6 years ago
ရိုဟင်ဂျာ ၇ ဦးကို အိန္ဒိယနိုင်ငံက မြန်မာကို ပထမဆုံးအကြိမ် ပြန်ပို့
6 years ago
ဓာတ်ပြားအဆိုတော် တေးသံရှင် ဒေါ်မာမာဝေ အသက်(၉၃) နှစ် ကွယ်လွန်
6 years ago
ဒုက္ခသည်စခန်းမှ လုပ်အားပေးဆရာမတစ်ဦး ရခိုင်မှ ရန်ကုန်သို့လာစဉ် လဝကဥပဒေဖြင့် အဖမ်းခံရပြီး ထောင်တစ်နှစ်ကျ
6 years ago
ဦးဇော်ဌေး (ခ) မှူးဇော်အား ဌာနပြောင်းရွှေ့တာဝန်ပေး
6 years ago
NVC ကဒ် လက်ခံရန် ဖိအားပေးခံရမှုကို ငြင်းဆိုသော ကမန်တိုင်းရင်းသားများ စီးပွားရေးပိတ်ဆို့ခံနေရ
7 years ago
ASEAN ထိပ်သီးများ ရိုဟင်ဂျာအရေး ဆွေးနွေး
7 years ago
Drone မှုနဲ့ဖမ်းခံရသူ သတင်းထောက်တွေ မိသားစုနဲ့တွေ့ခွင့်မရသေး
7 years ago
မြန်မာ-ဘင်္ဂလားဒေ့ရှ် သဘောတူညီချက် (၁၀)ချက် လက်မှတ်ရေးထိုး
7 years ago
AA ဒုဗိုလ်မှူးကြီး အပါအ၀င် ၉ ဦးကို ငွေကြေးခ၀ါချမှုနဲ့ အမှုဖွင့်စစ်ဆေး
7 years ago
ဘာသာပေါင်းစုံ ဆုတောင်းပွဲ (ရုပ်သံ)

စက်တင်ဘာ ၂၁၊ ၂၀၁၉
M-Media

ဖောက်ခွဲဖျက်ဆီးခံရပြီးနောက် တွေ့ရသည့် အလ်-နူရီဗလီ

-၂၀၁၇ ခုနှစ်က IS အကြမ်းဖက်အဖွဲ့ရဲ့ ဖောက်ခွဲဖျက်ဆီးမှုကို ခံခဲ့ရတဲ့ မူဆိုးလ်မြို့က သမိုင်းဝင် အလ်-နူရီဗလီဝတ်ကျောင်းတော် ပြန်လည် ပြုပြင်မွမ်းမံရေးမှာ ပါဝင်ကူညီသွားမယ်လို့ ကုလရဲ့ ယဉ်ကျေးမှုနဲ့ သမိုင်းအမွေအနှစ်ဆိုင်ရာအဖွဲ့အစည်း UNESCO က ကြေငြာလိုက်ပါတယ်။

အရှေ့အလယ်ပိုင်းမှာ IS အကြမ်းဖက်အဖွဲ့က ဖျက်ဆီးခဲ့တဲ့ သမိုင်းဝင်နေရာတွေ၊ သာသနိကအဆောက်အအုံတွေကို ပြန်လည် ပြင်ဆင်မွမ်းမံရေး သက်ဆိုင်ရာ အစိုးရအာဏာပိုင်တွေနဲ့ အန်ဂျီအို အဖွဲ့တွေက ပူးပေါင်း ဆောင်ရွက်နေပြီး ကုလကလည်း ကူညီပေးနေတာပါ။

အလ်-နူရီဗလီကို ၁၂ ရာစုက တညဆောက်ခဲ့တာဖြစ်ပြီး စောင်းနေတဲ့ မင်နာရတ်မျှော်စင်ကြောင့်လည်း နာမည်ကျော်ကြားပါတယ်။ IS အကြမ်းဖက်အဖွဲ့က ဗလီကို သူတို့ဆုတ်ခွာစဉ်အချိန် ၂၀၁၇ ခုနှစ် ဇွန်လက ဖောက်ခွဲဖျက်ဆီးခဲ့တာပါ။

