2 years ago
ရိုဟင္ဂ်ာ ၇ ဦးကို အိႏၵိယႏိုင္ငံက ျမန္မာကို ပထမဆံုးအႀကိမ္ ျပန္ပို႔
2 years ago
ဓာတ္ျပားအဆိုေတာ္ ေတးသံရွင္ ေဒၚမာမာေဝ အသက္(၉၃) ႏွစ္ ကြယ္လြန္
2 years ago
ဒုကၡသည္စခန္းမွ လုပ္အားေပးဆရာမတစ္ဦး ရခိုင္မွ ရန္ကုန္သို႔လာစဥ္ လဝကဥပေဒျဖင့္ အဖမ္းခံရၿပီး ေထာင္တစ္ႏွစ္က်
3 years ago
ဦးေဇာ္ေဌး (ခ) မွဴးေဇာ္အား ဌာနေျပာင္းေရႊ႕တာဝန္ေပး
3 years ago
NVC ကဒ္ လက္ခံရန္ ဖိအားေပးခံရမႈကုိ ျငင္းဆုိေသာ ကမန္တုိင္းရင္းသားမ်ား စီးပြားေရးပိတ္ဆုိ႔ခံေနရ
3 years ago
ASEAN ထိပ္သီးမ်ား ရိုဟင္ဂ်ာအေရး ေဆြးေႏြး
3 years ago
Drone မႈနဲ႕ဖမ္းခံရသူ သတင္းေထာက္ေတြ မိသားစုနဲ႕ေတြ႕ခြင့္မရေသး
3 years ago
ျမန္မာ-ဘဂၤလားေဒ့ရွ္ သေဘာတူညီခ်က္ (၁၀)ခ်က္ လက္မွတ္ေရးထိုး
3 years ago
AA ဒုဗိုလ္မွဴးႀကီး အပါအ၀င္ ၉ ဦးကို ေငြေၾကးခ၀ါခ်မႈနဲ႔ အမႈဖြင့္စစ္ေဆး
3 years ago
ဘာသာေပါင္းစုံ ဆုေတာင္းပြဲ (ရုပ္သံ)

စက်တင်ဘာ ၂၅၊ ၂၀၂၀
M-Media

မြောက်ကိုရီးယားခေါင်းဆောင် ကင်ဂျုံအွန်

-တောင်ကိုရီးယား ငါးလုပ်ငန်းဝန်ကြီးဌာနက တာဝန်ရှိသူတစ်ဦး သတ်ဖြတ်ခံရမှုအတွက် မြောက်ကိုရီးယားခေါင်းဆောင် ကင်ဂျုံအွန်က တောင်ကိုရီးယားသမ္မတ မွန်ဂျယ်အင်ကို တောင်းပန်လိုက်ပါတယ်။

အသက် ၄၇ နှစ်အရွယ် အဲဒီတာဝန်ရှိသူဟာ တနင်္လာနေ့က နှစ်နိုင်ငံ ရေပြင်နယ်စပ်မှာ မြောက်ကိုရီးဖက်ကို ဘက်ပြောင်းဖို့ ကြိုးစားစဉ်အတွင်း ပစ်သတ်ခံလိုက်ရပြီး သူ့ရဲ့ရုပ်အလောင်းကိုလည်း မြောက်ကိုရီးယားစစ်သားတွေက မီးရှို့ ဖျောက်ဖျက်ခဲ့တယ်လို့ တောင်ကိုရီးယားစစ်တပ်က ထုတ်ပြန်ပါတယ်။

ဆယ်စုနှစ်တစ်ခုအတွင်း တောင်ကိုရီးယားသားတစ်ဦးကို မြောက်ကိုရီးယားက ပထမဆုံးအကြိမ် သတ်ဖြတ်ခဲ့တဲ့ ဒီအဖြစ်အပျက်အတွက် တောင်ကိုရီးယားပြည်သူတွေက အကြီးအကျယ် ဒေါသထွက်ခဲ့ပါတယ်။

