6 years ago
ရိုဟင္ဂ်ာ ၇ ဦးကို အိႏၵိယႏိုင္ငံက ျမန္မာကို ပထမဆံုးအႀကိမ္ ျပန္ပို႔
6 years ago
ဓာတ္ျပားအဆိုေတာ္ ေတးသံရွင္ ေဒၚမာမာေဝ အသက္(၉၃) ႏွစ္ ကြယ္လြန္
6 years ago
ဒုကၡသည္စခန္းမွ လုပ္အားေပးဆရာမတစ္ဦး ရခိုင္မွ ရန္ကုန္သို႔လာစဥ္ လဝကဥပေဒျဖင့္ အဖမ္းခံရၿပီး ေထာင္တစ္ႏွစ္က်
6 years ago
ဦးေဇာ္ေဌး (ခ) မွဴးေဇာ္အား ဌာနေျပာင္းေရႊ႕တာဝန္ေပး
6 years ago
NVC ကဒ္ လက္ခံရန္ ဖိအားေပးခံရမႈကုိ ျငင္းဆုိေသာ ကမန္တုိင္းရင္းသားမ်ား စီးပြားေရးပိတ္ဆုိ႔ခံေနရ
7 years ago
ASEAN ထိပ္သီးမ်ား ရိုဟင္ဂ်ာအေရး ေဆြးေႏြး
7 years ago
Drone မႈနဲ႕ဖမ္းခံရသူ သတင္းေထာက္ေတြ မိသားစုနဲ႕ေတြ႕ခြင့္မရေသး
7 years ago
ျမန္မာ-ဘဂၤလားေဒ့ရွ္ သေဘာတူညီခ်က္ (၁၀)ခ်က္ လက္မွတ္ေရးထိုး
7 years ago
AA ဒုဗိုလ္မွဴးႀကီး အပါအ၀င္ ၉ ဦးကို ေငြေၾကးခ၀ါခ်မႈနဲ႔ အမႈဖြင့္စစ္ေဆး
7 years ago
ဘာသာေပါင္းစုံ ဆုေတာင္းပြဲ (ရုပ္သံ)

ဖေဖော်၀ါရီ ၁၆၊ ၂၀၂၄

M-Media 

(ဓာတ်ပုံ – ပရာဘို၀ိုနှင့် ဂျီဘရန်)

-ဖေဖော်၀ါရီ ၁၄ ရက်နေ့က အင်ဒိုနီးရှားနိုင်ငံမှာ ကျင်းပပြုလုပ်ခဲ့တဲ့ အထွေထွေရွေးကောက်ပွဲ ကနဦးရလဒ်တွေ ပေါ်ထွက်လာခဲ့ပြီး သမ္မတလောင်း ပရာဘို၀ို ဆူဘီယန်တိုက သူအနိုင်ရရှိတယ်လို့ ထုတ်ပြောလာပါတယ်။ 

ရွေးကောက်ပွဲ ရလဒ် အပြည့်အစုံကို ဖေဖော်၀ါရီ ၂၀ ရက်နေ့မှ ထုတ်ပြန်မှာဖြစ်ပါတယ်။ 

ပရာဘို၀ိုဟာ လက်ရှိသမ္မတ ဂျိုကို၀ီဒိုဒိုရဲ့ လက်အောက်မှာ ကာကွယ်ရေး၀န်ကြီးအဖြစ် ဆောင်ရွက်ခဲ့သူ ဖြစ်ပါတယ်။ 

အသက် ၇၂ နှစ်အရွယ်ရှိပြီး အင်ဒိုနီးရှားစစ်တပ်ရဲ့ အထူးတပ်ဖွဲ့ အကြီးအကဲဟောင်းလည်း ဖြစ်ပါတယ်။ 

တိုင်းပြည်ကို နှစ်ပေါင်း ၃၀ ကျော် အုပ်စိုးခဲ့တဲ့ အာဏာရှင် ဆူဟာတိုလက်ထက်မှာ ပရာဘို၀ို တန်ခိုးထွားခဲ့တာပါ။ ဆူဟာတိုရဲ့ ပြည်သူတွေအပေါ် ရက်ရက်စက်စက် ဖိနှိပ်ညှင်းပမ်းမှုမှာ ပရာဘို၀ို ပါ၀င်ခဲ့တယ်ဆိုတဲ့ မှတ်တမ်းဆိုး ရှိပါတယ်။ 

