6 years ago
ရိုဟင္ဂ်ာ ၇ ဦးကို အိႏၵိယႏိုင္ငံက ျမန္မာကို ပထမဆံုးအႀကိမ္ ျပန္ပို႔
6 years ago
ဓာတ္ျပားအဆိုေတာ္ ေတးသံရွင္ ေဒၚမာမာေဝ အသက္(၉၃) ႏွစ္ ကြယ္လြန္
6 years ago
ဒုကၡသည္စခန္းမွ လုပ္အားေပးဆရာမတစ္ဦး ရခိုင္မွ ရန္ကုန္သို႔လာစဥ္ လဝကဥပေဒျဖင့္ အဖမ္းခံရၿပီး ေထာင္တစ္ႏွစ္က်
6 years ago
ဦးေဇာ္ေဌး (ခ) မွဴးေဇာ္အား ဌာနေျပာင္းေရႊ႕တာဝန္ေပး
6 years ago
NVC ကဒ္ လက္ခံရန္ ဖိအားေပးခံရမႈကုိ ျငင္းဆုိေသာ ကမန္တုိင္းရင္းသားမ်ား စီးပြားေရးပိတ္ဆုိ႔ခံေနရ
7 years ago
ASEAN ထိပ္သီးမ်ား ရိုဟင္ဂ်ာအေရး ေဆြးေႏြး
7 years ago
Drone မႈနဲ႕ဖမ္းခံရသူ သတင္းေထာက္ေတြ မိသားစုနဲ႕ေတြ႕ခြင့္မရေသး
7 years ago
ျမန္မာ-ဘဂၤလားေဒ့ရွ္ သေဘာတူညီခ်က္ (၁၀)ခ်က္ လက္မွတ္ေရးထိုး
7 years ago
AA ဒုဗိုလ္မွဴးႀကီး အပါအ၀င္ ၉ ဦးကို ေငြေၾကးခ၀ါခ်မႈနဲ႔ အမႈဖြင့္စစ္ေဆး
7 years ago
ဘာသာေပါင္းစုံ ဆုေတာင္းပြဲ (ရုပ္သံ)

ဖေဖော်၀ါရီ ၂၃၊ ၂၀၂၂
M-Media

-အိန္ဒိယနိုင်ငံတောင်ပိုင်း ကာနာတာကာပြည်နယ်က မွတ်စလင်ကျောင်းသူတွေ ပု၀ါမဆောင်းရဆိုတဲ့ကိစ္စ ကိုင်တွယ်တဲ့ တရားသူကြီးကို ၀ေဖန်မှုအတွက် အိန္ဒိယ ရုပ်ရှင်မင်းသားနဲ့ တက်ကြွလှုပ်ရှားသူ ချီတန်ကူးမားတစ်ယောက် အဖမ်းခံလိုက်ရပါတယ်။

စာသင်ကျောင်းတွေမှာ မွတ်စလင်ကျောင်းသူတွေ ပု၀ါမဆောင်းရဆိုတဲ့ ပြည်နယ်အစိုးရရဲ့အမိန့်ဟာ ဖွဲ့စည်းပုံအခြေခံဥပဒေနဲ့ ဆန့်ကျင်တဲ့အတွက် ဖျက်သိမ်းပေးဖို့ တရားရုံးဦးတိုက်လျှောက်ထားမှုကို တရားသူကြီး ခရရှ်နား ဒီဇစ်က ကိုင်တွယ်နေတာပါ။

ဒီဇစ်ဟာ ၂၀၂၀ ခုနှစ်က အဓမ္မကျင့်မှုတစ်ခုကို ကိုင်တွယ်ရာမှာ ကျူးလွန်ခံရသူ အမျိုးသမီးနဲ့ပတ်သက်ပြီး အငြင်းပွားဖွယ်မှတ်ချက် ပေးခဲ့မှုအတွက် ၀ေဖန်ပြစ်တင်မှုကို အကြီးအကျယ် ခံခဲ့ရသူပါ။ ကျူးလွန်ခံရသူ အမျိုးသမီးရဲ့ ထွက်ဆိုချက်ဟာ ယုံကြည်ရခက်ပြီး မဖြစ်နိုင်ဘူးလို့ဆိုကာ စွပ်စွဲခံရသူကို ဒီဇင်က အာမခံပေးခဲ့တာ ဖြစ်ပါတယ်။

