6 years ago
ရိုဟင္ဂ်ာ ၇ ဦးကို အိႏၵိယႏိုင္ငံက ျမန္မာကို ပထမဆံုးအႀကိမ္ ျပန္ပို႔
6 years ago
ဓာတ္ျပားအဆိုေတာ္ ေတးသံရွင္ ေဒၚမာမာေဝ အသက္(၉၃) ႏွစ္ ကြယ္လြန္
6 years ago
ဒုကၡသည္စခန္းမွ လုပ္အားေပးဆရာမတစ္ဦး ရခိုင္မွ ရန္ကုန္သို႔လာစဥ္ လဝကဥပေဒျဖင့္ အဖမ္းခံရၿပီး ေထာင္တစ္ႏွစ္က်
6 years ago
ဦးေဇာ္ေဌး (ခ) မွဴးေဇာ္အား ဌာနေျပာင္းေရႊ႕တာဝန္ေပး
6 years ago
NVC ကဒ္ လက္ခံရန္ ဖိအားေပးခံရမႈကုိ ျငင္းဆုိေသာ ကမန္တုိင္းရင္းသားမ်ား စီးပြားေရးပိတ္ဆုိ႔ခံေနရ
6 years ago
ASEAN ထိပ္သီးမ်ား ရိုဟင္ဂ်ာအေရး ေဆြးေႏြး
7 years ago
Drone မႈနဲ႕ဖမ္းခံရသူ သတင္းေထာက္ေတြ မိသားစုနဲ႕ေတြ႕ခြင့္မရေသး
7 years ago
ျမန္မာ-ဘဂၤလားေဒ့ရွ္ သေဘာတူညီခ်က္ (၁၀)ခ်က္ လက္မွတ္ေရးထိုး
7 years ago
AA ဒုဗိုလ္မွဴးႀကီး အပါအ၀င္ ၉ ဦးကို ေငြေၾကးခ၀ါခ်မႈနဲ႔ အမႈဖြင့္စစ္ေဆး
7 years ago
ဘာသာေပါင္းစုံ ဆုေတာင္းပြဲ (ရုပ္သံ)

ဇန်နဝါရီ ၈၊ ၂၀၂၂
M-Media

-မြန်မာနိုင်ငံမှာ တိုင်းရင်းသားလက်နက်ကိုင်တွေနဲ့ အပစ်ရပ်ရေး သက်တမ်းထပ်တိုးဖို့ အပြည့်အ၀ ထောက်ခံပြီး၊ သက်ဆိုင်သူတွေအားလုံး မပူးပေါင်း မပါဝင်ရင် ငြိမ်းချမ်းရေးနဲ့ အမျိုးသားရင်ကြားစေ့ရေး ရမှာမဟုတ်ဘူးလို့ ကမ္ဘောဒီးယားဝန်ကြီးချုပ် ဟွန်ဆန်က ပြောကြားလိုက်ပါတယ်။

ဟွန်ဆန်ဟာ ၂ ရက်ကြာ ခရီးစဉ်အဖြစ် မြန်မာနိုင်ငံကို သောကြာနေ့က ရောက်ရှိနေတာဖြစ်ပြီး အာဏာသိမ်းစစ်ခေါင်းဆောင် ဗိုလ်ချုပ်မှူးကြီး မင်းအောင်လှိုင်နဲ့ တွေ့ဆုံခဲ့ပါတယ်။

အာဏာသိမ်းစစ်ခေါင်းဆောင်က သူတို့အစိုးရဟာ တိုင်းရင်းသား လက်နက်ကိုင်တွေနဲ့ ၂၀၂၂ ခုနှစ် ဖေဖော်ဝါရီလအထိ ၅ လ ကြာအပစ်ရပ်ရေး ကြေငြာထားကာ နှစ်ကုန်အထိ တိုးမြှင့်ဖို့ စီစဉ်ထားကြောင်း ပြောခဲ့တယ်လို့ ပူးတွဲကြေငြာချက်မှာ ဖော်ပြထားပါတယ်။

ဟွန်ဆန်က စစ်ကောင်စီရဲ့ ဒီအစီအစဥ်ကို အပြည့်အ၀ထောက်ခံပြီး ကမ္ဘောဒီးယားမှာ​ အမျိုးသားရင်ကြားစေ့ရေး၊ ငြိမ်းချမ်းရေး၊ တည်ငြိမ်အေးချမ်းရေး၊ ဖွံ့ဖြိုးတိုးတက်မှု ရအောင် လုပ်ဆောင်ခဲ့တယ်လို့ဆိုတဲ့ မူဝါဒကို မြန်မာစစ်ခေါင်းဆောင်ထံ မျှဝေခဲ့ပါတယ်။

ကမ္ဘောဒီးယားနိုင်ငံခြားရေးဝန်ကြီး ပရက်ဆိုခွန်ကို မြန်မာနိုင်ငံဆိုင်ရာ အာဆီယံ အထူးကိုယ်စားလှယ်အဖြစ် ခန့်ထားကြောင်း ဟွန်ဆန်က ဗိုလ်ချုပ်မှူးကြီးမင်းအောင်လှိုင်ကို ပြောခဲ့သလို၊ အထူးကိုယ်စားလှယ် လာရောက်ရင် တိုင်းရင်းသားလက်နက်ကိုင်တွေ၊ အခြားသက်ဆိုင်သူတွေနဲ့ ပေးတွေ့မယ်လို့ ​ဗိုလ်ချုပ်မှူးကြီးက ကတိပေးခဲ့ပါတယ်။

ဟွန်ဆန်ဟာ နှာခေါင်းစည်း၊ PPE ဝတ်စုံတွေ၊ အသက်ရှူစက်တွေအပါအဝင် ကိုဗစ်ကုသရေး လိုအပ်တဲ့ ကျန်းမာရေးဆိုင်ရာ ပစ္စည်းတွေကို လှူဒါန်းခဲ့ပြီး မြန်မာစစ်ခေါင်း​ဆောင်ကလည်း ကျေးဇူးတင်တယ်လို့ ပြောကြားခဲ့ပါတယ်။

ကမ္ဘောဒီးယားဝန်ကြီးချုပ် ဟွန်ဆန်ဟာ အာဏာကို နှစ်ပေါင်း ၃၀ ကျော် ချုပ်ကိုင်ထားသူတစ်ယောက်ဖြစ်ပြီး အတိုက်အခံတွေကိုလည်း ပြင်းပြင်းထန်ထန်နှိပ်ကွပ်မှုကြောင့် နိုင်ငံတကာအသိုင်းအ၀ိုင်းရဲ့ ဝေဖန်မှုကို ခံနေရသူ ဖြစ်ပါတယ်။

လက်ရှိမှာတော့ ဟွန်ဆန်ဟာ သားဖြစ်သူကို့ သူ့နေရာဆက်ခံဖို့ စီစဉ်ထားပါတယ်။

Comments are closed.