2 years ago
ရိုဟင္ဂ်ာ ၇ ဦးကို အိႏၵိယႏိုင္ငံက ျမန္မာကို ပထမဆံုးအႀကိမ္ ျပန္ပို႔
2 years ago
ဓာတ္ျပားအဆိုေတာ္ ေတးသံရွင္ ေဒၚမာမာေဝ အသက္(၉၃) ႏွစ္ ကြယ္လြန္
2 years ago
ဒုကၡသည္စခန္းမွ လုပ္အားေပးဆရာမတစ္ဦး ရခိုင္မွ ရန္ကုန္သို႔လာစဥ္ လဝကဥပေဒျဖင့္ အဖမ္းခံရၿပီး ေထာင္တစ္ႏွစ္က်
3 years ago
ဦးေဇာ္ေဌး (ခ) မွဴးေဇာ္အား ဌာနေျပာင္းေရႊ႕တာဝန္ေပး
3 years ago
NVC ကဒ္ လက္ခံရန္ ဖိအားေပးခံရမႈကုိ ျငင္းဆုိေသာ ကမန္တုိင္းရင္းသားမ်ား စီးပြားေရးပိတ္ဆုိ႔ခံေနရ
3 years ago
ASEAN ထိပ္သီးမ်ား ရိုဟင္ဂ်ာအေရး ေဆြးေႏြး
3 years ago
Drone မႈနဲ႕ဖမ္းခံရသူ သတင္းေထာက္ေတြ မိသားစုနဲ႕ေတြ႕ခြင့္မရေသး
3 years ago
ျမန္မာ-ဘဂၤလားေဒ့ရွ္ သေဘာတူညီခ်က္ (၁၀)ခ်က္ လက္မွတ္ေရးထိုး
3 years ago
AA ဒုဗိုလ္မွဴးႀကီး အပါအ၀င္ ၉ ဦးကို ေငြေၾကးခ၀ါခ်မႈနဲ႔ အမႈဖြင့္စစ္ေဆး
3 years ago
ဘာသာေပါင္းစုံ ဆုေတာင္းပြဲ (ရုပ္သံ)

အောက်တိုဘာ ၆၊ ၂၀၂၀
M-Media

-အမျိုးသမီးအတွင်းခံကြော်ငြာတဲ့ အဖော်အချွတ်ရှိုးပွဲတစ်ခုမှာ အစ္စလာမ့် ဓမ္မစာပေတစ်ခုကို နောက်ခံတီးလုံးအဖြစ် အသုံးပြုခဲ့တဲ့ နာမည်ကျော်အဆိုတော် ရီဟားနားဟာ ပရိတ်သတ်တွေရဲ့ ဝေဖန်မှုကို ခံနေရပါတယ်။

ရီဟားနာဟာ သူမထုတ်လုပ်တဲ့ အမျိုးသမီးအတွင်းခံ (lingerie) ဒီဇိုင်းအသစ်တစ်ခုကို ပြီးခဲ့တဲ့တစ်ပတ် သောကြာနေ့မှာ မိတ်ဆက်ခဲ့ပြီး ဒီဇိုင်းအတွက် ဖက်ရှင်ရှိုးပွဲ ဗီဒီယိုတစ်ခုကိုလည်း ထုတ်လွှင့်ခဲ့ပါတယ်။

အဲဒီရှိုးပွဲရဲ့ နောက်ခံတီးလုံးမှာ Doom လို့အမည်ရတဲ့ သံစဉ်တစ်ခုကို အသုံးပြုထားပြီး သံစဉ်ထဲမှာ ကူဝိတ် တရားဟောဆရာ မစ်ရှာရီ ဘင် ရာရှစ် အလာဖာဆီ ရွတ်ဆိုထားတဲ့ တမန်တော်မိုဟာမက်ရဲ့ ဩဝါဒတော်တစ်ခု ပါဝင်နေတာ ဖြစ်ပါတယ်။

