မြန်မာပြဿနာပြေလည်ရေး ထိုင်းနိုင်ငံက ဖိဖိစီစီး ဆောင်ရွက်နေ

မေ ၂၄၊ ၂၀၂၄

M-Media

– အိမ်နီးချင်းမြန်မာနိုင်ငံမှာ ဖြစ်ပွားနေတဲ့ ပြဿနာကို အဆုံးသတ်နိုင်ရေးအတွက် ထိုင်းနိုင်ငံက ဖိဖိစီးစီး လုပ်ဆောင်နေတယ်လို့ ထိုင်း၀န်ကြီးချုပ် ဆရက်သာ သာဗီဆင်က ပြောပါတယ်။ 

ဂျပန်နိုင်ငံ တိုကျိုမြို့က Nikkei’s Future of Asia Forum မှာ ထိုင်း၀န်ကြီးချုပ်က အခုလို ပြောကြားလိုက်တာ ဖြစ်ပါတယ်။ 

အာဆီယံအဖွဲ့ လက်ရှိ ဥက္ကဌ လာအိုနိုင်ငံ၊ အခြားအာဆီယံအဖွဲ့၀င် နိုင်ငံတွေနဲ့ ပူးပေါင်းဆောင်ရွက်နေပြီး၊ ထိုင်းနယ်စပ်မှာ လူသားချင်း စာနာထောက်ထားမှု အကူအညီတွေ ပိုမိုပေးအပ်နေတယ်လို့လည်း  သာဗီဆင်က ပြောပါတယ်။ 

“ငြိမ်းချမ်းတည်ငြိမ်ပြီး၊ ညီညွတ်တဲ့ မြန်မာနိုင်ငံ ဖြစ်လာရေးအတွက် ကျွန်တော်တို အတူတကွ ဖိဖိစီးစီး ဆောင်ရွက်နေပါတယ်။ မြန်မာနိုင်ငံ ဒီမိုကရေစီလမ်းကြောင်းပေါ် ပြန်ရောက်တာကို ကျွန်တော်တို့ မြင်ချင်ပါတယ်”

ထိုင်းနဲ့ကပ်နေတဲ့ မြ၀တီနယ်စပ်မှာ ပြီးခဲ့တဲ့သီတင်းပတ်အနည်းငယ်က ကရင်လက်နက်ကိုင်အဖွဲ့နဲ့ စစ်ကောင်စီတပ်ဖွဲ့တွေအကြား တိုက်ပွဲအကြီးအကျယ် ဖြစ်ပွားခဲ့ပြီး ထိုင်းနိုင်ငံက နယ်စပ်တစ်လျှောက် စစ်တပ်တွေ ချထားတဲ့အထိ ပြင်းထန်ခဲ့ပါတယ်။ 

Ref: Bangkok Post