6 years ago
ရိုဟင်ဂျာ ၇ ဦးကို အိန္ဒိယနိုင်ငံက မြန်မာကို ပထမဆုံးအကြိမ် ပြန်ပို့
6 years ago
ဓာတ်ပြားအဆိုတော် တေးသံရှင် ဒေါ်မာမာဝေ အသက်(၉၃) နှစ် ကွယ်လွန်
6 years ago
ဒုက္ခသည်စခန်းမှ လုပ်အားပေးဆရာမတစ်ဦး ရခိုင်မှ ရန်ကုန်သို့လာစဉ် လဝကဥပဒေဖြင့် အဖမ်းခံရပြီး ထောင်တစ်နှစ်ကျ
6 years ago
ဦးဇော်ဌေး (ခ) မှူးဇော်အား ဌာနပြောင်းရွှေ့တာဝန်ပေး
6 years ago
NVC ကဒ် လက်ခံရန် ဖိအားပေးခံရမှုကို ငြင်းဆိုသော ကမန်တိုင်းရင်းသားများ စီးပွားရေးပိတ်ဆို့ခံနေရ
6 years ago
ASEAN ထိပ်သီးများ ရိုဟင်ဂျာအရေး ဆွေးနွေး
7 years ago
Drone မှုနဲ့ဖမ်းခံရသူ သတင်းထောက်တွေ မိသားစုနဲ့တွေ့ခွင့်မရသေး
7 years ago
မြန်မာ-ဘင်္ဂလားဒေ့ရှ် သဘောတူညီချက် (၁၀)ချက် လက်မှတ်ရေးထိုး
7 years ago
AA ဒုဗိုလ်မှူးကြီး အပါအ၀င် ၉ ဦးကို ငွေကြေးခ၀ါချမှုနဲ့ အမှုဖွင့်စစ်ဆေး
7 years ago
ဘာသာပေါင်းစုံ ဆုတောင်းပွဲ (ရုပ်သံ)

ဧပြီ ၂၆၊ ၂၀၁၈
M-Media

အမေရိကန်လွှတ်တော်တွင် မိန့်ခွန်းပြောနေသည့် မာခရွန်

– အီရန်နဲ့ရရှိထားတဲ့ နျူသဘောတူညီချက်ကို ထိန်းသိမ်းဖို့နဲ့ အမျိုးသားရေးဝါဒကို လက်မခံဖို့ ပြင်သစ်သမ္မတ အီမန်နျူယဲလ်မာခရွန်က အမေရိကန်ကို တိုက်တွန်းလိုက်ပါတယ်။

နိုင်ငံတော်ခရီးစဉ်အဖြစ် အမေရိကန်ကိုရောက်ရှိနေတဲ့ မာခရွန်ဟာ မနေ့က အမေရိကန်လွှတ်တော်မိန့်ခွန်းမှာ ဒီလိုပြောကြားလိုက်တာပါ။

၂၀၁၅ ခုနှစ်က အမေရိကန်အပါအ၀င် အင်အားကြီး ၆ နိုင်ငံနဲ့ အီရန်တို့ လက်မှတ်ရေးထိုးခဲ့တဲ့ သဘောတူညီချက်ကို ထရမ့်က ဆက်ပြီး လက်ခံမလားဆိုတာ မပြောတတ်ဘူးလို့ မာခရွန်ကဆိုပြီး အရှေ့အလယ်ပိုင်းကိစ္စမှာ အရင်အမှားတွေကို အနောက်နိုင်ငံတွေက ထပ်မလုပ်ကြဖို့လည်း သတိပေးခဲ့ပါတယ်။

“ခင်ဗျားတို့သမ္မတ ဘယ်လိုဆုံးဖြတ်မလဲဆိုတာ မသိပေမယ့် ကျွန်တော်ကတော့ သူဟာ ပြည်တွင်းရေးတွေကြောင့် ဒီသဘောတူညီချက်ကနေ ထွက်လိမ့်မယ်လို့ မြင်ပါတယ်”

မာခရွန် အမေရိကန်ကိုလာရောက်မှုမှာ အီရန်နျူကိစ္စက ထိပ်ဆုံးကဖြစ်ပြီး အီရန်ရဲ့ ဒုံးကျည်စီမံကိန်း တိုးတက်လာတာနဲ့ ဒေသတွင်း သြဇာလွှမ်းမိုးလာတာတွေကို ထပ်မံ ကန့်သတ်ဖို့အတွက်လည်း ခေါင်းဆောင်နှစ်ဦးက ဆွေးနွေးခဲ့ကြပါတယ်။

တနေ့က အောက်လွှတ်တော်မိန့်ခွန်းမှာလည်း မာခရွန်က ၂၀၁၅ ခုနှစ် သဘောတူညီချက်ဟာ စိုးရိမ်မှုတွေအားလုံးကို မဖြေရှင်းပေးနိုင်ပေမယ့် ဒီထက်ပိုပြီးကောင်းတဲ့ နည်းလမ်းမျိုး မရှိဘဲနဲ့တော့ ဒီစာချုပ်ကို မဖျက်သိမ်းသင့်ဘူးလို့ ပြောဆိုခဲ့ပါတယ်။

လက်ရှိ နျူသဘောတူညီချက်မှာ ဆက်လက်ပါဝင်မလား၊ မပါဝင်ဘူးလားဆိုတာကို သမ္မတထရမ့်ဟာ မေလ ၁၂ ရက်နေ့ ဆုံးဖြတ်မှာ ဖြစ်ပါတယ်။

တစ်ကိုယ်ကောင်းဝါဒကို သတိပေး

မာခရွန်ဟာ ထရမ့်ရဲ့ အမေရိကန်သည်သာပထမဆိုတဲ့ ၀ါဒကို ဝေဖန်ခဲ့ပြီး၊ လူမျိုးစုံဝါဒကြောင့် အမေရိကန်ဟာ အောင်မြင်လာတာဖြစ်တယ်လို့ ထောက်ပြခဲ့ပါတယ်။

“ဒါ(တံးခါးပိတ်ဝါဒ)ဟာ ကျွန်တော်တို့ရဲ့ စိုးရိမ်ကြောက်ရွံ့မှုတွေကို ခဏတာပြေပျောက်ကောင်း ပြေပျောက်နိုင်ပါတယ်။ ဒါပေမယ့် ဒီလို တံခါးပိတ်လိုက်တာနဲ့ဘဲ ကမ္ဘာကြီးရဲ့ အဆင့်အဆင့် ပြောင်းလဲမှုကို တားဆီးနိုင်မှာ မဟုတ်ပါဘူး။ ဒါဟာ ကျွန်တော်တို့နိုင်ငံသားတွေရဲ့ ကြောက်ရွံ့မှုကို မီးထိုးပေးလိုက်သလိုသာ ဖြစ်ပါတယ်။ ကျွန်တော်တို့ရှေ့မှာရှိနေတဲ့ စိန်ခေါ်မှုအသစ်တွေအတွက် ကျွန်တော်တို့ရဲ့မျက်လုံးကို ကျယ်ကျယ်ဖွင့်ထားဖို့ လိုပါတယ်” လို့ မာခရွန်က ပြောကြားခဲ့ပါတယ်။

Ref: Aljazeera

Tags: , ,

Comments are closed.