ဒါကို ပရိတ်သတ်တွေက သိရှိသွားပြီးတဲ့နောက် လိင်အသာပေးတဲ့ ရှိုးပွဲမှာ ဘာသာတစ်ခုရဲ့ ဓမ္မစာပေကို အသုံးပြုတာဟာ မလေးမစားလုပ်ရာရောက်တယ်ဆိုပြီး ရီဟားနားအပေါ် ဝေဖန်မှုတွေ ရှိလာပါတယ်။

Doom သံစဉ်ကို လန်ဒန်အခြေစိုက် ဂီတပညာရှင် Coucou Chloe က ဖန်တီးထားတာဖြစ်ပြီး ဝေဖန်မှုတွေ ပေါ်လာပြီးတဲ့နောက်မှာ သူက Twitter စာမျက်နှာကနေ ပြန်လည်တောင်းပန်ခဲ့ပါတယ်။

“ကျွန်ရဲ့ Doom သံစဉ်မှာ အသုံးပြုထားတဲ့ အသံတစ်ခုအတွက် စိတ်ထိခိုက်စရာဖြစ်​စေတယ်ဆိုရင် ကျွန်မ တောင်းပန်ပါတယ်။ အွန်လိုင်းမှာတွေ့တဲ့ Baile Funk သံစဉ်ကို အသုံးပြုပြီး ဖန်တီးထားတာပါ။ အစ္စလာမ်ဓမ္မစာပေ သုံးထားတယ်ဆိုတာ ကျွန်မ အဲဒီတုန်းက မသိလိုက်ပါဘူး”

သေသေချာချာ မလေ့လာမစူးစမ်းဘဲနဲ့ အသုံးပြုမိတဲ့အတွက် မိမိမှာသာလျှင် တာဝန်ရှိကြောင်း၊ ရှင်းလင်းပြောပြပေးတဲ့သူတွေကို ကျေးဇူးတင်ပြီး အွန်လိုင်းပလက်ဖောင်းအားလုံးကနေ ဒီသံစဉ်ကို ဖယ်ရှားဖို့ စီစဉ်နေကြောင်းလည်း Coucou Chloe က ထည့်သွင်းရေးသားခဲ့ပါတယ်။

အသက် ၃၂ နှစ်အရွယ် အဆိုတော်ရီဟားနားဟာ မတူကွဲပြားမှုတွေကို လက်ခံအလေးထားတဲ့နေရာမှာ ချီးကျူးခံထားရသလို၊ လုပ်ရပ်တစ်ချို့အတွက်လည်း ဝေဖန်ခံရသူတစ်ဦး ဖြစ်ပါတယ်။

၂၀၁၇ ခုနှစ် Fenty Beauty အလှကုန်မိတ်ဆက်ပွဲမှာ ဟီဂျဘ်ခေါင်းဆောင်ပုဝါဝတ် မော်ဒယ်တစ်ဦးကို ရီဟာနားက ထည့်သွင်းပေးခဲ့ပြီး၊ ပြီးခဲ့တဲ့နှစ် Fenty ရဲ့ နေကာမျက်မှတ် မိတ်ဆက်ပွဲမှာလည်း ဟီဂျဘ်ဝတ် မော်ဒယ်တစ်ဦးကို ထည့်သွင်းအသုံးပြုခဲ့ပါတယ်။

၂၀၁၃ ခုနှစ် ယူအေအီးခရီးစဉ်မှာ အဘူဒါဘီက ရှိခ်ဇေယဒ်ဂျာမေဗလီကို သွားရောက်လည်ပတ်စဉ်အတွင်း ဗလီပရုဝုဏ်အတွင်း မသင့်လျော်တဲ့ ကိုယ်နေဟန်ထားတဲ့ ဓာတ်ပုံရိုက်ခဲ့မှုကြောင့် လုံခြုံရေးတွေက ဗလီအတွင်းထဲ ဝင်ရောက်ခွင့် မပေးခဲ့ပါဘူး။

Ref: Middle East Eyes

Comments are closed.