ဗလီ ပြန်လည်ပြုပြင်မွမ်းမံရေးလုပ်ငန်းကို အီရတ်အစိုးရက ၂၀၁၈ ခုနှစ်မှာ စတင်ခဲ့တာဖြစ်ပါတယ်။ ယူနက်စကိုက မူဆိုးလ်မြို့မှာရှိတဲ့ ဖျက်ဆီးခံ သမိုင်းအမွေအနှစ်တွေ ပြန်လည် ပြုပြင်မွမ်းမံ ထိန်းသိမ်းရေးအတွက် ကန်ဒေါ်လာ သန်း ၁၀၀ တန် စီမံကိန်းတစ်ခုကို မကြာသေးခင်က ချပြခဲ့ပြီး ‘မူဆိုးလ်မြို့နာမ်ဝိဉာဉ်ကို ပြန်လည်ရှင်သန်စေခြင်း’ လို့ အမည်ပေးထားပါတယ်။

ယူနက်စကိုက ကမကထလုပ်မယ့် အလ်-နူရီဗလီ ပြုပြင်ခြင်းလုပ်ငန်းကို လာမယ့်နှစ် အစောပိုင်းမှာ စတင်မှာဖြစ်ပါတယ်။

“လူတွေပြောကြတဲ့ အာရပ်နွေဦးတော်လှန်ရေးဆိုတာ ကယ်တော့ အာရပ်ကျရှုံးမှုပါ။ အီရတ်၊ ဆီးရီးယားနဲ့ လစ်ဗျားတို့မှာရှိတဲ့ သမိုင်းဝင်နေရာတော်တော်များများ ဖျက်ဆီးဖျောက်ဖျက်ခံလိုက်ရပါတယ်။ ဖျက်ဆီးခံရမှုအတိုင်းအတာက သိပ်ကို ဆိုးရွားပါတယ်။ သမိုင်းအမွေအနှစ်တွေသာမကဘဲ လူ့အဖွဲ့အစည်းနဲ့ ဘာသာရေးမှာပါ အရေးပါတဲ့ အထိမ်းအမှတ်တွေ ဖျက်ဆီးခံလိုက်ရတာပါ” လို့ ဘေရွတ်မြို့အခြေစိုက် ဗိသုကာနှင့် ဒီဇိုင်းဆိုင်ရာ အင်စတီကျု ARCADE ကို တည်ထောင်သူ ဆာမီရ် ဆာဒီက ပြောကြားခဲ့ပါတယ်။

IS အကြမ်းဖက်အဖွဲ့ရဲ့ ဖျက်ဆီးမှုကို ခံခဲ့ရတဲ့ သမိုင်းဝင်အဆောက်အဦးတွေဟာ အလ်-နူရီ ဗလီတစ်လုံးတည်း မဟုတ်ပါဘူး။ ၂၀၁၇ ခုနှစ် ဇန်နဝါရီလကလည်း ဆီးရီးယားက ပါလ်မိုင်ရာမြို့မှာ အေဒီ ၂ ရာစုမှာ တည်ဆောက်ခဲ့တဲ့ ရောမအဆောက်အဦးတစ်ခုပါအ၀င် သမိုင်းဝင် အဆောက်အဦး တော်တော်များများကို ဖျက်ဆီးခဲ့ပါတယ်။

ဆာဒီကတော့ ဒီသမိုင်းဝင်နေရာတွေ၊ အဆောက်အဦးတွေ ပြန်လည်ပြင်ဆင်မွမ်းမံတဲ့ လုပ်ငန်းဟာ ငွေကြေးအကုန်အကျ အလွန်များမှာဖြစ်ပြီး အစွန်းရောက်အုပ်စုတွေရဲ့ တစ်ကျော့ပြန် ပစ်မှတ်ထားမှုကို ခံရနိုင်တယ်လို့ သတိပေးခဲ့ပါတယ်။

ဒီလိုဖျက်ဆီးမှုမျိုး နောက်ထပ်မဖြစ်အောင် ဘယ်လိုလုပ်ရမလဲဆိုတာနဲ့ သမိုင်းဝင် အမွေအနှစ်တွေ၊ ဗိသုကာလက်ရာတွေကို ဘယ်လိုထိန်းသိမ်းရမလဲဆိုတာတွေကို ပြည်သူလူထုထံ အသိပညာပေးတာကလည်း အရှေ့အလယ်ပိုင်းမှာ ကြုံတွေ့ရမယ့် စိန်ခေါ်မှုတွေထဲက တစ်ခု ဖြစ်တယ်လို့ သူက ထည့်သွင်း ပြောဆိုခဲ့ပါတယ်။

Ref : Arab News

Comments are closed.