မကြာခင် ရေနံလောင်းခံရတော့မယ့် မန်ချက်စတာ ယူနိုက်တက်

ဇွန် ၁၄၊ ၂၀၂၃

M-Media 

-မန်ချက်စတာ ယူနိုက်တက်အသင်းကို ၀ယ်ယူရေး ကမ်းလှမ်းမှုတွေထဲမှာ ကာတာဘီလီယံနာ ရှိခ် ဂျာဆင် ဘင် ဟာမဒ် အလ်-သာနီက အနိုင်ရသွားတယ်လို့ ဆိုပါတယ်။ 

ရှိခ် ဂျာဆင်နဲ့ နီးစပ်တဲ့ ကာတာမီဒီယာ အလ်-၀သန် က ဒီသတင်းကို အင်္ဂါနေ့မှာ ဖော်ပြခဲ့တာပါ။ သက်ဆိုင်သူတွေက မကြာခင် လူသိရှင်ကြား ထုတ်ပြန်လိမ့်မယ်လို့လည်း ဆိုပါတယ်။ 

မန်ယူအသင်းဖက်ကရော၊ ရှိခ် ဂျာဆင်ကိုယ်တိုင်ကပါ ဒီကိစ္စကို ပြောကြားခြင်း မရှိသေးပါဘူး။ 

ဒီသတင်းထွက်လာပြီးနောက်ပိုင်း မန်ယူအသင်းရဲ့ ရှယ်ယာတန်ဖိုးဟာ ၁၁ ရာခိုင်နှုန်းလောက်အထိ တက်သွားပါတယ်။ 

မန်ယူရဲ့ လက်ရှိပိုင်ရှင် ဂလေဇာမိသားစုဟာ ပြီးခဲ့တဲ့နှစ် နို၀င်ဘာကတည်းက အသင်းကိုရောင်းဖို့ စီစဥ်ခဲ့တာပါ။ ရှိခ်ဂျာဆင်က ကန်ဒေါ်လာ ၆ ဒဿမ ၃ ဘီလီယံနဲ့ အပြတ်၀ယ်ယူဖို့ ကမ်းလှမ်းခဲ့ပြီး ဗြိတိန်လုပ်ငန်းရှင် ရက်ကလစ်ဖ်က ရှယ်ယာ ၆၀ ရာခိုင်နှုန်းကို ၀ယ်ဖို့ အဆိုပြုခဲ့ပါတယ်။ 

Ref: CNBC