3 days ago
ဦးဇော်ဌေး (ခ) မှူးဇော်အား ဌာနပြောင်းရွှေ့တာဝန်ပေး
5 days ago
NVC ကဒ် လက်ခံရန် ဖိအားပေးခံရမှုကို ငြင်းဆိုသော ကမန်တိုင်းရင်းသားများ စီးပွားရေးပိတ်ဆို့ခံနေရ
4 weeks ago
ASEAN ထိပ်သီးများ ရိုဟင်ဂျာအရေး ဆွေးနွေး
1 month ago
Drone မှုနဲ့ဖမ်းခံရသူ သတင်းထောက်တွေ မိသားစုနဲ့တွေ့ခွင့်မရသေး
2 months ago
မြန်မာ-ဘင်္ဂလားဒေ့ရှ် သဘောတူညီချက် (၁၀)ချက် လက်မှတ်ရေးထိုး
2 months ago
AA ဒုဗိုလ်မှူးကြီး အပါအ၀င် ၉ ဦးကို ငွေကြေးခ၀ါချမှုနဲ့ အမှုဖွင့်စစ်ဆေး
2 months ago
ဘာသာပေါင်းစုံ ဆုတောင်းပွဲ (ရုပ်သံ)
2 months ago
ရိုးရာ လက်ဝှေ့ အဖွဲ့ချူပ် ပြက္ခဒိန်တွင် ထွန်းထွန်းမင်း ဓါတ်ပုံ ချန်ထားခံရ
2 months ago
ဘာသာပေါင်းစုံ ဆုတောင်းပွဲ ဖိတ်ကြားလွှာ (ရန်ကုန်)
2 months ago
ရွှေတိဂုံစေတီ ဝတ္တကမြေအတွင်း ဘာသာခြားများကို ဈေးရောင်းခွင့် ကန့်သတ်ထားခြင်း မရှိဟုဆို

ဒီဇင်ဘာ ၆၊ ၂၀၁၇
M-Media

– ဂျေရုစလင်အား အစ္စရေးမြို့တော်အဖြစ် အသိအမှတ်ပြုရန် အမေရိကန်သမ္မတ ဒေါ်နယ်ထရမ့်က စီစဉ်နေမှုကို ဆန့်ကျင်သောအားဖြင့် ဂါဇာကမ်းမြှောင်ရှိ ပါလက်စတိုင်းပြည်သူများမှာ ၃ ရက်တာ အကြီးအကျယ် ဆန္ဒပြမှုကို ယနေ့တွင် စတင်လိုက်သည်ဟု သိရသည်။

သိန်းနှင့်ချီသည့် ဂါဇာပြည်သူများမှာ ယနေ့တွင် လမ်းပေါ်သို့ ထွက်လာကာ ထရမ့်အား ရှုတ်ချသည့် စာတန်းများ ကိုင်ဆောင် ဆန္ဒပြခဲ့ကြသည်။

ကမ္ဘာတစ်ဝှမ်းက ရှုတ်ချမှုများ ရှိနေသော်လည်း တယ်လ်အဗီးတွင် ရှိနေသည့် အမေရိကန်သံရုံအား ဂျေရုစလင်သို့ ရွှေ့မည့်အစီအစဉ်ကို ထရမ့်က ယနေ့နှောင်းပိုင်းတွင် ကြေငြာမည်ဖြစ်သည်။

အရှေ့ဂျေရုစလင်အပါအ၀င် ကုလက ပါလက်စတိုင်းပိုင်နက်အဖြစ် သတ်မှတ်ပေးထားသည့် ဒေသများကို အစ္စရေးက ၁၉၆၇ ခုနှစ် နောက်ပိုင်းတွင် တစ်စတစ်စ ကျူးကျော် သိမ်းပိုက်ခဲ့ပြီး ဂျေရုစလင်ကို ၎င်းတို့၏ မြို့တော်အဖြစ် ကြေငြာရန် ဆောင်ရွက်လာခဲ့ခြင်းဖြစ်သည်။

ပါလက်စတိုင်းသမ္မတ မဟ်မူဒ် အဘတ်စ်အပါအ၀င် အာရပ်ခေါင်းဆောင်များ၊ ဥရောပသမဂ္ဂတို့က ထရမ့်၏ ထိုဆုံးဖြတ်ချက်မှာ ဒေသတွင်း မတည်မငြိမ်ဖြစ်မှုကို ပိုမို ဆိုးရွားသွားစေနိုင်သည်ဟု သတိပေးထားသည်။

အစ္စရေးရှိ နိုင်ငံတကာ သံရုံးများမှာ ဂျေရုစလင်တွင် တစ်ခုမှ မရှိဘဲ ဂျေရုစလင်အား အစ္စရေးက စိုးမိုးအုပ်ချုပ်နေမှုကို အမေရိကန်အပါအ၀င် ကမ္ဘာ့ မည်သည့်နိုင်ငံကမှ အသိအမှတ်ပြုထားခြင်း မရှိပေ။

ပါလက်စတိုင်းများ၏ ယခုဆန္ဒပြမှုမှာ ပိုမိုကြီးထွားလာဖွယ် ရှိနေပြီး ဂါဇာရှိ ဟားမက်စ်အဖွဲကလည်း ဂျေရုစလင်ကိစ္စမှာ ပါလက်စတိုင်းများအပေါ် စည်းဖောက်ခြင်းဖြစ်ကြောင်း၊ မိမိတို့အနေဖြင့် လုံးဝ လက်ခံသွားမည်မဟုတ်ကြောင်း ကြေငြာချက် ထုတ်ပြန်ထားသည်။

အီရန်အဓိပတိ အယာတိုလာ ခါမေနီက ထရမ့်၏ ထိုအစီအစဉ်ကို ရှုတ်ချခဲ့ပြီး အမေရိကန်မှာ ယှဉ်ပြိုင်နိုင်စွမ်းမရှိမှု၊ ကျဆုံးမှုကြောင့် ထိုကဲ့သို့ ဆောင်ရွက်ရခြင်းဖြစ်သည်ဟု ပြောကြားခဲ့သည်။

ပုပ်ရဟန်းမင်းကြီးကလည်း ဂျေရုစလင်ရှိ အလ်-အက်ဆာ ဗလီဝတ်ကျောင်းတော်မှာ ပါလက်စတိုင်းနှင့်သာ ဆိုသည်ဆိုသည့် အချက်ကို အလေးထားရမည်ဟု ၎င်း၏ တစ်ပတ်တာ မိန့်ခွန်းတွင် ထည့်သွင်း ပြောကြားခဲ့သည်။

ဂျေရုစလင်ရှိ မွတ်စလင်နှင့် ခရစ်ယာန်တို့၏ ဘာသာရေးအဆောက်အဦးများကို ၁၉၉၄ ခုနှစ်ကတည်းက ဂျော်ဒန်မှ တာဝန်ယူစောင့်ရှောက်နေခြင်းဖြစ်သည်။

Ref: Aljazeera

 



Tags:

Comments are closed.