5 years ago
ရိုဟင္ဂ်ာ ၇ ဦးကို အိႏၵိယႏိုင္ငံက ျမန္မာကို ပထမဆံုးအႀကိမ္ ျပန္ပို႔
6 years ago
ဓာတ္ျပားအဆိုေတာ္ ေတးသံရွင္ ေဒၚမာမာေဝ အသက္(၉၃) ႏွစ္ ကြယ္လြန္
6 years ago
ဒုကၡသည္စခန္းမွ လုပ္အားေပးဆရာမတစ္ဦး ရခိုင္မွ ရန္ကုန္သို႔လာစဥ္ လဝကဥပေဒျဖင့္ အဖမ္းခံရၿပီး ေထာင္တစ္ႏွစ္က်
6 years ago
ဦးေဇာ္ေဌး (ခ) မွဴးေဇာ္အား ဌာနေျပာင္းေရႊ႕တာဝန္ေပး
6 years ago
NVC ကဒ္ လက္ခံရန္ ဖိအားေပးခံရမႈကုိ ျငင္းဆုိေသာ ကမန္တုိင္းရင္းသားမ်ား စီးပြားေရးပိတ္ဆုိ႔ခံေနရ
6 years ago
ASEAN ထိပ္သီးမ်ား ရိုဟင္ဂ်ာအေရး ေဆြးေႏြး
6 years ago
Drone မႈနဲ႕ဖမ္းခံရသူ သတင္းေထာက္ေတြ မိသားစုနဲ႕ေတြ႕ခြင့္မရေသး
6 years ago
ျမန္မာ-ဘဂၤလားေဒ့ရွ္ သေဘာတူညီခ်က္ (၁၀)ခ်က္ လက္မွတ္ေရးထိုး
6 years ago
AA ဒုဗိုလ္မွဴးႀကီး အပါအ၀င္ ၉ ဦးကို ေငြေၾကးခ၀ါခ်မႈနဲ႔ အမႈဖြင့္စစ္ေဆး
6 years ago
ဘာသာေပါင္းစုံ ဆုေတာင္းပြဲ (ရုပ္သံ)

ဖေဖော်ဝါရီ ၂၂၊ ၂၀၂၂
M-Media

-ဆရာဝန်ဟန်ဆောင်ကာ နှစ်ပေါင်း ၂၀ အတွင်း နိုင်ငံတစ်ဝှမ်းက အမျိုးသမီး အနည်းဆုံး ၂၇ ယောက်ကို လိမ်ညာယူခဲ့တဲ့ အိန္ဒိယက အမျိုးသားတစ်ဦး ဖမ်းဆီးခံလိုက်ရပါတယ်။

ဘစ်ဟူ ပရာကရှ် ဆွာအင်လို့ အမည်ရတဲ့ အဲဒီအမျိုးသားဟာ အရပ် ၅ ပေ ၂ လက်မ ရှိပြီး နိုင်ငံအရှေ့ပိုင်း အိုဒီရှာ ပြည်နယ်ကပါ။

ရဲတပ်ဖွဲ့က ပရာကရှ်ဟာ သူ့ကိုယ်သူ ဆရာဝန်လို့ လိမ်လည်ပြီး အနည်းဆုံး အမျိုးသမီး ၁၈ ယောက်ကို လက်ထပ်ထားတယ်ဆိုတဲ့ အထောက်အထားတွေကို တွေ့ရကာ၊ ငွေကြေးရယူလိုမှုနဲ့ ဆန္ဒရမက်ကြောင့် ဒီလို လုပ်ဆောင်တာဖြစ်ကြောင်း ထုတ်​ပြန်ပါတယ်။

အိန္ဒိယ ပြည်တွင်းမီဒီယာတွေက အသက် ၆၇ နှစ်အရွယ် ပရာကရှ်ဟာ အနည်းဆုံး အမျိုးသမီး ၂၇ ဦးကို လိမ်ညာယူခဲ့တယ်လို့ ဖော်ပြပါတယ်။

အွန်လိုင်းမှာ အသက် ၅၁ နှစ်အရွယ် ဆရာဝန်ဖြစ်တယ်လို့ ဟန်ဆောင်ကာ ပရာကရှ်တစ်ယောက် သားကောင်ရှာခဲ့ပြီး အသက် ၄၀ ကျော်အရွယ် ငွေကြေးချမ်းသာ၊ ပညာတတ်တဲ့ အပျိုကြီးတွေ၊ တစ်ခုလပ်၊ မုဆိုးမတွေကို ပစ်မှတ်ထားခဲ့တာ ဖြစ်ပါတယ်။

