဲ့စကားလုံးတွေကို စပရေးနဲ့ ရေးသားခဲ့တာဖြစ်ပါတယ်။

နောက်ပိုင်းမှာ ဗလီဝတ်ကျောင်းတော်ရဲ့ လုံခြုံရေးကင်မရာကနေတစ်ဆင့် ဒေးဗစ်ကို ဖမ်းမိခဲ့ပြီး စွဲချက်တင်ခံခဲ့ရပါတယ်။

“ဒီလူဟာ မကောင်းတာလုပ်ခဲ့ပြီး သူ့ရဲ့ လုပ်ရပ်တွေအတွက် နောက်ဆက်တွဲဆိုးကျိုးတွေ ခံစားရတော့မယ်ဆိုတာ ကျွန်တော်တို့ သိပါတယ်။ ဒါပေမယ့် ဘယ်သူ့အပေါ်ကိုမှ ကျွန်တော်တို့ မကောင်းတဲ့စိတ် မထားပါဘူး” လို့ နာဆရီက ဆိုပါတယ်။

တရားရုံးက ဒေးဗစ်ကို လှုမှုရေးလုပ်ဖို့နဲ့ ဒဏ်ငွေပေးဆောင်ဖို့ အမိန့်ချမှတ်ခဲ့ပြီး ဒဏ်ငွေပမာဏ များပြားတာကြောင့် ဒေးဗစ်တစ်ယောက် ပေးဖို့ အခက်အခဲဖြစ်ခဲ့ပါတယ်။

ဒါ့ကြာင့် မတ်စ်ဂျစ်ဒ် အလ် ဆလာမ်ဗလီ ဥက္ကဌ နာဆရီက ဗလီပြင်ဖို့ ကောက်ခံရရှိထားတဲ့ အလှူငွေကနေ ဒဏ်ငွေကို စိုက်ထုတ်ပေးခဲ့ပါတယ်။

“သူမှာ ငွေရေးကြေးရေး အခက်အခဲရှိတယ်လို့ ကျွန်တော်တို့ ကြားပါတယ်။ ဒဏ်ငွေမပေးနိုင်ရင် ထောင် ၆ နှစ်ကျမှာပါ။ သူ ထောင်ထဲမှာ ၆ နှစ်နေရမှာကို ကျွန်တော်တို့ မလိုချင်ပါဘူး။ အဲဒီနောက် (ငွေကြေးစိုက်ထုတ်ပေးပြီးနောက်) အားလုံး အဆင်ပြေသွားပါတယ်။ သူ ကြပ်ကြပ်တည်းတည်းနဲ့ နေထိုင်ရတာကို ကျွန်တော်တို့ မလိုချင်ပါဘူး။ ပြောခဲ့သလိုပဲ သူ့ကို ပိုကောင်းတဲ့ အနာဂတ် ရစေချင်ပါတယ်” လို့ နာဆရီက ဆိုပါတယ်။

ဒီလိုလုပ်တာဟာ မှန်ကန်တဲ့လုပ်ရပ်ဖြစ်တယ်လို့ ထင်ကြောင်း၊ လူတစ်ယောက်က အမှားလုပ်ပြီးလို့ မှားကြောင်းဝန်ခံမယ်ဆိုရင် မိမိတို့က ခွင့်လွှတ်ရမှာဖြစ်ကြောင်းကိုလည်း သူက ထည့်သွင်း ပြောဆိုခဲ့ပါတယ်။

“(ဗလီနာမည်) အလ်-ဆလာမ်ဆိုတာဟာ ငြိမ်းချမ်းခြင်းလို့ အဓိပ္ပါယ်ရပါတယ်။ ကျွန်တော်တို့အနေနဲ့ ဒီအနှစ်သာရကို ဆက်လက်ထိန်းသိမ်းသွားမှာပါ။ ကျွန်တော်တို့အကြောင်း သိလာမယ်ဆိုရင် ဒါမျိုးတွေ လုပ်မှာမဟုတ်ပါဘူး။ ကျွန်တော်တို့အပေါ် ဘယ်လိုပဲ မကျေမနပ်ဖြစ်ပါစေ၊ ကျွန်တော်တို့ သူ့ကို ကူညီဖို့ ကြိုးစားသွားမှာပါ။ ထိတွေ့ဆက်ဆံမှုဆိုတာ အရေးကြီးတယ်၊ ပညာရေးကလည်း အရေးကြီးပါတယ်”

Ref: Arkanas Matters

Comments are closed.