၂၀၂၄ ခုနှစ် ဟဂျ်ဘုရာဖူးကာလအတွက် ဆော်ဒီက ဘာတွေ ပြင်ဆင်ထားလဲ

မေ ၁၀၊ ၂၀၂၄

M-Media

– ယခုနှစ် ဟဂျ်ဘုရားဖူးကာလအတွက် ဆော်ဒီအမျိုးသားလေကြောင်းလိုင်းက အကောင်းဆုံး ၀န်ဆောင်မှုတွေ ပေးနိုင်အောင် စီစဥ်ထားတယ်လို့ ဆော်ဒီအာရေဗျက ထုတ်ပြန်ပါတယ်။ 

ဆော်ဒီအမျိုးသားလေကြောင်းလိုင်းမှာ လေယာဥ်ပေါင်း ၁၅၀ ကျော်အထိ ဖြည့်တင်းထားပြီး ဘုရားဖူးခရီးသည်တွေအတွက် ထိုင်ခုံပေါင်း ၁ ဒဿမ ၂ သန်း သတ်မှတ်ပေးထားပါတယ်။ 

ဆော်ဒီဟာ ဟဂျ်ခရီးသည်တွေကို ဂျစ်ဒါ၊ မဒီနာ၊ ရီယာ့ဒ်၊ ဒမ်မမ်နဲဲ့ ယန်ဘူ လေဆိပ်တွေကနေ ကြိုဆိုမှာဖြစ်ပါတယ်။ ဘုရားဖူးတွေကို လက်ခံရေးနဲ့ နေရာချထားပေးရေးအတွက် အထူးအဖွဲ့တွေကိုလည်း ဖွဲ့စည်းထားပါတယ်။ 

ဂျစ်ဒါနဲ့ မဒီနာမြို့က နိုင်ငံတကာ လေဆိပ်တွေမှာ ဟဂျ်ခရီးသွားတွေကို စီမံခန့်ခွဲနိုင်ရေး ပုံတူလေ့ကျင့်ပြင်ဆင်မှုတွေကိုလည်း လုပ်ဆောင်ထားပြီးပါပြီ။ 

ဘုရားဖူးတွေကို ကြိုဆိုဧည့်ခံဖို့အတွက် ရှေ့ပြေး၀န်ထမ်း ၁၁၀၀၀ ကျော်ကို ခန့်အပ်ထားပါတယ်။ 

ဆော်ဒီဟာ “Hajj with No Bags” လှုပ်ရှားမှုကိုလည်း ဒီနှစ်မှာ ဆောင်ရွက်မှာပါ။ ဟဂျ်ခရီးသည်တွေဟာ လူကလွဲပြီး ဘာမှ ယူလာစရာမလိုဘဲ ဆော်ဒီလေဆိပ်ရောက်တာနဲ့ စားသောက်၀တ်ဆင်ဖို့ အားလုံး စီစဥ်ပေးထားမှာ ဖြစ်ပါတယ်။ 

လေဆိပ်ရောက်တာနဲ့ တည်းမည့်ဟိုတယ်ကို တန်းသွားပြီး လက်ဆွဲအိတ်တွေကို ဟိုတယ်အထိ ပို့ဆောင်ပေးမယ့် ၀န်ဆောင်မှုကိုလည်း ဆော်ဒီအာဏာပိုင်တွေက စီစဥ်ပေးထားပါတယ်။ 

ကမ္ဘာတစ်၀ှမ်းက သန်းနဲ့ချီတဲ့ ဟဂျ်ဘုရားဖူးခရီးသည်းတွေ ဆက်သွယ်ပြောဆိုရာမှာ အဆင်ပြေနိုင်ဖို့အတွက် ဘာသာစကားပေါင်း ၃၀ နဲ့ ဆက်သွယ်ပြောဆိုလို့ရအောင်လည်း လုပ်ဆောင်ပေးထားပါတယ်။ 

Ref: Arab News