နိုင်ငံတစ်ဝှမ်း လှည့်လည်နေထိုင်ကာ စာရွက်စာတမ်းအတုတွေလုပ်ပြီး အမျိုးသမီးတွေကို လှည့်ဖျားလက်ထပ်တဲ့ ပရာကက်ရှ်ဟာ မင်္ဂလာဆောင်ပြီးတဲ့နောက် အဲဒီအမျိုးသမီးဆီကနေ ငွေကြေး၊ပစ္စည်းဥစ္စာကို တစ်နည်းမဟုတ်နည်းနဲ့ လိမ်လည်ရယူခဲ့ပါတယ်။

အသက် ၄၈ နှစ်အရွယ် ဇနီးတစ်ဦးက ပရာကက်ရှ်ဟာ အနည်းဆုံး အမျိုးသမီး ၇ ယောက်လောက်ကို လက်ထပ်ထားတယ်ဆိုတာ မထင်မှတ်ဘဲ တွေ့ရှိကာ တိုင်ကြားခဲ့ပြီးတဲ့နောက် ၂၀၂၁ ခုနှစ် မေလမှာ ရဲတပ်ဖွဲ့ စုံစမ်းစစ်ဆေးမှုတွေ ပြုလုပ်ခဲ့တာဖြစ်ပါတယ်။

ပရာကရှ်ဟာ ဘဏ်အကောင့် ၁၃ ခု၊ အကြွေးဝယ်ကဒ် ၁၂၈ ခုနဲ့ ရူပီး ၁၀ သန်းလောက်ကို လိမ်လည်ခဲ့တာကိုလည်း ရဲတပ်ဖွဲ့က တွေ့ရှိခဲ့ပါတယ်။ လိမ်လည်မှုယုတ္တိရှိအောင် ဆေးဘက်ဆိုင်ရာ ဓာတ်ခွဲခန်းတွေကိုလည်း သူက ဖွင့်ထားပြီး အဲဒီမှာအလုပ်လုပ်တဲ့ ဆရာဝန်တွေ၊ အခြားဝန်ထမ်းတွေကို လနဲ့ချီ လခမပေးတာမျိုးတွေလည်း ရှိခဲ့ပါတယ်။

သူလက်ထပ်ထားတဲ့ အမျိုးသမီးတွေရဲ့ ဖုန်းနံပါတ်တွေကို Madam Delhi၊ Madam Assam၊ Madam UP စသဖြင့် သူယူခဲ့တဲ့ ဒေသအလိုက် နာမည်ပေးပြီး ဖုန်းထဲမှာ မှတ်ထားတာကိုလည်း စုံစမ်းစစ်ဆေးမှုမှာ တွေ့ခဲ့ရပါတယ်။

အိုဒီရှာပြည်နယ်က ရွာငယ်လေးတစ်ရွာမှာ မွေးဖွားခဲ့တဲ့ ပရာကရှ်ဟာ ၁၉၇၈ ခုနှစ်မှာ ပထမဆုံးအကြိမ် လက်ထပ်ခဲ့ပြီး သားသမီးသုံးဦး ထွန်းကားကာ ၂ ဦးက ဆရာဝန်၊ တစ်ဦးက သွားဆရာဝန်ဖြစ်ပါတယ်။ ဓာတ်ခွဲခန်း ကျွမ်းကျင်သူအဖြစ် လုပ်ခဲ့ပြီး ၂၀၀၂ ခုမှာ ဆရာဝန်အမျိုးသမီးတစ်ဦးနဲ့ ဒုတိယအိမ်ထောင် ပြုခဲ့ပါတယ်။

အဲဒီနောက်ပိုင်း အမျိုးသမီးအများအပြားကို လှည့်စားလက်ထပ်ခဲ့တာ ဖြစ်ပါတယ်။

ရဲတပ်ဖွဲ့က ဒီလိမ်လည်မှုဟာ ပရာကရှ်တစ်ယောက်တည်းက လုပ်ဆောင်တာ မဟုတ်နိုင်ဘူးလို့ ယူဆထားပြီး ပါဝင်ပတ်သက်သူတွေကို လိုက်လံရှာဖွေနေပါတယ်။

Ref : The Hindustan Times

Tags:

Comments are closed.