ဖေဖော်၀ါရီ ၁၆ ရက်နေ့က Twitter ပို့စ်မှာ ကူးမားက အဓမ္မ ကျင့်မှုကိစ္စမှာ စိတ်ပျက်စရာမှတ်ချက်ပေးခဲ့တဲ့ တရားသူကြီး ဒီဇစ်ဟာ ကာနာတာကာပြည်နယ်က ထိလွယ်ရှလွယ်တဲ့ မွတ်စလင်အမျိုးသမီးတွေကိစ္စ ကိုယ်တွယ်ဖို့ အရည်အချင်းရှိရဲ့လားဆိုပြီး မေးခွန်းထုတ်ခဲ့တာ ဖြစ်ပါတယ်။

ဒီပို့စ်အတွက် ဘန်ဂလောမြို့ ရဲတပ်ဖွဲ့က ကူးမားကို လူ့အဖွဲ့အစည်း ဒေါသထွက်အောင် လှုံ့ဆော်မှု၊ ငြိမ်းချမ်းမှု ပျက်ပြားအောင် စော်ကားပြောဆိုမှု စွဲချက်တွေနဲ့ တရားစွဲကာ ဖမ်းဆီးခဲ့တာ ဖြစ်ပါတယ်။ တရားရုံးတင်မယ်လို့ ရဲတပ်ဖွဲ့ရဲ့ ထုတ်ပြန်ချက်မှာ ဖော်ပြထားပေမယ့် အသေးစိတ်ကို ထုတ်ပြန်ခြင်း မရှိပါဘူး။

ကူးမားရဲ့ ဇနီးသည်က သူ့ယောကျ်ားဟာ ရုတ်တရက် နေအိမ်ကနေပျောက်ဆုံးသွားခဲ့ပြီး ဖုန်းဆက်သွယ်မှုလည်း မရတော့ဘဲ နောက်ပိုင်းကျမှ ဖမ်းဆီးခံရတာကို သိရကြောင်း Facebook စာမျက်နှာကနေ Live လွှင့်ပြောဆိုခဲ့ပါတယ်။

အမေရိကန်နိုင်ငံသားဖြစ်တဲ့ ကူးမားဟာ ဟိန္ဒူဇာတ်နိမ့် (ဒါလစ်) မျိုးနွယ်ကဖြစ်ပြီး အိန္ဒိယမှာ ဇာတ်နိမ့်၊ ဇာတ်မြင့် ခွဲခြားမှု၊ လူနည်းစုတွေအပေါ် ဖိနှိပ်မှု တိုက်ဖျက်ရေး လုပ်ဆောင်နေတဲ့ တက်ကြွလှုပ်ရှားသူတစ်ဦး ဖြစ်ပါတယ်။ ချို့တဲ့သူ ကူညီရေးလုပ်ငန်း လုပ်ဆောင်တဲ့အတွက် ကူမားဟာ ပစ်မှတ်ထားတိုက်ခိုက်ခံရလေ့ ရှိပါတယ်။

ဟိန္ဒူလူ့အဖွဲ့အစည်းမှာ ဇာတ်အမြင့်ဆုံးဖြစ်တဲ့ ‘ဘရာမင်’ တွေကို ၀ေဖန်မှုအတွက် ရဲတပ်ဖွဲ့က ကူးမားကို အမှု ၂ ခု ဖွင့်ထားပါတယ်။

ကူးမား အခုလို ဖမ်းဆီးခံရမှုအတွက် အိန္ဒိယမှာရှိတဲ့ တက်ကြွလှုပ်ရှားသူတွေ၊ ဂျာနယ်လစ်တွေ ရှေ့နေတွေနဲ့ အိန္ဒိယလူ့အဖွဲ့အစည်းက ရဲတပ်ဖွဲ့နဲ့ အစိုးရအပေါ် ၀ေဖန်ပြစ်တင်မှုတွေ လုပ်ဆောင်ခဲ့ပါတယ်။

အိန္ဒိယမှာ တရားရေးဌာန ၀န်ထမ်းတွေကို ၀ေဖန်ပြောဆိုသူတွေ ဖမ်းဆီးထောင်ချခံရတဲ့ ဖြစ်စဥ်တွေ အရင်ကလည်း အများအပြား ရှိခဲ့ပါတယ်။
Ref: BBC

Tags:

Comments are closed.