မြောက်ကိုရီးယားခေါင်းဆောင် ကင်ဂျုံအွန်က ဒီကိစ္စအတွက် တောင်းပန်စာတစ််စောင်ကို တောင်ကိုရီးယားသမ္မတ မွန်ဂျယ်အင်ထံ ပေးပို့ခဲ့ပါတယ်။

စာထဲမှာ ဒီအဖြစ်အပျက် ဖြစ်ပွားခဲ့ကြောင်း ဝန်ခံခဲ့ပြီး အလွန် စိတ်ပျက်ဝမ်းနည်းရပါကြောင်း၊ ဒီလို ရှက်စရာကောင်းတဲ့ကိစ္စမျိုး နောက်ထပ်မဖြအောင် ဆောင်ရွက်သွားမှာဖြစ်ကြောင်း ဖော်ပြထားတယ်လို့ တောင်ကိုရီးယား သမ္မတရုံးက ထုတ်ပြန်ခဲ့ပါတယ်။

တောင်းပန်စာနဲ့အတူ ဒီကိစ္စ စုံစမ်းစစ်ဆေးမှုရလဒ်ကိုလည်း မြောက်ကိုရီးယားက တောင်ကိုရီးယားကို ပေးခဲ့ပါတယ်။

မြောက်ကိုရီးယားရေပြင်ထဲမှာ သက်ကယ်အင်္ကျီဝတ်ထားတဲ့ အမည်မသိသူတစ်ဦးကို စစ်သားတွေက ခပ်ဝေးဝေးကနေ မေးမြန်းစစ်ဆေးခဲ့ပြီး၊ အထက်က ပစ်သတ်ဖို့ အမိန့်ရောက်လာတာကြောင့် သေနတ်နဲ့ ၁၀ ချက်ကျော်ပစ်ခတ်ခဲ့ကြောင်း၊ မည်သူမည်ဝါဖြစ်တယ်ဆိုတာကို မဖော်ထုတ်နိုင်ခဲ့ကြောင်း ဒီရလဒ်မှာ ဖော်ပြထားပါတယ်။

အလောင်းကိုမီးရှို့ဖျောက်ဖျက်ခဲ့တယ်ဆိုတဲ့ တောင်ကိုရီးယားရဲ့ ပြောကြားချက်ကို မြောက်ကိုရီးယားဖက်က ငြင်းဆိုခဲ့ပါတယ်။ စစ်သားတွေရဲ့ ရှာဖွေမှုအတွင်း ရေပိုင်နက်ကျော် ဝင်ရောက်လာသူကို ရှာမတွေ့ခဲ့ကြောင့်၊ သူစီးနင်းလာတဲ့ ရေယာဉ်ကို ရောဂါကာကွယ်ရေး အမျိုးသားအရေးပေါ်အခြေအနေအရ မီးရှို့ခဲ့ကြောင်း မြောက်ကိုရီးယားရဲ့ စုံစမ်းစစ်ဆေးမှု ရလဒ်မှာ ဖော်ပြထားပါတယ်။

ကင်ဂျုံအွန်က တောင်ကိုရီးယားဖက်ကို ဒီလိုတောင်ပန်းမှုဟာ မကြုံစဖူး အခြေအနေမျိုးလည်း ဖြစ်ပါတယ်။

ကိုဗစ်ကပ်ရောဂါ ကူးစက်မှုမရှိစေရေးအတွက် မြောက်ကိုရီးယားဟာ နယ်စပ်ဖြတ်ကျော် ဝင်ရောက်လာသူတွေကို နေရာတင်ပစ်သတ်ဖို့ အမိန့်ထုတ်ထားတယ်လို့ တောင်ကိုရီးယားမှာရှိတဲ့ အမေရိကန်စစ်တပ်က အခုလအစောပိုင်းမှာ ထုတ်ဖော်ပြောဆိုထားပါတယ်။

Ref: BBC

Comments are closed.