၁၉၉၇-၉၈ ခုနှစ်က ဆူဟာတိုကို ၀ေဖန်တဲ့ လူ့အခွင့်အရေးလှုပ်ရှားသူ ၂၂ ဦး ပြန်ပေးဆွဲခံရမှုဟာ ပရာဘို၀ိုရဲ့လက်ချက် ဖြစ်ပါတယ်။ အဲဒီထဲက ၁၃ ဦးကို ပြန်ရှာမတွေ့တော့ဘဲ သေဆုံးသွားပြီလို့ ယူဆရပါတယ်။ ဒီကိစ္စကြောင့်ပဲ ပရာဘို၀ိုဟာ ၁၉၉၈ ခုနှစ်မှာ စစ်တပ်ကနေ ထုတ်ပယ်ခံလိုက်ရပါတယ်။ 

ပရာဘို၀ိုက ဒီပြန်ပေးဆွဲမှုမှာ သူပါတယ်ဆိုပေမယ့် အထက်ကခိုင်းလို့ လုပ်ရတာပါလို့ အရင်က အင်တာဗျူးတွေမှာ ပြောကြားဖူးပါတယ်။ 

လက်ရှိရွေးကောက်ပွဲမှာ ပရာဘို၀ိုဟာ လူငယ်တွေရဲ့ထောက်ခံမှုကို အပြည့်အ၀ ရထားပါတယ်။ ပြည်သူချစ်တဲ့ သမ္မတ ၀ီဒိုဒိုရဲ့ မဟာမိတ်အဖြစ် မှတ်ယူခံရတာ၊ ဆိုရှယ်မီဒီယာမှာ လူငယ်တွေနဲ့ နွေးနွေးထွေးထွေး ဆက်ဆံတာတွေကြောင့် ဖြစ်ပါတယ်။ 

သူ့ကို ထောက်ခံသူအများစုဟာ သူ့ရဲ့ အတိတ်သမိုင်းကို မမီလိုက်ကြတဲ့ ၂၀၀၀ ပြည့်နှစ်နောက်ပိုင်း မွေးဖွားသူတွေ ဖြစ်ပါတယ်။ 

သမ္မတ၀ီဒိုဒိုရဲ့သားဖြစ်သူ ဂျီဘရန်တိုက ပရာဘို၀ိုနဲ့အတွဲ ဒုတိယသမ္မတလောင်းဖြစ်ပါတယ်။ 

သမ္မတ ဂျိုကို ၀ီဒိုဒိုရဲ့ ၁၀ နှစ်တာ အုပ်ချုပ်မှုမှာ အင်ဒိုနီးရှား စီးပွားရေးဟာ တိုးတက်လာခဲ့ပြီး ပရာဘို၀ိုက ဒီထက်ပိုပြီး တိုးတက်အောင် လုပ်ပေးမယ်လို့ ကတိပြုထားပါတယ်။ 

စိုးရိမ်

ပရာဘို၀ို သမ္မတဖြစ်လာရင် အရင် စစ်တပ်အရာရှိတုန်းကလို ဖိနှိပ်မှုတွေ ရှိလာမှာကို အင်ဒိုနီးရှားပြည်သူတစ်ချို့က စိုးရိမ်နေကြပါတယ်။ 

ပရာဘို၀ို အနိုင်ရသွားခဲ့ရင် လွှတ်တော်မှာ သူ့ကို ထိန်းကြောင်းဖို့အတွက် ထိရောက်တဲ့ အတိုက်အခံအင်အားစုမျိုး လိုလိမ့်မယ်လို့ ကျွမ်းကျင်သူတွေက သုံးသပ်ပါတယ်။

“ဒီမိုကရက်တစ် ကိစ္စတွေက သူ့ရဲ့ ဦးစားပေး မဟုတ်လောက်ဘူး။ တင်းကျပ်တဲ့ ဥပဒေတွေနဲ့ ၀ေဖန်သူတွေကို အသံတိတ်အောင် လုပ်လာနိုင်ပါတယ်” လို့ ဂျာကာတာမှာရှိတဲ့ Atma Jaya တက္ကသိုလ်က တာ၀န်ရှိသူ မစ္စတာ ယို့စ် ကီနာ၀က်စ်က ပြောပါတယ်။ 

လူ့အခွင့်အရေးအဖွဲ့ Amnesty International ရဲ့ အင်ဒိုနီးရှားဆိုင်ရာ အကြီးအကဲ မစ္စတာ အူစမန် ဟာမစ်မှာလည်း ဒီလို စိုးရိမ်မှုမျိုးတွေ ရှိပါတယ်။ 

“ဒီမိုကရေစီ၊ လူ့အခွင့်အရေးနဲ့ လွတ်လပ်စွာပြောဆိုခွင့်ကို အားနည်းသွားစေနိုင်တဲ့ မူ၀ါဒမျိုးတွေ ရှိလာမယ်လို့ ကျွန်တော်ထင်ပါတယ်” 

Ref: CNA

Tags:

Comments are closed.