တက္ကဆက်ဗလီ မီးရှို့သူကို အမေရိကန်က ထောင် ၂၄ နှစ်ကျော်ချ

အောက်တိုဘာ ၁၈၊ ၂၀၁၈
M-Media

မီးရှို့ခံခဲ့ရသည့် ဗစ်တိုးရီးယား ဗလီဝတ်ကျောင်းတော်

– ပြီးခဲ့တဲ့နှစ်က တက္ကဆက်ပြည်နယ် ဗစ်တိုးရီးယားမြို့က ဗလီဝတ်ကျောင်းတော်ကို မီးရှို့ခဲ့သူတစ်ဦးကို အမေရိကန်တရားရုံးက မနေ့မှာ ထောင်ဒဏ် ၂၅ နှစ်နီးပါး ချမှတ်လိုက်ပါတယ်။

လက်ရှိ အသက် ၂၆ နှစ်အရွယ်ရှိတဲ့ မာ့က် ပီရက်ဇ်ဟာ ၂၀၁၇ ခုနှစ် ဇန်န၀ါရီ ၂၈ ရက်နေ့က ‘ဗစ်တိုးရီးယား အစ္စလာမ့်စင်တာ’ လို့ အမည်ရတဲ့ ဗလီဝတ်ကျောင်းတော်ကို မီးရှို့ခဲ့တာပါ။ တရားသူကြီးတွေက ပီရက်ဇ် အပြစ်ရှိကြောင်း ဇူလိုင်လက ဆုံးဖြတ်ခဲ့ပါတယ်။ မနေ့မှာတော့ ပီရက်ဇ်ကို ထောင် ၂၄ နှစ်နဲ့ ၆ လချမှတ်ခဲ့ပါတယ်။

ခရိုင်တရားသူကြီး ဂျွန် ရိန်နီက အမုန်းဆောင် ရာဇ၀တ်မှုတွေဟာ မိမိတို့လူ့အဖွဲ့အစည်းအတွက် ကင်ဆာဆဲလ်ဖြစ်တယ်လို့ ပြောကြားခဲ့ပြီး တက္ကဆက်ပြည်နယ် တောင်ပိုင်းခရိုင် ရှေ့နေချုပ်ရုံးကလည်း ဒီလိုလုပ်ရပ်ကို သည်းခံမှာ မဟုတ်ဘူးလို့ ဆိုပါတယ်။ အစိုးရရှေ့နေတွေက ပီရက်ဇ်ရဲ့လုပ်ရပ်ဟာ မုန်းတီးမှုကို အခြေခံတယ်ဆိုတာ သိသာထင်ရှားနေတယ်လို့ ပြောကြားခဲ့ပါတယ်။

“ကျူးလွန်သူဟာ မွတ်စလင်လူ့အဖွဲ့အစည်းကို အကြမ်းဖက်ခဲ့တာပါ။ ဒီတိုင်းပြည်ကလူတိုင်းဟာ သူတို့ယုံကြည်ရာကို စိုးရိမ်ကြောင့်ကြမှု မရှိဘဲ ကိုးကွယ်ပိုင်ခွင့် ရှိပါတယ်” လို့ ဒုတိယရှေ့နေချုပ် ဂျွန်ဂိုရီ ထုတ်ပြန်တဲ့ကြေငြာချက်မှာ ဖော်ပြထားပါတယ်။

ပီရက်ဇ် မီးရှို့ခဲ့တဲ့ ဗလီဝတ်ကျောင်းတော်ကို အမေရိကန်နိုင်ငံတစ်ဝှမ်းက ပြည်သူတွေရဲ့ အလှူငွေနဲ့ ပြန်လည် ဆောက်လုပ်ခဲ့ပါတယ်။

ဗလီပြန်ဆောက်ဖို့ သတင်းထွက်လာတဲ့အချိန်မှာ ပီရက်ဇ်က အဲဒီဗလီကို ထပ်ပြီး မီးရှို့မယ်လို့ အခြားလူတစ်ဦးကို ပြောကြားခဲ့တယ်ဆိုတာ ကြားသိရကြောင်း အမေရိကန် တရားရေးဌာနက ပြောကြားခဲ့ပါတယ်။

ပီရက်ဇ်ဟာ ပြီးခဲ့နှစ် ဇန်န၀ါရီလက ဗစ်တိုးရီးယားဗလီကို မီးမရှို့ခင် တစ်ပတ်အလိုမှာ ဗလီထဲကို ၀င်ရောက် ကြည့်ရှုခဲ့ပါတယ်။

Ref: Reuters